Loma 2:25 - Seysyo No Tao

²⁵ No kamo manoyong a yamahap so iwawalam na ni Ama ta do to am manoyong o keyyan no peypeypangayan no kayongkad do kataotao nyo. Am si ji nyo ngapa o iwawalam na am abwata peypeypangayan no kayongkad nyo do kataotao nyo.

Loma 2:25 Referans Kwoze

Cyalatay 6:15

So ji na ranakdengi no kayongkad do kataotao. Ta makdekdeng o vazay no Seyzi a omyavayo so onowned ta.

Nimlivolivon 7:51

Maniring pa si Setiven am, “Inyo rana ji mangap so ciring a tao am kamo meyyangay a kano ji manaralay a tao a ji ngahap so ciriciring ni Ama ta do to. Ta nyo to nginara sira o ineynapo nyo a ji ngahap so Seyzi.

Loma 2:28

Am sino manoyong a tao do Yotay a italamozong na ni Ama ta do to. Manngwa, nimyongkad do kataotao da? Beken a ori, ta o omanoyong jya tao am ori o italamozong na.

Loma 2:23

Nyo ipakazwazway o na keyyan jinyo no iwawalam na ni Ama ta do to. Am nyo ji peyvazaya. Am ori o na pacikatamwadan jinyo ni Ama ta do to.

Loma 2:13

Beken a omamizing sya o abneken na ni Ama ta do to abo so raraten do tangain na. Ta o mangozay do iwawalam na a peyvazain o abneken na abo so raraten do tangain na.

Loma 2:26

Tana ji da yongkaji no beken a tao do Yotay o kataotao da am no ahapen da o iwawalam na ni Ama ta do to am jyabo kaji na pazanodan sira do nimyongkad do kataotao da a tao ni Ama ta do to a avyain na.

Loma 2:27

So ikanoyong na a meydedna jinyo a tao do Yotay no peyoyaoyyan na ni Ama ta do to. Ta tana myan jinyo so nivatvatkan ni Moyse a iwawalam na ni Ama ta do to a amyongkad do kataotao nyo am nyo ji mangononongi o iwawalam na a peyvazain. Tana da ji yongkaji o kataotao da no beken a tao do Yotay am da pangononongan o iwawalam na ni Ama ta do to.

1 Kedinto 7:19

Tana niyongkadan a tana jya niyongkadan am meyyangay. O ney makdeng na am kownot ta ji Ama ta do to.

Cyalatay 6:13

Am sira rana a nimyongkad do kataotao da am da jyamimin o iwawalam na ni Moyse a yamahap. O da pancyan ninyo a amyongkad do kataotao nyo am da pazwain o kaniomamizing nyo sira.