Make 1:24 - Seysyo No Tao

²⁴ Maniring a amlololos am, “Imo a Yeso a tao do Nasale am ikongo mo kakzeben jyamen. Mo yamen balinasen? Ko imo katenngan. Imo am na nitovoy imo no Tao do to a tey yapya so nakenakem a tao.”

Make 1:24 Referans Kwoze

Matay 8:29

Macita da si Yeso am amlololos sira. Maniring sira am, “Imo rana Anak no Tao do to am ikongo mo gogadan nyamen. Ori o mo nikasabsab a mai am mo pasingsingtan yamen?”

Yake 2:19

Apya o kanoyong ta ji Ama ta do to a abo so ikararwa. Am ji pa makanet o akman sang. Ta tana o kalamsoyan ni Satan am anoyngan da o keyyan na ni Ama ta do to. Am kazikzik da a manyahey nya.

Locya 4:34

“Mo Yeso, tao do Nasale, ikongo vazay mo jyamen. Mo yamen balinasen an? Ko katenngan imo, ta imo rana am nitovoy na no Tao do to a tey yapya so nakenakem a tao.”

Nimlivolivon 3:14

Apyapyahen nyo pa o kalikod nyo do ji meylimoteng so onowned a tao a kapyapya nyo pa sya manci ni Pilato a mapasaway so asa ka nimanwakwak a tao.

Ipaziman 3:7

“Ipeyteygami mo o yamimong no kyokay do Veylatevey. Si maniring ka am, ‘Yamaniring o yaji meylimoteng so onowned a tey manoyong am: Yaken rana am akman ko so panirsirngen a meyngaran so Tawey a yatomalamozong no kagi. So ikabo no tao a makaneb do niwangan ko. O yako nyaneban am abo makeywang jya.

Nimlivolivon 2:27

Ta mo ji mya o pahad ko a to ngyan do yanan da no nimawakwak a tao. So ji na macirapai do tana no kataotao ko, ta nipeyvazay ko na o vazay mo.

Locya 8:28

Macita na si Yeso am omlololos a kapeylilitod na do tangain na ni Yeso. Maniring am, “Mo Yeso a Anak no ney manokdwan na Tao do to, ikongo mo gogadan nyaken. Ji mo pasingsingci yaken an.”

Make 5:7

a kalolos na. Maniring am, “Ikongo mo gogadan nyaken, mo Yeso a Anak no ney manokdwan na Tao do to. Ko ipanci do Tao do to o kaji mo pasingsingtan jyaken.”

Yowani 6:69

Namen anoyngan o yamo kanimapo ji Ama ta do to a ji meylimoteng so onowned.”

Locya 1:35

Maniring o tinsi am, “O Seyzi na ni Ama ta do to o peyhekasen na jimo a kano oyowyat na. So na apzatan jimo ni Ama do to. Am ori o ikatazak na tao no Anak na ni Ama ta do to.

Nimlivolivon 24:5

Namen katenngan si Pawlo a na yapwan no ipeyvonag no tao do Yotay do peycyamahamahatawan na, a panirsirngen da no tao a yaomanoyong ji Yeso a tao do Nasale.

Nimlivolivon 4:27

So nipangononong no nang a mina vazay da do Yelosaleng eya. Ta si Helote rana kani Pangsyo Pilato a kano karwan da tao do Yotay a kano beken a tao do Yotay am nimalovot sira nimnakenakem so kazakat da si Yeso a ji meylimoteng so onowned a nipamnekan mo a mahap so vazay mo.

Locya 24:19

Maniring si Yeso am, “Ikongo a vazay.” Maniring sira am, “Vazay na ni Yeso a tao do Nasale. Iya rana am panoyonoywan na so ciring ni Ama ta do to, tey mowyat so ciriciring do tangain ni Ama ta do to a kano aro a tao.

Matay 2:23

O meyngaran so Nasale a ili am ori rana o nikaplinan da meyvahay. O icyakman na sang no vazay am todey mangononong o mina ciring no panoyonoywan na so ciring ni Ama ta do to. Ta maniring sira am, “Iya rana am ngaranan da tao do Nasale.”

Locya 8:37

O tao do Kelasen am ipanci da si Yeso a komaro jira. Ta manyahey sira. So nisakay na rana do vazangay a mangay rana.

Make 1:23

No kanang am amyan so kovotan no kalamsoyan ni Satan a tao a mai do peyneynozyan.

Make 1:25

Am ori o nioyyan na nya ni Yeso. Maniring am, “Ji ka meyzezyak. Pakowbot rana do kataotao na.”

Make 10:47

Mamizing na o keyyan na ni Yeso a tao do Nasale am amlololos. Maniring am, “Mo Yeso a sivovoong ni Tawey, ikarilaw mo pa yaken an.”

Make 14:67

Macita na si Pite a manangdang am to na ningkaji. Maniring ji Pite am, “Imo asyo o kararay na no tao do Nasale a si Yeso?”

Make 16:6

Maniring o mowva tao ori am, “Ji kamo ogto a mavokahaw. Ta ko katenngan inyo a yakomala so yada nipadket do jyojika tao do Nasale a si Yeso. Am yana ji ngyan do jya, ta yarana nimirwa mavyay. To nyo nita o yada nipayan sya ito,

1 Yowani 2:20

Am na rana nitoro jinyo o Seyzi ni Kizisto. Am ori o nyo ikamimin a yarana makateneng do nanao ni Ama ta do to.