Loma 16:3 - Seysyo No Tao

³ Ko ipeyminaminasi si Paycila kani Akwila a kararay ko a mahap so vazay na ni Yeso Kizisto.

Loma 16:3 Referans Kwoze

2 Timotay 4:19

Ipanci mo ji Paycila kani Akwila kani Onaysevo a asa ka vahay do ko kapeyminaminasi nira.

1 Kedinto 16:19

Da ipeyminaminasi inyo no peycyakyokyokayan na do Yasiya. Tana si Akwila kani Paycila kano aro a sinjya a meyneynozi do vahay da am yakman sang sira yameyminaminasi ninyo do tamo kakmey yasa yamraralay ni Yeso.

Nimlivolivon 18:26

Ori o ji na rana mogawi a mangnanao do peyneynozyan. Mamizing ni Paycila kani Akwila am rarahen da mangay do vahay da kapanci da no ji na pa nimamizing a nanao a omagaz ji Yeso. Ori o nikapiya na rana no ipangnanao na.

1 Kedinto 16:16

Am ori o amizngen nyo so akman sang a tao a kano kararay da mahap so vazay na ni Ama ta do to. Amizngen nyo o yokodan da ninyo.

Loma 16:9

Ko ipeyminaminasi pa si Opano a kararay ta a meyvazay ji Kizisto a kani Setawey a kagagan ko.

Loma 8:1

O pacikaopan ni Kizisto a tao sicyaikwaya am ji na rana meydednai no peyoyaoyyan na ni Ama ta do to a mangay no makwa.

Loma 8:2

Ta o Seyzi am ori o yamapanop jyaten ji Yeso Kizisto. So ta ikanoyong rana yakmey nikowvayan so raraten a kano ji na rana meydednai no peyoyaoyyan na ni Ama ta do to.

Loma 8:11

No si myan jinyo o Seyzi na ni Ama ta do to a niomvyay si Yeso Kizisto am akman kamo sang a ipirwa na avyain ni Ama ta do to, do kowyat na jinyo no Seyzi na ni Ama ta do to.

Loma 16:4

Ta toda jyangay o inawan da no kasidong da jyaken. So ikabeken a yakehen no yasomaray nira, ta yakman sang o akma tey kakteh do cinai a beken a tao do Yotay do peycyakyokyokayan na a yasomaray nira.

Loma 16:7

Ko ipeyminaminasi o kasina ko no inawan a si Antoniko a kani Yoniya. Sira ori am nimanmanma pa ka nyaken a niomanoyong ji Yeso Kizisto. No kapteng da jyamen am sira ori o mina kararay ko do pamemtengan. Katenngan da sira no nipamnekan na ni Yeso Kizisto a amlivolivon no ciriciring na.

Loma 16:10

Ko ipeyminaminasi si Apeydi a jyablis so nakenakem ji Kizisto a kani Aditopo asa ka vahay.

2 Kedinto 5:17

Ta o macikaop ji Yeso Kizisto a tao am vayo rana o onowned na. Ta nipeymakarwan na rana o adan a icicirawat na. So ikamimin na rana vayo.

2 Kedinto 12:2

Ko katenngan o keyyan no yasa ka sinjya a mina kapat so icyarwa (14) so awan a nikatkat na do teyngato ni Ama ta do to. Am ko jyatenngi kanimangay na no kataotao na, ta ala pahad na nimangay do teyngato.

Cyalatay 1:22

No kano nang am ji da pa nimacita yaken no sinjya do Yotay.

Veydipi 2:25

Ko naknakmen o katovoy ko so akma tey kakteh do cinai a si Ipaloti a mangay jinyo do dang. Ta iya rana am arako o nisidongan na jyaken do kanitomovoy nyo sya jyaken, do katey mowyat na a macipeyvazay jyaken.

Kelosi 4:11

Si Yeso a yada ngaranan a Yoseto am yakman sang a yameyminaminasi ninyo. Do tao do Yotay a sinjya am sira yatatlo ang o kararay ko a mahap so vazay ni Ama ta do to. So ikanoyong da nimakasidong jyaken.