Loma 3:27 - Seysyo No Tao

²⁷ Am ikongo ipakazwazway ta. Jyabo a. O ko pancyan no nang am beken a ta kahap so iwawalam na ni Moyse o yata ikapya do tangain na ni Ama ta do to. Ta yaomagaz do yata kapeyhanhan ni Yeso Kizisto.

Loma 3:27 Referans Kwoze

Loma 2:23

Nyo ipakazwazway o na keyyan jinyo no iwawalam na ni Ama ta do to. Am nyo ji peyvazaya. Am ori o na pacikatamwadan jinyo ni Ama ta do to.

Loma 4:2

No si monganay do apya icicirawat na o abnekan na sya abo so raraten do tangain na ni Ama ta do to am manoyong kapakazwazway na nya. Am ji na mapazwayan do tangain na ni Ama ta do to.

Cyalatay 3:22

Am o ciring do Seysyo am yatodamimin o tao do karawan a yamabedbed no raraten. Am ori an, no kakzeben ta o kapakahap ta so to meyyonong a ikavyay no pahad ta am kapeyhanhan ta ni Yeso Kizisto. Ta ori rana am mina ciring na ori ni Ama ta do to do amraralay nya tao.

Loma 2:17

Inyo rana a tao do Yotay am nyo ipakazwazway o iwawalam na ni Moyse a kano mina kapamnekan na jinyo ni Ama ta do to amraralay nya.

Loma 7:21

Cinatao ko o kapeyraraten ko. No ko ikakza o yako kapanidong am ko ji peyvazaya, ko kahap so yamarahet a vazay.

Cyalatay 2:16

Am ta katenngan an, o ipacikaop no tao ji Ama ta do to am anoyngan si Yeso Kizisto. Beken a omagaz do kahap so iwawalam ni Moyse. Yaten rana am yata anoyngan si Yeso Kizisto. Am ori o ta ipacikaop ji Ama ta do to. So na ji monganai do ta kapangozay do iwawalam na ni Moyse. Ta abo o asa ka tao a meypapya no iwawalam na ni Moyse do tangain na ni Ama ta do to.

1 Kedinto 4:7

Inyo rana mapakazwazway am sino ney mowyat na jinyo a makaharag so tao. Manngwa, nyo jyatenngi o yamakakaday jinyo a yamamimin a yapo ji Ama ta do to? Ikongo nyo peyzezwayan no nitoro na jinyo. Am ori o pavevehan nyo pa so nakenakem nyo an.

Loma 10:5

O nipanci ni Moyse am o tao a makataptap sya ahapen so nivatvatkan na a iwawalam am ori o abneken na ni Ama ta do to a abo so raraten do tangain na.

Loma 9:32

O da ikakman sang am yada ji meyhanhanan si Yeso Kizisto. Ta yada ipeyhanhan o da kapya no icicirawat. Am si Yeso Kizisto am akmey veysen a cikadan no tao, ta ji da meyhanhanan.

Loma 9:11

Am ikongo do nipamnekan na o asa ka anak na, am ori o nipacisirsiring na ni Ama ta do to ji Leypeycya. Maniring am, “Allamen na no rakrakeh o ananak.” Am no kapacisirsiring na jya am abo pa dang o marahet a kano apya a vazay. Ta ji sira pa nimalikey o meyketeh ang. Am ori o ikanoyong na ni Ama ta do to a mangozay do nakenakem na. So ji na monganai do kapyapya no icicirawat no tao o pamnekan na ni Ama ta do to.

Loma 8:2

Ta o Seyzi am ori o yamapanop jyaten ji Yeso Kizisto. So ta ikanoyong rana yakmey nikowvayan so raraten a kano ji na rana meydednai no peyoyaoyyan na ni Ama ta do to.

Loma 7:25

Ko isaray ji Ama ta do to. Ta yana sidongen yaken ni Yeso Kizisto a Panirsirngen ta. Yako ikakza o yako kownot ji Ama ta do to am o raraten do onowned ko am ori o yasomengseng jyaken.

Loma 7:23

Am kapeylamlamsoy na so kataotao ko no raraten. Ori o yamaciliman do ikakza no onowned ko. Am ori o yako icyakmey mavaod no raraten.

Loma 3:19

O iwawalam na ni Moyse am itoro na ni Ama ta do to do tao do Yotay a pangozayan da. So ikabo no tao do karawan a omalalas do raraten da do tangain na ni Ama ta do to.

Yowani 3:36

Omanoyong do Anak na am mahap na o to meyyonong a ikavyay no pahad na. O ji nganoyong do Anak na am abo jya o ikavyay no pahad na, ta meydedna jya o peyoyaoyyan na ni Ama ta do to.

Make 16:16

O omanoyong jyaken a omya so kataktak do kataotao da am patazadangen ko sira. Am o ji manganoyong a tao am pasyain ko sira a pasingsingtan.

Loma 3:26

Am sicyaikwa rana ya am na nyahap ni Yeso Kizisto o raraten no tao. So ikanoyong da no meyhanhan nya tao a mavonas rana so raraten ji Ama ta do to a kabnek na sira a abo so raraten do tangain na. Ori na ikatey yapya no na ahahapan sya ni Ama ta do to.

Loma 9:31

Am sira rana tao do Yotay a yamangozay do iwawalam na ni Moyse am jyabo da kapakahap so aryarilaw na sira ni Ama ta do to a.