Make 10:43 - Seysyo No Tao

⁴³ Am inyo rana am ji nyo nginara o akman sang. No si myan jinyo so tao a makza no kaizay na am pavevehen nyo o kataotao nyo a manidong so icyatatao nyo an.

Make 10:43 Referans Kwoze

Locya 14:11

Ta o mapakarakarang a tao am mangay na pavevehen ni Ama ta do to. O ji makazyazyak a tao am peypakatkaten na sira ni Ama ta do to.”

Make 9:35

Meyratateng am amlisna si Yeso karara na so rarwa so ikakarwan a macinanao jya mai do tangain na. Maniring jira am, “O amnakenakem so keyyan na do kakarangan na am masipanownowji ori a omilamnay so aro a tao an.”

Locya 9:48

Maniring jira am, “O mahap so vazay ko a tomaotao so kanakan eya am yaken an o taotawwen da an. O tomaotao jyaken am akma dey taotawwen o nitomovoy jyaken an. Sino paro jinyo o to mapownot so nakenakem na mangarilaw so icyatatao na. Ta ori o pakarakehen a tao.”

Loma 12:2

Ji nyo to panwanoda o kataotao nyo do yamarahet so yahahapan sya tao do karawan. Ta apyapya pa o kablis na so onowned nyo ni Ama ta do to. Ta ori o ipakateneng nyo do apya nakenakem na jinyo ni Ama ta do to a kano isaray ni Ama ta do to a vazay.

Cyalatay 5:13

Manga kakteh, o na nipamnekan jinyo ni Ama ta do to am na ovayan inyo a yamvaod no iwawalam ni Moyse. Am ori o ji nyo to mamyapyai no kataotao nyo a italamozong no marahet a nakenakem nyo. Apyapya pa o pangarilawan a isidong nyo so kadwan jinyo.

Yowani 18:36

Maniring si Yeso am, “Yaji yapo do tao do karawan o yako ipanalamozong. Ta no si ori am jyabo kaji da ngagoman nyaken no yaomanop jyaken a tao a kaji da makahapan jyaken no panipanirsirngen no tao do Yotay a. So ko ji monganai do karawan.”

Locya 18:14

Maniring pa si Yeso am, “Ko pa ciring jinyo am no si mangay sira o yararwa ka tao ori am o abneken a apya so iyangay a tao do tangain na ni Ama ta do to am o yamapeyvazay so deyking a tao ori an. So ikabeken a tao a macyagom do Vadisay ori. Ta si Ama ta do to am peypavevehen na sira o mapakarakarang so nakem a tao a kapeypakatkat na sira so ji makazyazyak a tao an.”

Make 10:42

Am ori o nilovotan na ni Yeso so macinanao jya do tangain na. Maniring jira am, “O panirsirngen rana do teyrahem am abo ji ngamizing so akman sang a tao an. So pancyan da no nang a makayokod nira tao.

Make 10:44

O makza no kaizay na am inarahen na o lamlamsoy a mapeylamnay so aro a tao.

Locya 22:26

Am ji kamo akman so sang an. Ta o pakarakehen nyo am ji na pahama o nakem na. O panirsirngen am inarahen na o kakma ney lamlamsoy a manidong so tao.