Loma 9:11 - Seysyo No Tao

^11-12 Am ikongo do nipamnekan na o asa ka anak na, am ori o nipacisirsiring na ni Ama ta do to ji Leypeycya. Maniring am, “Allamen na no rakrakeh o ananak.” Am no kapacisirsiring na jya am abo pa dang o marahet a kano apya a vazay. Ta ji sira pa nimalikey o meyketeh ang. Am ori o ikanoyong na ni Ama ta do to a mangozay do nakenakem na. So ji na monganai do kapyapya no icicirawat no tao o pamnekan na ni Ama ta do to.

Loma 9:11 Referans Kwoze

2 Timotay 1:9

Iya o nimahap jyaten a mapanop jyaten a omanod jya. Am beken a omagaz do kapya no icicirawat ta, ta yaomagaz do nakenakem na kano pangangarilawan na ni Ama ta do to. Ta no kaji na pa nimangamaogan so karawan am nimanakem na rana o katovoy na si Yeso Kizisto a somidong jyaten.

2 Pite 1:10

Ori an manga kakteh an, ipakowyowyat nyo pa a mapeyyan sya do onowned nyo so mina kapamnek na jinyo ni Ama ta do to. Ta no si akman kamo sang am jyabo kapeyparai nyo ji Ama ta do to a,

Tito 3:5

na patazadangen yaten do teyngato, do na karilaw nyaten. So ikabeken na omaing do apya icicirawat ta. O Seyzi na ni Ama ta do to am ori o nikaro ta do raraten ta. So icyakma tey nimalikey a avayo rana so aktokto. So iyan na rana jyaten no to meyyonong a ikavyay no pahad ta.

Ipaziman 17:14

Sira rana am arapen da o Kagling am haragen na sira no Kagling a kano nipamnekan na tao a omanop jya. Ta iya rana am kabtekan a Panirsirngen.”

1 Pite 5:10

Si Ama ta do to am yana yapwan no rako a pangangarilawan, do na kapazanod jinyo do azwazway na. Ta inyo rana am kamo rana macikaop ji Kizisto. Am ori an, no si mavitos rana o yaji meyyonownay a alalaw nyo am manoyong kamo na oyatan ni Ama ta do to, kahadpet nyo na so nakem.

Loma 4:17

Ta maniring do Seysyo am, “Ko abneken imo a ama da no tao do peycyamahamahatawan na.” So ipangononong na no ciring ni Ama ta do to. Ta o na anoyngan ni Apolahan a Tao do to am yamapeyvangon so nimawakwak a tao a nimangamamaog so karawan.

Ivoso 2:9

Am ori o ji nyo pahamai so nakem nyo. Ta beken a omaing do kapya no icicirawat nyo o na nyahapan jinyo ni Ama ta do to.

1 Tesalonicya 1:4

Inyo rana manga kakteh a na ikarilaw ni Ama ta do to am namen katenngan o mina kapamnek na jinyo a omraralay nya.

Ivoso 2:3

No kakwa am akman tamo sira a to mangozangozay do nakenakem da. Am ori o ikanoyong ta meyraraten a tao a pasingsingtan na ni Ama ta do to no makwa.

1 Tesalonicya 2:12

a yajimtad a yamnanao jinyo a yamapait so onowned nyo a yamapadnadna so nakem nyo. So ikanoyong nyo a isaray na ni Ama ta do to. Na nipamnekan inyo a macizanod do oyowyat na kano azwazway na.

Ivoso 3:11

O na akmanan sang ni Ama ta do to am na pangozayan o to meyyonong a pamnemnekan na. Am na rana nipangononongan ni Yeso Kizisto a Panirsirngen ta.