Loma 8:16 - Seysyo No Tao

¹⁶ O Seyzi do onowned ta am ori o ipakateneng ta do mina kapeyvaliw na jyaten a akma ney anak ni Ama ta do to.

Loma 8:16 Referans Kwoze

1 Yowani 4:13

Yamanoyong ta kapacikaop ji Ama ta do to. So na ikakman sang a yamacikaop jyaten. O ta ipakateneng do dang am na nitoro jyaten o Seyzi.

2 Kedinto 1:22

So na nitorwan nya jyaten so Seyzi a omoyat do onowned ta. O Seyzi rana am tovil no kanoyong ta a monganay jya tao. Ta o Seyzi rana am akma ney yongkad no makakaday a omanam a itoro na jyaten ni Ama ta do to.

2 Kedinto 5:5

Ta isonong na yaten ni Ama ta do to a somazap so akman sang a yeyyak ta no mata. O yongkad no nang am Seyzi a na nitoro jyaten.

Ivoso 1:13

Inyo rana beken a tao do Yotay am kamo akman sang, ta no kapakamizing nyo so manoyong a mapasaray a nanao am mina to nyo nganoyngi si Kizisto. Ori o na nitorwan rana no Seyzi jinyo ni Ama ta do to akma ney yongkad no kapacikownongan nyo rana jya.

Loma 8:26

Akman sang, ta no myan so alalaw ta am na sidongen yaten no Seyzi. No ji ta teneng a mapasyasi ji Ama ta do to am na rana to mapasyasyan nyaten no Seyzi no ji ta tenngi a patwawen a ciring.

Ivoso 4:30

Ji nyo alavat o ikeyngen na no onowned no Seyzi na ni Ama ta do to a vazay. Ta o Seyzi am yongkad na jinyo ni Ama ta do to, do kavyay na jinyo no makwa.

2 Kedinto 1:12

Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

Loma 8:23

Beken a o nyamamaog na o akman sang. Ta yaten rana ya na yanan no Seyzi a tao a yongkad na no kapanta na nyaten ni Ama ta do to so to meyyonong a ikavyay no pahad ta am akman ta sang do onowned ta a macizizikna jya, a omapanala si Ama ta do to a mapanop jyaten a anak na a manta nyaten so ji rana wakwak a kataotao ta do teyngato.

1 Yowani 5:10

Am o tao rana omanoyong do Anak na ni Ama ta do to am manoyong keyyan na do onowned na no ciring na ni Ama ta do to. Am o ji nganoyong ji Ama ta do to am alalasen na si Ama ta do to. Ta ji na nganoyngi o ciring na ni Ama ta do to a meylimwang no Anak na.

Matay 5:9

“O mapeyyalalap so nakem no meykaoya tao am tey yapya sira. Ta abneken na sira ni Ama ta do to a akma ney anak.

Locya 20:36

Ta akman sira so tinsi do yanan ni Ama ta do to a jyawakwak rana. Anak na sira ni Ama ta do to, ta nipeyvangon na sira.

Yowani 1:12

Sira rana ji nazibo nya tao a kano omanoyong jya tao am abneken na sira akma ney anak ni Ama ta do to.

Nimlivolivon 5:32

Am ori o namen peylimwangan no akman sya vazay. Ta yamen a kano Seyzi o yongkad na. Ta o Seyzi rana am na itoro ni Ama ta do to a macikaop do mahap so ciriciring na tao.”

Loma 8:14

O ipeypalanginan na no Seyzi a tao am mamimin sira akma ney anak ni Ama ta do to.

Loma 8:19

O yamakakaday a na nyamamaog ni Ama ta do to am yada toda ji nalla o araraw no ipeytotwaw no azwazway na do omanoyong jya tao.

Loma 9:8

O peypeypangayan no ciring na am beken a mamimin o nimapodpod ji Apolahan a abneken na anak ni Ama ta do to. Ta o meyhanhan nya a mangononong do ciring na am ori o meyngongyod a abneken na anak.

Loma 9:26

“Nipanci ko na jira no kakwa pa o kaji ko mapeyyanakan sira. Am ko na abneken sira sicyaikwaya anak ko, ta yaken rana am to ko meyyonong a mavyay a Tao do to.”

2 Kedinto 6:18

“Ama nyo yaken. Inyo rana am anak ko inyo. O ciring rana ya am si Ama ta do to a Panirsirngen ta o mapeyciring sya.”

Cyalatay 3:26

Inyo rana am kamo rana mamimin a akma ney anak ni Ama ta do to, do yanyo rana kapeyhanhan ni Yeso Kizisto.

Cyalatay 4:6

O nitovoyan na sya jinyo ni Ama ta do to so Seyzi ni Kizisto am kamo meyngongyod rana akma ney anak. Am ori o nyo jyanigi a yatomawag ji Ama ta do to a Ama nyo.

1 Yowani 3:1

Yatey makdeng o aryarilaw na jyaten ni Ama ta do to. Yatey rako o pangangarilawan na a makanket jyaten a abneken a anak na. So ikanoyong no nang a ciring. O yada ji makatenngi jyaten a anak ni Ama ta do to no ji nganoyong jya tao am da ji nganoyngi si Ama ta do to.

1 Yowani 3:2

Manga ovay, yaten rana sicyaikwaya am anak na yaten ni Ama ta do to. Am yapa jyatenngi sicyaikwaya o keyteytawan ta no makwa. Am katenngan ta o kakman ta si Kizisto so kataotao no mai, ta manoyong o kapakacita ta sya no mai.

1 Yowani 3:10

O peytarkan no anak ni Ama ta do to a kano macibedbed pa ji Satan am o macibedbed pa ji Satan am ji dakzan o apya. Ji da arilawan o icyatatao da.

Ipaziman 21:7

O ji nimablis so onowned a tao am ori o apya amyop sya. O icyakman na sang am abneken da yaken a Tao do to da a kabnek ko sira anak ko.