Make 12:31 - Seysyo No Tao

³¹ Ikadwa na am, ‘Ikarilaw mo o icyatatao mo. So to mo peyyangai so aryarilaw mo so kataotao mo a marilaw no icyatatao mo.’ So ikabo na rana no makataha so sya so kakdekdeng.”

Make 12:31 Referans Kwoze

Matay 22:39

O ikadwa na am akman sang so kakdekdeng an. ‘Ikarilaw mo o icyatatao mo. To mo peyyangaya kano aryarilaw mo so kataotao mo o karilawan mo no icyatatao mo.’

Locya 10:27

Maniring ori am, “ ‘Onowned mo a kano pahad mo a kano oyowyat mo a kano nakenakem mo am to mo peykasa a omraralay ni Ama ta do to a Tao do to mo a karilaw mo no icyatatao mo akman so aryarilaw mo so kataotao mo.’ ”

Matay 7:12

No si kakzeben nyo o kapya da so nakem jinyo no icyatatao nyo am akman kamo sang so nakem jira. Ta ori o na agagazan no nivatvatkan ni Moyse a kano panoyonoywan na so ciring ni Ama ta do to.

Cyalatay 5:14

Ta yana to zagoma no pangangarilawan o iwawalam na ni Moyse. Ta si ahapen ta o ciring do Seysyo a manci no, “O aryarilaw mo so kataotao mo am akman sang o karilawan mo no icyatatao mo,” am nimahap ta rana o iwawalam ni Moyse.

1 Yowani 4:21

O ciring na jyaten ni Yeso Kizisto am o omraralay ni Ama ta do to a tao am ikarilaw na o akma ney kakteh do cinai.

Make 12:32

Maniring ji Yeso o mangnanao no iwawalam ni Ama ta do to a tao am, “Mo Mangnanao, yabo mo kalasan. So na ikanoyong no ciring mo, do yana kasa ka tao ni Ama ta do to a yabo so ikararwa.