Loma 8:15 - Seysyo No Tao

¹⁵ Ta o itoro na ni Ama ta do to a Seyzi am beken a mapeylamlamsoy jinyo a omanyanyahey jinyo, ta peyvaliwen na inyo a akma ney anak ni Ama ta do to. So oyatan na jyaten no Seyzi a tomawag ji Ama ta do to a manci no, “Mo Ama.”

Loma 8:15 Referans Kwoze

2 Timotay 1:7

Ta o Seyzi a na nitoro rana jyaten ni Ama ta do to am beken a ikalma no onowned ta. Ta ikowyat no onowned ta kano iyan no pangangarilawan ta kano apiya pangtoktwan ta.

1 Kedinto 2:12

Tanyo jya nyahap o teneteneng da no tao do karawan. Ta o nitovoy na ni Ama ta do to a Seyzi am ori o ta nyahap. Ori o ta ipakateneng do makakaday a aryarilaw na jyaten ni Ama ta do to.

Loma 8:16

O Seyzi do onowned ta am ori o ipakateneng ta do mina kapeyvaliw na jyaten a akma ney anak ni Ama ta do to.

Sipolay 2:15

O jyojika na ni Yeso Kizisto am isidong na so manyahey no kawakwak da do karawan a tao a kabo na rana no ikanyahey da do ikamavyay da pa.

Ivoso 1:5

Am ori o na sarayan nyaten ni Ama ta do to a na panopen a akma ney anak, ta yata na macikaop ji Yeso Kizisto.

1 Yowani 4:18

No katenngan ta rana si Ama ta do to a marilaw nyaten am abo rana o ikanyahey ta. Ta ji na rana pasingkaji yaten ni Ama ta do to. Ta o pangangarilawan ni Ama ta do to o mapakaro so kanyaheyan ta. No ikanyahey ta pa si Ama ta do to am ji ta pa meyhanhanan a marilaw nyaten.

Make 14:36

Maniring pa am, “Mo Ama, yabo mo jya peyvazay. So pakarwan mo so alalaw eya an. Am ji mo na mangozai o nakenakem ko. Ta ahahapan mo na sya.”

Loma 8:23

Beken a o nyamamaog na o akman sang. Ta yaten rana ya na yanan no Seyzi a tao a yongkad na no kapanta na nyaten ni Ama ta do to so to meyyonong a ikavyay no pahad ta am akman ta sang do onowned ta a macizizikna jya, a omapanala si Ama ta do to a mapanop jyaten a anak na a manta nyaten so ji rana wakwak a kataotao ta do teyngato.

Locya 11:2

Maniring si Yeso jira am, “No meynozi kamo am inarahen nyo ya an. ‘Mo Ama do to, inaoy ano si mamimin o tao a zomwazway so meylimwang a ngaran mo. Inaoy si italamozong mo o karawan.

Yowani 20:17

Maniring si Yeso am, “Ji mo minani yaken, ta yako pa jya nimangay ji Ama. Angay da kakteh ko do cinai a kapanci mo nya jira so ko kapeysinaoli a mangay ji Ama a Tao do to ta. Ta iya rana am ta kalovotan a Tao do to.”

Locya 22:42

Maniring am, “Mo Ama, no si apyahen mo am pakarwen mo o yamasagpaw a alalaw ko an. Am ji mo mangozai o nakenakem ko, ta kapangozay mo do nakenakem mo.”

Yowani 16:8

Si mai ori am patwawen na do tao do karawan o meyngongyod a raraten a kano meyngongyod a apya vazay a kano ipasingkad na so tao ni Ama ta do to.

Nimlivolivon 16:29

O mamzamzat rana am manovoy so tao a mangap so zampo. Somdep rana am manyahey a to na nizikzik a mangay meylilitod do tangain da da Pawlo a kani Sila.

Nimlivolivon 2:37

Mamizing da no aro a tao am marahet o onowned da. Am ori o nipacicyan da si Pite a kano kararay na a nipamnekan ni Yeso a omlivolivon no ciriciring na. Maniring sira am, “Manga kakteh, makongo namen so wanjin eya.”

Locya 8:37

O tao do Kelasen am ipanci da si Yeso a komaro jira. Ta manyahey sira. So nisakay na rana do vazangay a mangay rana.

Locya 8:28

Macita na si Yeso am omlololos a kapeylilitod na do tangain na ni Yeso. Maniring am, “Mo Yeso a Anak no ney manokdwan na Tao do to, ikongo mo gogadan nyaken. Ji mo pasingsingci yaken an.”

Yake 2:19

Apya o kanoyong ta ji Ama ta do to a abo so ikararwa. Am ji pa makanet o akman sang. Ta tana o kalamsoyan ni Satan am anoyngan da o keyyan na ni Ama ta do to. Am kazikzik da a manyahey nya.

Loma 8:26

Akman sang, ta no myan so alalaw ta am na sidongen yaten no Seyzi. No ji ta teneng a mapasyasi ji Ama ta do to am na rana to mapasyasyan nyaten no Seyzi no ji ta tenngi a patwawen a ciring.

Loma 9:4

Sira rana Isedi a tao am nipamnekan na ni Ama ta do to a akma ney anak do karawan. So yada rana nipakacita so azwazway na ni Ama ta do to. Sira o nitorwan na no pangozayan da ciring a kano iwawalam na. So da pakatenngan rana do da kararalay ni Ama ta do to. So da rana nipakahap so nakem na jira ni Ama ta do to.

2 Kedinto 11:4

Ikeykongo kamo a yato mamyapya no yamacitarek so ipeylimwang a ka nyamen a yaomagaz ji Yeso. Ikeykongo kamo eya a to nganoyong do macitarek so ipeylimwang a Seyzi a kano Mapasaray a Ciriciring.

Cyalatay 2:4

Am yamyan so tatasa ka tao a yanimacizavoz a yamapatpeh so kataotao da. Sira ori am kakzeben da si Tito a amyongkad do kataotao na. Am sira rana am beken a kayyai da, ta ileylamdamen da yamen a yamraralay ni Yeso Kizisto a tao. Ta manngo paro sira. Ala ahapen da o iwawalam ni Moyse.

Cyalatay 5:1

Na rana niovayan yaten ni Kizisto do yamvaod jyaten a iwawalam ni Moyse. Ori o ji nyo rana meyhanhani no adan a iwawalam ni Moyse.

Matay 25:25

Ikongo do ko ikanyahey imo, am ori o ko na to meykalii so nibobwan ko no nizpi mo. So na iyan pa jya no nizpi mo.’