Loma 9:22 - Seysyo No Tao

²² Akman sang o vazay na ni Ama ta do to. Ta nipacita na o peyoyaoyyan na kano oyowyat na. Am na kato anketkenan do nakenakem na yamwoya no tao do da peyraratenan.

Loma 9:22 Referans Kwoze

Yota 1:4

Ta yamyan so yatatasa ka tao a yamacizavoz jyaten. Sira rana am yamalas o yada ahahapan so pangangarilawan na ni Ama ta do to a kano ciring na a yada ibonbon do da pasagpyanan so kataotao da. Da taosyahen si Yeso Kizisto a yamaveyvow a yatomalamozong nyaten. No kakwa pa am amyan rana so ciring a domket do Seysyo a omaing jira, do keyyan no ipasingsingkad na sira ni Ama ta do to.

1 Pite 2:8

Maniring pa do Seysyo am, “O Vato rana ori am cikadan da no tao a ikalektek da.” O icikad da no tao am ji da nganoyngi o ciriciring na ni Ama ta do to. Ori rana am ahapan na ni Ama ta do to so ji manaralay a tao.

Loma 9:21

Manngwa, abo o nakenakem na no meytanatana tao a mapeykataretarek so amamaogen na? Jyabo kaji na makamaogan no tao no asa memeh a tana so adwa meytarek so kapyapya a.

2 Timotay 2:20

O rako a vahay no katenngan a tao am aro dang o makakaday a apzapzatan a makonokon dang. Am amyan so makdeng, amyan so jyakdeng.

1 Tesalonicya 2:16

Yada zazaten yamen a yameylimwang no ciriciring na ni Ama ta do to a mapatazadang so beken a tao do Yotay. So da ikanoyong a yameyparo so yapeyraratenan a peydednan no peyoyaoyyan na ni Ama ta do to.

Loma 9:17

Maniring si Ama ta do to ji Valaw a domket do Seysyo am, “Ko imo pamnekan a panirsirngen. Mangay ko peydednahen jimo o peyoyaoyyan ko a kapakateneng da jya no tao so oyowyat ko a kapeylimwang na rana no ngaran ko do peycyamahamahatawan na.”

2 Pite 2:3

Sira rana malas so ipangnanao a tao am mangamaog sira so ciriciring a ipeylimwang da ipangap da so apzapzatan no tao a ikadpeh jira. So iyan na rana no kakwa no oyyan na nira ni Ama ta do to. So ikanoyong da rana ji rana makasaway do pasingsingtan na jira ni Ama ta do to.

1 Tesalonicya 5:9

Ta o na nipamnekan jyaten ni Ama ta do to am beken a mangay na ioya nyaten. Ta ahapen na yaten do kapyapyan. Ori o mina vazay na no Anak na si Yeso Kizisto a Panirsirngen ta.

2 Pite 3:15

Naknakmen nyo o kaji na angsahan jinyo a pananalahen ni Ama ta do to. Ta ori o avyayan na jinyo, akman so mina ciring ni Pawlo a akma tey kakteh do cinai do teygami na a mangozay do teneng na ni Ama ta do to.

2 Pite 2:9

Am katenngan na ni Ama ta do to a pahawahen sira o jyablis so onowned a makanakem sya a tao do alalaw da. So ipakateneng na ni Ama ta do to do meyraraten a tao a pasingsingtan no marateng o araraw na no peykapyapinpinan na so tao.

1 Pite 3:20

Sira rana am ji da nyanoyngan si Ama ta do to no kapamaring na ni Noya so avang na. Kakwakwan da ji manganoyong am ji na nikahayo sira ni Ama ta do to a nanalahen a mamlis. Tana wawao sira o nisomdep do avang ni Noya am nivyay na sira ni Ama ta do to do rako a henep.

Loma 1:18

Nipaziman na rana ni Ama ta do to o rako a oyaoyyan na no meyraraten a tao a kano ji raralay nya tao. O raraten no tao am ori o yambonbon do yamanoyong a nanao na ni Ama ta do to.

Loma 9:20

Am sinosino ka a to makadket ji Ama ta do to a yapasobnan. Kadketan no tana kapanci na nya do meytanatana tao so, “Mo akmanan jyaken so sya so kamamaogan.”