Loma 9:6 - Seysyo No Tao

⁶ Beken a ko ipanci o kabo na rana no peypeypangayan no mina ciring na ni Ama ta do to jira, do da kaji nganoyngan ji Yeso Kizisto. Ta beken a todamimin sira o sivosivovoong ni Isedi a meyngongyod a Isedi a tao a italamozong na ni Ama ta do to.

Loma 9:6 Referans Kwoze

Cyalatay 6:16

Inaoy no si ikarilaw na sira ni Ama ta do to o yamangozay do ciriciring ko, pacyangayan da no tao do Yotay a kano beken a tao do Yotay, kapanta na nira so ikapiya no onowned da.

Loma 3:3

Tana yamyan jira so yatatasa yaji nganoyong do ciriciring na am cinakongo na. Manngwa, ablisen na pa o nakenakem na ni Ama ta do to?

Yowani 1:47

Macita ni Yeso si Natannay mangay jya am maniring jya am, “Yameysinogat ori a Isedi a tao. Yabo do onowned na o yamalahet.”

Matay 24:35

Mabalinas o hanit a kano teyrahem. Am jyablis o ciring ko a mangay do kaidan no karawan.

2 Timotay 2:13

Tana malas o onowned ta jya am jyablis o ciring na, ta ji na mamyapyan o kaji na mangononongan no ciring na.

Yowani 10:35

Tamo katenngan o kato na meyyonongan a jyablis no Ciriciring na ni Ama ta do to do Seysyo. Ipanci ni Ama ta do to o kakma dey tao do to no mahap so ciriciring na no kakwa pa.

Loma 9:4

Sira rana Isedi a tao am nipamnekan na ni Ama ta do to a akma ney anak do karawan. So yada rana nipakacita so azwazway na ni Ama ta do to. Sira o nitorwan na no pangozayan da ciring a kano iwawalam na. So da pakatenngan rana do da kararalay ni Ama ta do to. So da rana nipakahap so nakem na jira ni Ama ta do to.

Veydipi 3:3

Ta yaten rana am manoyong a niyongkadan na rana ni Ama ta do to, do kasidong na jyaten no Seyzi a yamraralay ni Ama ta do to. So ta ji mangozai do makakaday a iwawalam da no tao do Yotay a mapeypapya jyaten do tangain na ni Ama ta do to, ta si Yeso Kizisto o ozain ta. Am ori o yata ikasaray rana a yamacikaop jya.