Loma 8:27 - Seysyo No Tao

²⁷ Si Ama ta do to o yamakateneng do onowned ta. Katenngan na o nakenakem no Seyzi. Ta o Seyzi am na to mangozai o nakenakem na ni Ama ta do to a yameynozi nyaten a yamanoyong a italamozong na tao.

Loma 8:27 Referans Kwoze

Ivoso 2:18

Na peyyanowanopen yaten ni Kizisto a tao do Yotay a kano beken a tao do Yotay, akmey asa so onowned do tangain na ni Ama ta do to a yana sidongen no Seyzi.

Loma 8:34

Am sino paro o yamanci no kaoya na nyaten ni Ama ta do to no makwa. Jyabo asa ka tao a. Ta si Yeso Kizisto rana nimawakwak a kapirwa na mavyay am yamyan rana do wanan na ni Ama ta do to a yameyneynozi nyaten.

Nimlivolivon 1:24

Meyratateng am meynozi sira a manci no, “Mo Panirsirngen, mo katenngan o nakenakem no tao do teyrahem. So pancyan mo nya jyamen so nipamnekan mo do yararwa eya,

Nimlivolivon 15:8

Si Ama ta do to rana am katenngan na o onowned no tao. So nitorwan na no Seyzi do beken a tao do Yotay, akman jyaten a nitorwan na nya,

1 Tesalonicya 2:4

Ta o yana nipamnekan jyamen ni Ama ta do to am na meypakemkemen jyamen o kapeylimwang namen no Mapasaray a Ciriciring na. Am ori o ji namen mapatareki so ipanci namen a komagkaglaw so icyatatao namen. Ta o makateneng do onowned no tao a Tao do to am iya ori o namen pasarain no vazay namen.

Matay 6:8

Ji nyo nginara sira, ta no ji kamo pa nimeynozi am katenngan na rana ni Ama ta do to o kalahen nyo no nakem.

Ipaziman 2:23

Wakwaken ko sira o macihza jya tao, ipakatenngan da jyaken no tao do peycyakyokyokayan na a makateneng do onowned no tao. To ko palololwa do mina vazay nyo o itoro ko jinyo.

Yowani 14:13

No mapasyasi kamo a meyhanhan no ngaran ko am amizngen ko inyo. So ikanoyong no azwazway ni Ama ta do to a mangay tomwaw jyaken a Anak na.

Locya 16:15

Maniring jira si Yeso am, “Kanyo mapakapyapya so nakem do tangain no tao. Am si Ama ta do to rana am yamanita so onowned no tao an. Ta o ipanci no tao a ney makdeng na vazay am ipanci na ni Ama ta do to a jyakdeng.

Yake 5:16

Patwawen nyo o kalasan nyo do kadwan jinyo a kapeynozi nyo no kadwan jinyo a keywakwak jinyo. Ta tey rako o oyowyat no inozi no apiya so nakenakem a tao.

Sipolay 4:13

Abo o makatayo do tangain ni Ama ta do to. O yamakakaday do karawan a nyamaog na am yabo na jyacita so vazay. So ikamimin ta katenngan na so onowned do tangain ni Ama ta do to.

Loma 8:6

O italamozong no adan na onowned a tao am mangay do kararatan. O italamozong no Seyzi am mahap da o ikapiya no onowned da kano to meyyonong a ikavyay no pahad da.

Yowani 21:17

Ipitlo na pacicin ni Yeso am akman sang o ciring na. Maniring am, “Imo rana mo Simong a anak ni Yowani am manngwa, mo ikaglaw yaken an?” Mina todarahet o aktokto na ni Pite do keypipitlo na mapacici sya no kaglaw na nya, kaji na aglawan nya. Maniring rana ji Yeso si Pite am, “Mo katenngan o makakaday. So mo ipakateneng jyaken a yatey maglaw nimo, mo Panirsirngen.” Maniring si Yeso jya am, “Peyveyveknen mo o yaomanoyong jyaken a tao a akma koy kagling.