Loma 3:3 - Seysyo No Tao

³ Tana yamyan jira so yatatasa yaji nganoyong do ciriciring na am cinakongo na. Manngwa, ablisen na pa o nakenakem na ni Ama ta do to?

Loma 3:3 Referans Kwoze

2 Timotay 2:13

Tana malas o onowned ta jya am jyablis o ciring na, ta ji na mamyapyan o kaji na mangononongan no ciring na.

Sipolay 4:2

Tamo akman so ineynapo ta ang a yarana nimakamizing so Mapasaray a Ciriciring na ni Ama ta do to. Am da ji meypapyan o da nimamizing a nanao na ni Ama ta do to. Ta da ji nganoyngi.

Loma 9:6

Beken a ko ipanci o kabo na rana no peypeypangayan no mina ciring na ni Ama ta do to jira, do da kaji nganoyngan ji Yeso Kizisto. Ta beken a todamimin sira o sivosivovoong ni Isedi a meyngongyod a Isedi a tao a italamozong na ni Ama ta do to.

2 Tesalonicya 1:3

Manga kakteh, namen mangday do araraw inyo a isaray ji Ama ta do to. So ikanoyong na no akman sang an. Ta yakamo meypahagnat so nakenakem do yanyo kapeypakdeng so aryarilaw so kadwan jinyo.

Loma 10:16

Am beken a todamimin o tao a omanoyong do Mapasaray a Ciriciring na. Maniring si Isayya am, “Mo Panirsirngen, sino omanoyong do yanamen ipeylimwang a ciriciring mo.”

2 Kedinto 3:18

Yatamo todamimin a yajyabengbengi so moing. Ta o tao rana a omonot do Panirsirngen ta Seyzi am amyan rana jira o azwazway na ni Ama ta do to a omyavayo sira. Am ori o icyakman da sya so icicirawat a tey mazway.

Matay 24:35

Mabalinas o hanit a kano teyrahem. Am jyablis o ciring ko a mangay do kaidan no karawan.

Loma 11:29

Ta jyablis o nakenakem na ni Ama ta do to a marilaw no nipamnekan na tao.

Yowani 1:16

Yateywara o pangangarilawan na a na itoro jyaten. O aryarilaw na jyaten am yabo yakasaraw a na ipeywalam.