Make 14:18 - Seysyo No Tao

¹⁸ Maniring si Yeso do ikalimot da koman am, “To ko na macitangayan jinyo am yamyan jinyo so yasa ka tao a yamacihanghang jyaten a yamanazang nyaken.”

Make 14:18 Referans Kwoze

Yowani 6:70

Maniring si Yeso am, “Ko inyo nipamnekan a yararwa so ikakarwan am yamyan jinyo so yasa ka tao a yana italamozong ni Satan.”

Yowani 6:47

To ko na macitangayan jinyo am omanoyong jyaken a tao am mahap da o to meyyonong a ikavyay no pahad da.

Yowani 13:38

Maniring si Yeso am, “Manngwa, manoyong o kangay mo nyaken so inawan an? Am to ko na macitangayan jimo am si omanam a tomazokokok o manok am ipitlo ka omalalas jyaken.”

Yowani 13:21

Iptad na o ciring na ni Yeso am meyngen o onowned na. Maniring rana am, “To ko na mancyan jinyo am yamyan jinyo so yasa ka tao a yamanazang nyaken.”

Yowani 6:32

Maniring si Yeso jira am, “To ko na macitangayan jinyo am jya nimapakas so kanen si Moyse, ta o apo do teyngato a kanen am si Ama ta do to o nitomoro nya.

Yowani 6:26

Maniring si Yeso am, “To ko na macitangayan jinyo am o nyo kalan jyaken am beken a nyo kanimakacita so ko nipatwaw a yongkad do kanimapo ko ji Ama ta do to an. Ta nyo kakzeben o nyo kabsoy.

Yowani 5:19

Maniring pa jira si Yeso am, “To ko na macitangayan jinyo am no ko to mangozai o kataotao ko am abo mahap ko a vazay. Am ko na nimacita o vazay ni Ama. Am ori o ko to ngamooni sya peyvazain. O vazay ni Ama na am vazay no Anak na.

Yowani 3:11

To ko na macitangayan jimo am o namen katenngan a kano namen nimacita o namen patwawen. Am yanyo ji ngapa o yakman sang a yanamen patwawen.

Yowani 3:5

Maniring si Yeso am, “To ko na macitangayan jimo am no jya nimalikey o tao do ranom a kano Seyzi am ji macikaop do italamozong na tao ni Ama ta do to.

Yowani 3:3

Maniring si Yeso am, “To ko na macitangayan jimo am no si ji mirwa a matazak a tao o tao am ji macikaop do italamozong na ni Ama ta do to a tao.”

Yowani 1:51

Maniring pa jira si Yeso am, “To ko na macitangayan jinyo am macita nyo na o teyngato a kacyangan a kapakacita nyo na so aro a tinsi ni Ama ta do to a meygegcin jyaken a Nipamnekan na ni Ama ta do to a meysisinaoli sira do teyngato.”

Locya 11:51

a nimapo ji Yapo kangay na do meyngaran si Sacyadiya a niwakwak da do panaralayan a masngen do patanatanangan so nakem si Ama ta do to. Ko pa ciring jinyo am mamwamoon do tao sicyakwaya o oyaoyyan na nira ni Ama ta do to.

Locya 4:24

Am ko pakoyokoin pa jinyo am yabwata o yasa ka panoyonoywan na so ciring ni Ama ta do to do macikeylyan a yada amizngan so ciriciring.

Make 14:25

To ko na macitangayan jinyo am ji ko rana ngyop so potaw cyo mangay no marateng o araraw na no kapacikaop ko jinyo a omyop do teyngato, no si papwen na ni Ama ta do to o katalamozong na no vayo a karawan.”

Make 14:9

To ko na macitangayan jinyo am no ipeylimwang o Mapasaray a Ciriciring na ni Ama ta do to do karawan eya am abo ji makalavat so mina vazay na jyaken no mavakes eya.”

