Make 12:28 - Seysyo No Tao

²⁸ Mamizing na no asa ka mangnanao no iwawalam ni Ama ta do to a tao o ciring da am isaray na o nitovis ni Yeso do tao a macyagom do Satokay. Am ori o nyangay na mapacici si Yeso. Maniring am, “Ikongo ney makdeng na do nanao ni Ama ta do to.”

Make 12:28 Referans Kwoze

Locya 20:39

Amyan so mangnanao no iwawalam ni Ama ta do to a manci no, “Mo Mangnanao, yatey yapya o ciriciring mo.”

Matay 19:18

Maniring o tao ori am, “Ikongo do iwawalam ni Ama ta do to ang.” Maniring si Yeso am, “Ji mangap so tao. Ji pasagpyana o aktokto. Ji manakaw. Ji mangamaog so malas a ciring.

Matay 5:19

No si amyan so tao a to nazibo no asa ka ciring do nivatvatkan a nanao ni Ama ta do to a kacirara na so tao a akman sya to nazibo nya am imaveveh na tao do italamozong na ni Ama ta do to. Am o tao a mahap so ciring na ni Ama ta do to a mapeyvazay sya a kacirara na so tao a mangozay jya am ney meynakem ori do italamozong na ni Ama ta do to.

Locya 11:42

“To kanyo makasi a tao a macyagom do Vadisay. Tana mapasina kamo so ipeykingking nyo ji Ama ta do to so meykamadadayan a monganay jinyo am yanyo to nazibwan o pangangarilawan na ni Ama ta do to a kano nakenakem nyo so icyatatao nyo. Ta ori rana am ji to nazibwan o akman sang a vazay an.

Matay 23:23

“Inyo rana yatanwasiwasi a yamangnanao no iwawalam ni Ama ta do to a kano tao a macyagom do Vadisay am to kamo makasi. Tana mapasina kamo so ipeykingking nyo ji Ama ta do to so meykamadadayan a monganay jinyo am yanyo to nazibwan o yamanoyong a yamakdeng a nanao ni Ama ta do to a ji mapeycyakaban a kano pangangasyan a kano ji mangalalas. Ahapen nyo o akman sang a nanao, ta yamakekdeng ori a nanao. Akman sang o karwan na, ta ji nyo ngolala.

Make 9:14

Meysinaoli rana sira a macilovot do karwan da macinanao ji Yeso am macita da o aro a tao a omlimot sira. Am no kanang am macinekanekad sira o mangnanao no iwawalam ni Ama ta do to do macinanao ji Yeso.