Loma 16:5 - Seysyo No Tao

⁵ Ko ipeyminaminasi sira o yamalwalovot a yameynozi do vahay da. Ko ipeyminaminasi o kagagan ko a si Ipaynayto. Ta iya rana am ney manma na niomanoyong ji Yeso Kizisto do Yasiya a pongso.

Loma 16:5 Referans Kwoze

Kelosi 4:15

Ipanci nyo pa da kakteh ta do Lawticya kani Ningva kano yamalwalovot do vahay da sinjya o ko kapeyminaminasi nira.

Veydimeng 1:2

a kano yameyneynozi do vahay nyo a akma tey kakteh do cinai. So namen peyteygamyan no kakteh ta si Aveyya kano kararay namen a si Asipo a yamowyat a yamahap so vazay na ni Ama ta do to.

1 Kedinto 16:19

Da ipeyminaminasi inyo no peycyakyokyokayan na do Yasiya. Tana si Akwila kani Paycila kano aro a sinjya a meyneynozi do vahay da am yakman sang sira yameyminaminasi ninyo do tamo kakmey yasa yamraralay ni Yeso.

1 Kedinto 16:15

Nyo katenngan sira Setiva yasa ka vahay, ta sira rana yasa ka vahay do Sila am ney manma sira niomanoyong ji Yeso a tao a tey mowyat a somidong so sinjya.

Matay 18:20

Tana teyrararwa, teytatatlo o mapasyasi jyaken am macilovot ko jira.”

Ipaziman 14:4

Sira rana am ji nagpyan so aktokto sira a macilocilolo do angayan no Kagling. Sira rana am nipasakay na sira do kapyapyan. So ipanoma da nira patanangen ji Ama ta do to a kano Kagling.

3 Yowani 1:1

Yaken rana am cyozo ko a yameyteygami ni Cyayo a ney kaglaw ko a akma koy kakteh do cinai.

Yake 1:18

Na to mangozai o nakem na a manci nyaten akma ney anak. Ta yaten rana am ipeyhanhan ta o manoyong a nanao na. Am ori o yata iyan do ney manokdwan na do makakaday a nyamamaog na.

2 Kedinto 9:2

Am cyaha, ta ko katenngan o na kajya salitan jinyo. Ta nyazwazway ko inyo do tao do Maciton, do kanimapapo nyo sya no kaminasawan so kasidong nyo sira. So da peyzokaban inyo a tao do Sila a yatey makdeng a yamanidong so tao.

2 Kedinto 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a amlivolivon no ciriciring na. Yaken rana kano akma tey kakteh do cinai si Timotay am namen ipeyteygami inyo a Kedinto kyokay a kazagoman nyo a sinjya do Sila.

Loma 16:12

Ko ipeyminaminasi o kararay ko si Toveyna kani Tovosa kano kavakes ko a meyngaran si Peysi. Ta sira rana ori am yamakdeng sira a yamahap so vazay na ni Ama ta do to.

Loma 16:8

Ko ipeyminaminasi si Anpodi a kagagan ko a yarana omanod ji Kizisto.

Loma 15:26

Ta sira meykingking o kyokay do Maciton a kado Akayya so nizpi a yada isidong so abo so nizpi a sinjya do Yelosaleng.

Loma 11:16

Ta nipamnekan na si Apolahan ni Ama ta do to. So ikakman da sang no sivosivovoong na nipamnekan na ni Ama ta do to. Akman so kayo. Ta no mavyay o yamot na am mavyay o kayo na kano yangayangaw na.

Nimlivolivon 18:27

Meyratateng am naknakmen na ni Apolo o kangay na do Akayya. Ori o nisidongan da sya no akma ney kakteh do cinai do Ivoso a meyteygami nira no omanoyong ji Yeso do Akayya tomaotao sya no mangay jira. Makaranes rana dang si Apolo am arako o nisidongan na sira so nimakahap rana so pangangarilawan na ni Ama ta do to a tao.

Nimlivolivon 18:12

No kapeypanirsirngen da si Cyadien do Akayya a pongso am meylovolovot sira o tao do Yotay amwoya ni Pawlo. Karahan am lolwen da a yangay do pacicicyan.

Nimlivolivon 2:9

Yamyan jyaten eya so tao do Patiya kano tao do Mitiya kano tao do Ilan a kano yapo do Meysopotamiya kado Yotay a kado Kapatocya kado Pento a kado Yasiya,

Nimlivolivon 16:6

Ikongo do ji na mya sira no Seyzi a mangay a meylimwang no ciriciring na ni Ama ta do to do Yasiya, am ori o nipangonong da do Vodicya kado Cyalatay.

Loma 16:4

Ta toda jyangay o inawan da no kasidong da jyaken. So ikabeken a yakehen no yasomaray nira, ta yakman sang o akma tey kakteh do cinai a beken a tao do Yotay do peycyakyokyokayan na a yasomaray nira.

Loma 16:6

Ko isaray ji Madiya o zikzikna na jinyo.