Loma 15:8 - Seysyo No Tao

⁸ Naknakmen nyo an, ta o na nyai ni Kizisto do teyrahem am sidongen na o tao do Yotay a makateneng do kanoyong na ni Ama ta do to a mangononong do mina ciring na do ineynapo da no kakwa pa.

Loma 15:8 Referans Kwoze

Matay 15:24

Maniring si Yeso do mavakes am, “O na pahanhanan jyaken ni Ama ta do to am ko sidongen o Isedi a tao a yakmey nimavozaw a kagling na.”

Yowani 1:11

Mangay do pacikeylyan na am to da nazibwan no tao do dang.

2 Kedinto 1:20

Ta na rana nipangononongan o aryarilaw na jyaten ni Ama ta do to ni Yeso Kizisto. Am ori o icyakma tey asa so onowned a manci no Amin a zomwazway si Ama ta do to.

Yowani 10:16

O kagling ko a yapa ji macyamaot do jya am mangay ko kalahen sira kapakamizing da so itawag ko jira. So icyakma dey yasa a onongan ko.

Loma 3:3

Tana yamyan jira so yatatasa yaji nganoyong do ciriciring na am cinakongo na. Manngwa, ablisen na pa o nakenakem na ni Ama ta do to?

Ivoso 2:12

No kano nang am abo o kasngesngenan nyo ji Kizisto, ta akma kamoy kadwan a ji da patwatopa do tangain ni Ama ta do to, do kaji nyo macitetngehan do tao do Yotay. Ta sira am nipanta na sira ni Ama ta do to so pangozayan na ciring. So ikanoyong nyo a to rana hayo so onowned, do kaji nyo makatenngan ji Ama ta do to.

Loma 11:30

No kakwa am ji nyo ngonoci si Ama ta do to a beken a tao do Yotay. Am nyo na mahap o pangangasyan na ni Ama ta do to. Ta da ji ngonoci si Ama ta do to no tao do Yotay.

Loma 11:22

Naknakmen nyo pala si Ama ta do to. Ta yamyan so pangangasyan na. Yamyan so peyoyaoyyan na. O meyraraten a tao am manoyong kaoya na nira. Am inyo am na ikasi. Am ori o ji nyo ngaroi do pangangasyan na ni Ama ta do to. Ta akman kamo so yangaw no kayo a polcingen na.

Loma 4:16

O mina ciring na ni Ama ta do to so meyhanhan nya tao am to na palololwa do kapeyhanhan da nya. So ji na monganai do kapya no icicirawat ta. Ta o aryarilaw na ni Ama ta do to jyaten a sivosivovoong na ni Apolahan am ori o nipanci na a itoro na jyaten ni Ama ta do to. So ji ta mangozai do iwawalam na ni Moyse. Ta macyangay ta ji Apolahan a omanoyong ji Ama ta do to. Ta iya rana am akma tey ama a yameyhanhan ni Ama ta do to.

Loma 3:26

Am sicyaikwa rana ya am na nyahap ni Yeso Kizisto o raraten no tao. So ikanoyong da no meyhanhan nya tao a mavonas rana so raraten ji Ama ta do to a kabnek na sira a abo so raraten do tangain na. Ori na ikatey yapya no na ahahapan sya ni Ama ta do to.

Nimlivolivon 13:46

Am ikakdekdeng ni Pawlo a kani Parnapo a meyzezyak a omnanao sira. Maniring sira am, “O ciriciring na ni Ama ta do to am nimanma kamo a peylimwangan nya. Am nyo kaji nganoyngan jya. Nyo to nazibwan o na kapanta ninyo ni Ama ta do to so to meyyonong a ikavyay no pahad nyo. Am ori o namen karwan rana jinyo a mangay do beken a tao do Yotay.

1 Kedinto 15:50

Manga kakteh, o ko ipanci am o kataotao ta sicyaikwaya am ji macikaop do italamozong na ni Ama ta do to no makwa, ta mawakwak o kataotao ta do teyrahem eya.

1 Kedinto 10:29

Beken a ko pakacirngen jinyo amrahet sya, ta panadnaden nyo o ji makakan sya tao. Am ori o ji nyo ngani sya. Ala myan so tao a manci no, “Ta amizngan ko so ciring da no tao.”

Matay 20:28

Akman so Nipamnekan na ni Ama ta do to a tao. Ta o na nyai am beken a ilamnain no tao. Ta mapeylamnay so aro a tao a kangay na mapasansan so kataotao na yagag na sira do peyraratenan da.”

1 Kedinto 10:19

Ikongo peypeypangayan no akman sang a ciring. Manngwa, manoyong o kakdeng na no malas a iraralay da kano pazos?

1 Kedinto 1:12

O peypeypangayan no ciring ko am yamyan kono jinyo so yamanci no na kapacyanod jyaken. Yamyan kono so yamanci no na kapacyanod ji Apolo. Yamyan so yamanci no na kapacyanod ji Pite. Yamyan so yamanci no na kapacyanod ji Kizisto.