Loma 4:9 - Seysyo No Tao

⁹ O ipanci na ni Tawey a tey yapya a tao am manngwa, o nimyongkad do kataotao na o peycirngan na sya? Beken a ori an. Ta macyangay sira o jya nimyongkad do kataotao da. Ta maniring do Seysyo am, “Na anoyngan si Ama ta do to ni Apolahan. Ori o nibnekan na sya ni Ama ta do to a abo so raraten.”

Loma 4:9 Referans Kwoze

Cyalatay 3:14

O nikakman na sang ni Yeso Kizisto am ikakza na o aryarilaw na ni Ama ta do to si Apolahan a mangay na itoro do beken a tao do Yotay. So ta rana ikamimin a makahap so Seyzi a nipanci na itoro na jyaten ni Ama ta do to, do kapeyhanhan ta nya.

Kelosi 3:11

No manoyong kakman ta sang am abo rana peytartarkan ta do tangain na ni Ama ta do to. Tana tao do Yotay a kano beken a tao do Yotay a tana jyapsek a kano mapsek a tao a tana peylamsoin da kano ji da peylamsoya a pacyangayan ta am ta meyyangangay a yarana vayo so onowned ji Kizisto. So ika iya no azwazwain ta.

Ivoso 3:8

Tana mina saod na so kabo no kapsepsekan ko am na manket yaken a pahanhanen a meylimwang nya jinyo a beken a tao do Yotay so aglaglaw na jyaten ni Kizisto.

Loma 4:3

Ta maniring do Seysyo am, “Na anoyngan si Ama ta do to ni Apolahan. Ori nibnekan na sya ni Ama ta do to do a abo so raraten do tangain na.”

Locya 2:32

Iya rana am akmey araw a tomiray so beken a tao do Yotay. So torwan mo no azwazway mo jyamen a Isedi a tao.”

Loma 4:10

Ikongo nikapwan no akman sang. No kaji da pa nimyongkadan ji Apolahan an? No kateyka na rana niyongkadan da. Jyabo kaji na nimyapwan no kaji da niyongkadan do kataotao na.