Make 10:29

Maniring si Yeso jira am, “To ko na macitangayan jinyo am o mahap so vazay ko a kano meylimwang no Mapasaray a Ciriciring ko a to rana ngaro do vahay da kano kakakteh na kano inyapwan na kano minapodpod jya kano nihakawan da am

Make 10:15

Ko pa ipanci jinyo am o tao a makza no katalamozong na nira ni Ama ta do to am inarahen da o kanakan a meyhanhan no inyapwan da.”

Make 9:41

To ko na macitangayan jinyo am o manta ninyo so ranom a yopen nyo do kanoyong nyo jyaken am tey saray na ori ni Ama ta do to.”

Make 9:1

“To ko na macitangayan jinyo am o yameytatanek do jya tao am amyan jira so makapis pa so azwazway na ni Ama ta do to a meygegcin do karawan do ikamavyay da pa.”

Make 8:12

Am ori o nikarahet na so aktokto. Maniring jira am, “Ikeykongo kamo a tao sicyaikwaya yakomakzeb so yamapeyzokab a vazay. To ko na macitangayan jinyo am abo o ipacita ko jinyo a mapeyzokab a vazay.”

Make 6:11

No mangay kamo do vahay da a kaji da raralayan ninyo a taotawwen a ji da ngamiznga so ciring am to nyo na ngaroi sira katoktok nyo so domket do ai nyo a tana, ta tovilan nyo jira meyraraten a tao a ji mamlis so nakenakem.”

Make 3:28

“To ko na macitangayan jinyo am o makakaday a raraten a kano marahet a ciriciring no tao am todamimin pa ori a mavonas.

Matay 26:21

Koman sira am maniring si Yeso jira am, “To ko na macitangayan jinyo am yamyan jinyo so yasa ka tao a yamanazang nyaken.”

Matay 6:5

“No meynozi kamo am ji nyo nginara o tanwasiwasi so nakenakem a makza no keyyan da do peyneynozyan a kado rararahan a meynozi a amngongyod so kapacita nya do tao. To ko na macitangayan jinyo am tana mahap da o kazwayan da do karawan am abo rana o mahahap da a kadmayan da ji Ama ta do to.

Matay 6:2

No mangazaw ka am taosya o kapacita mo nya, akman so tanwasiwasi do peyneynozyan a kado rarahan a mapacita no kasidong da so tao. Ko ipanci pa jinyo am tana mahap da o kazwayan da do karawan am abo rana mahahap da a kadmayan da ji Ama ta do to.

Matay 5:18

To ko na macitangayan jinyo am tana todangay do kaidan no karawan am abo asa ka ciring ni Ama ta do to a mabalinas.

Yowani 21:18

To ko na macitangayan jimo am no kalavayo mo pa am to mo meyneynakman o angangayan mo. Am no rarakeh ka na am abo rana oyowyat mo a mapatozatozak do amvaod jimo a tomaosya so ji mo akzakzan a angayan.”

Matay 6:16

“No ji kamo mangakaday a meynozi am ji nyo nginara sira o tanwasiwasi a tao, do kakma dey mapasingat a mapacita no kaji da nimangakadayan a meynozi. To ko na macitangayan jinyo am tana mahap da o kazwayan da do karawan am abo rana o mahahap da a kadmayan da ji Ama ta do to.

Make 14:17

Maseyrem rana am malovot rana sira Yeso a kano rarwa so ikakarwan a macinanao jya.

Make 14:19

Mamizing da ori am marahet sira so onowned o macinanao jya. Am ori o nikateyteyras da manangangay nya ji Yeso. Maniring sira am, “Yaken an?”

Locya 22:21

Am cittey kamo o yamanazang nyaken a tao a yamacihanghang jyaten.

Yowani 13:18

“Beken a ko to zagoma inyo a yapeyciringan sya, ta ko katenngan sira o yako nitenngan a tao. Am manoyong o ciring do Seysyo an. Ta maniring am, ‘O yamacihanghang jyaken a asa ka tao am yamanazang nyaken.’ So ipangononong no ciring ang.

Yowani 13:22

Karahan am meysingsingkad sira o macinanao jya, do kaji da makatenngan do peycirngan na sya.