Make 11:18 - Seysyo No Tao

¹⁸ Mamizing da o ciring na no panipanirsirngen no mapatanatanang so nakem da si Ama ta do to a kano mangnanao no iwawalam ni Ama ta do to am naknakmen da o kawakwak da si Yeso. Am ikanyahey da si Yeso, ta tey yaro o tao a omanod do ciring na.

Make 11:18 Referans Kwoze

Matay 7:28

Mateyka ni Yeso o ciring na am isavasavak da no makamizing so nipangnanao na.

Make 12:12

Makazazap da no panipanirsirngen no tao do Yotay o pakacirngen na jira. Am ori o naknakman da si Yeso a rakpen. Am kanyahey da no aro a tao. Ori o to da rana angai.

Nimlivolivon 24:25

Karahan am ononongan na rana ni Pawlo jira a meyyaven do vahay o kapiya no icicirawat a omzat do onowned mangay do ikarateng no araraw na no ipeykapyapinpin na so tao ni Ama ta do to. Mamizing na ori ni Veydise am manyahey rana o onowned na. Maniring ji Pawlo am, “Angay rana. No ipanci ko imo am mai ka.”

Yowani 7:46

Maniring sira o mamzamzat am, “Ji namen pa nimakamizing so akman sito so ciriciring.”

Locya 20:19

O mangnanao no iwawalam ni Ama ta do to a kano panipanirsirngen da no mapatanatanang so nakem da si Ama ta do to am makazazap da o nanao ni Yeso a paingen na jira. Am ori o naknakman da so karakep da sya. Am ikanyahey da o aro a tao.

Locya 19:47

Mangday do araraw si Yeso a mangnanao so tao do rako a panaralayan. O panipanirsirngen no mapatanatanang so nakem da si Ama ta do to a kano mangnanao no iwawalam ni Ama ta do to a kano kamanrarakehan da am naknakmen da o kawakwak da sya.

Locya 4:22

Abo tao a ji ngyak no tey yapya ciring na. So pancyan da no, “Beken a oya asyo o anak ni Yoseyvo an?”

Make 11:32

No si kwan ta o kapo na do tao am jyabo kaji da oyyan nyaten no aro a tao, do da kanoyong ji Yowani a panoyonoywan na so ciring ni Ama ta do to a.”

Make 6:20

ta ikanig na ni Helote si Yowani. Ta abo karatan na. Am ori o ji na gogaji nya. Ta ikakza na amizngen o ipangnanao ni Yowani. Am mangday no amizngen na o ipangnanao ni Yowani o kaji nangnedan so ninyakan.

Make 3:6

Makowbot sira o tao a macyagom do Vadisay do peyneynozyan am meysirisiring rana sira kano Helotyan a tao do civtan da ji Yeso.

Make 1:22

Isavasavak da no makamizing so ciring na ni Yeso o ipangnanao na. Ta tey rako oyowyat na no ipangnanao na, do kapacitarek no ipangnanao na kano aro a mangnanao no iwawalam ni Ama ta do to a tao.

Matay 21:15

Macita da si Yeso no panipanirsirngen no mapatanatanang so nakem da si Ama ta do to a kano mangnanao no iwawalam ni Ama ta do to a nimapeyvazay so aro a mapeyzokab a vazay a kapakamizing da pa so aro a kanakan a amlololos do rako a panaralayan a manci no, “Inaoy si omaing o admadmay do sivovoong ni Tawey!” Mamizing da ori am ori o nipeyoyaoya da.

Locya 2:47

O makamizing so ciring na tao am abo o ji meyzokab no teneng na do tovisan na jira.

Yowani 7:1

Makarahan am nilivolivon ni Yeso o peycyeylilyan na do Cyadidi. So ji na rana kei no kangay na do Yotay, ta naknakmen da no tao do Yotay si Yeso a zakaten.

Yowani 7:19

Si Moyse rana am nitoro na jinyo o iwawalam ni Ama ta do to. Am yabo jinyo o yamanoyong a yamangozay jya. Ikongo nyo naknakman so nyo kawakwak jyaken.”