Make 12:40 - Seysyo No Tao

⁴⁰ Littan da sira o vao a mavakes ahapen so iheyhakaw a kato da ngidan so inozi da. Mangay o kapeydedna na jira no makdeng a ipasingsingkad na sira ni Ama ta do to.”

Make 12:40 Referans Kwoze

Locya 20:47

Littan da o vao a mavakes do kahap da so kangangay da, kato da ngidan so inozi da mapakapyapya so nakem. Sira rana ori am mangay o kangay na jira no rako a peyoyaoyyan na ni Ama ta do to.”

Matay 23:33

Inyo rana yakmey katonodan no tokza am jyabo kapakaliklik nyo so pasingsingtan na jinyo ni Ama ta do to do kararatan a.

Matay 23:13

“Inyo rana yatanwasiwasi a yamangnanao no iwawalam ni Ama ta do to a kano tao a macyagom do Vadisay am to kamo makasi. Ta inyo rana am nyo taywen o oyowyat ni Ama ta do to do tangain no tao. Nyo ji mya o kataotao nyo a macikaop do italamozong ni Ama ta do to. Akman sang o tao a nyo ji mya a yamacikaop do italamozong ni Ama ta do to.

Matay 6:7

“No meynozi kamo am ji nyo nginara o ji manaralay a tao a omolioli so ciring da abo so peypeypangayan. Ta ipanci da o kamizing na ni Ama ta do to so anaro a ciring.

2 Timotay 3:6

Ta amyan so mahakay a mangnanao no malas a ciring so jyahadpet so nakem a mavavakes a ipeyzavozavoz da so nakenakem da. Am ori o to da anwanoyngi jira, do keyyan na pa jira no raraten da no kakwa pa.

Matay 23:14

[To kamo makasi an. Nyo littan o vao a mavakes a yahapen so kangangay. Nyo to ngida o inozi nyo a to napyapya so nakem. So ikanoyong nyo a peydednan no rako a peyoyaoyyan na ni Ama ta do to.]

Make 12:39

No mangay sira do peyneynozyan a kado pamarmarngan so kanen am ikakza da o kalisna da do pamanongan na.

2 Kedinto 11:20

Ta no peylamsoin da inyo am littan da inyo am soziban da inyo am ji da ninigan inyo am somiplang so posngi nyo am nyo to macyozai sira.