Loma 6:5 - Seysyo No Tao

⁵ No ta na macikaop ji Kizisto am yamyan pa so kapirwa na jyaten a avyain ni Ama ta do to no makwa.

Loma 6:5 Referans Kwoze

Kelosi 2:12

Ta o peypeypangayan no da kataktak jinyo am yongkad no kapacizanod no raraten nyo a yakmey nimacikawakwak ji Kizisto. So icyakman nyo sang a akmey to nimacizanod ji Kizisto a nimirwa a mavyay, do kanoyong nyo do mapeyzokab a oyowyat na ni Ama ta do to a nimapeyvangon sya.

2 Kedinto 4:10

Namen masangib a yatoda jyangangay so inawan akman si Yeso Kizisto a nipamnekan da a limanen, do yanamen kapeylimwang ni Yeso Kizisto a yapa mavyay a Tao do to.

Kelosi 3:1

Inyo rana am kamo rana akmey nimacizanod ji Kizisto a nimirwa a mavyay. Am ori an, naknakman nyo kato nyo ngotokotan so onowned a omahap so apyahen na vazay ni Kizisto. Ta iya rana am yamyan do wanan na ni Ama ta do to.

Matay 15:13

Maniring si Yeso am, “O ji na nipamowa ni Ama ta do to a mowamowa am miminen ori a botboten.

Yowani 12:24

To ko na macitangayan jinyo am no ji pamowa do tana o mowahen am jyablis ori a asaha. Am no si pamowahen do tana am amlida rana kapalasi na rana.