Loma 3:11 - Seysyo No Tao

¹¹ Abwata o yasa ka tao a yamakateneng ji Ama ta do to. Yabo o yasa ka tao a yamakza no na kararalay ni Ama ta do to.

Loma 3:11 Referans Kwoze

Tito 3:3

Yaten rana no kakwa pa am abwata o katatenngan ta a ji mangamizing a akmey mavozaw pa so aktokto a to mangozangozay do onowned ta a makza no meycyamadadayan do karawan. So ikanoyong ta amyan pa do peyraratenan ta kano panginanehtan ta kano pasikaokaoyyan ta.

Loma 8:7

O to mangozay do malas a onowned na tao am akma ney kavosoyan si Ama ta do to. Ta ji na ngonoci o iwawalam na ni Ama ta do to.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.

Loma 1:28

Ji da ranakzan no tao o manoyong a nanao na ni Ama ta do to. Am ori o to na rana macipanadngi do onowned da a meyparahet a mapeyvazay so makararahet a vazay.

Loma 1:22

Sira mapakateneteneng. Am jyakman sang, ta yabwata da katatenngan.

Matay 13:19

O tao a makamizing so nanao a omagaz do italamozong na ni Ama ta do to a kaji makatenngan jya am akman so nizomsi do rarahan ang. No mai si Satan am pehsen na jya o ciring na ni Ama ta do to amyan do onowned na.

Loma 3:10

Akman so ipanci na do Seysyo. Ta maniring am, “Abwata o yasa ka tao abo so raraten.

Loma 3:12

Yamamimin o tao a yamlikod ji Ama ta do to a yamangay do da peyraratenan. Yabo o yasa ka tao a apya so nakenakem.