Loma 8:8 - Seysyo No Tao

⁸ O to mangozay do malas a onowned na tao am ji nakzan o akman sang ni Ama ta do to.

Loma 8:8 Referans Kwoze

Loma 7:5

No kato ta pa mangozayan do adan a onowned ta a meyraraten am nipatwaw no iwawalam na ni Moyse o raraten ta do onowned ta. Am o kapalit no raraten am mangay do makotokotod a lila no apoy a mangay no makwa.

Loma 8:9

No si italamozong na inyo no Seyzi am manoyong o kaji nyo na mangozayan do adan a onowned nyo. Ta o vazay no Seyzi o pangozayan nyo. O kabwan no Seyzi na ni Yeso Kizisto am ji macikaop ji Kizisto.

Kelosi 1:10

No si akman sang am manoyong kamo na macipayok so vazay ji Yeso Kizisto a Panirsirngen ta, do kahap nyo so vazay na a meypahagnat rana so onowned a makateneng rana ji Ama ta do to.

Yowani 3:3

Maniring si Yeso am, “To ko na macitangayan jimo am no si ji mirwa a matazak a tao o tao am ji macikaop do italamozong na ni Ama ta do to a tao.”

Sipolay 13:21

Inaoy si itoro na jinyo ni Ama ta do to o makakaday a ileylamnay no nakem nyo a kowyat na jinyo a mahap so isaray na vazay. So ikanoyong nyo a mahap so nakenakem ni Ama ta do to, do nyo kararalay ni Yeso Kizisto. Inaoy si mangay o azwazway ji Kizisto mangay do kaidan no karawan. Amin.

1 Yowani 3:22

No myan so amin ta ji Ama ta do to am itoro na jyaten. Ta ta onotan o nanao na a yamapeyvazay so isaray na vazay.

Yowani 8:29

Yabo na ji nidongi jyaken ni Ama a yanitomovoy jyaken do teyrahem. Ko peyvazain o na isaray ni Ama. Am ori o na jya to paveyvowi jyaken.”

1 Kedinto 7:32

Ji kamo a rahet so onowned. Ta o mahakay a kabwan no tao am to nangdengi o kanakenakem na so vazay na ni Ama ta do to a ipasaray na sya.

1 Tesalonicya 4:1

Manga kakteh, nyo na nimahap jyamen o apiya icicirawat a isaray na ni Ama ta do to. Sicyaikwa rana ya am namen vavagan inyo no ngaran ni Yeso Kizisto a Panirsirngen ta. Ta ori o ikowyowyat nyo paha a mahap so apiya vazay.

Matay 3:17

Meyratateng am amyan so ciring a apo do teyngato. Maniring am, “Iya rana ya am Anak ko a ko tey kaglaw. So yako sarayan nya.”

Sipolay 13:16

Ji nyo hamangi o kapanidong nyo so tao. Ta o akman rana so sang a vazay am akmey nakem ta patanangen ji Ama ta do to a isaray na.

Kelosi 3:20

Inyo rana minapodpod jira am amizngen nyo o ciring no inyapwan nyo. Ta ori rana am adan ta iwawalam a amraralay ni Kizisto a tao. So sarayan na no akman sang ni Ama ta do to.

Veydipi 4:18

O nyo nyazaw jyaken a apzapzatan am ko na nimamimin a yanimahap. So ko to meypanpani jya. Si Ipaloti a akma tey kakteh am ori o yanimai no aro a azaw ko. So na sarayan nya ni Ama ta do to so akma nyoy nakem jya.

Loma 1:21

Am tana da katenngan si Ama ta do to am da ji raralayan, da ji narayan o aryarilaw na sira. So da icyakmey yamavota so onowned a yaji makateneng ji Ama ta do to.