Loma 15:7 - Seysyo No Tao

⁷ Makapya kamo so nakenakem do kadwan jinyo. Ta yakman sang si Yeso Kizisto a apya so nakenakem jyaten. Ta ori sarayan da ni Ama ta do to no tao.

Loma 15:7 Referans Kwoze

Matay 10:40

“O tomaotao jinyo am yaken o taotawwen da. O tomaotao jyaken am akma dey to naotawwa o yanitomovoy jyaken.

Yowani 13:34

O itoro ko a vayo a inanao ko jinyo am masicyakarilaw kamo. To nyo nita o aryarilaw ko jinyo. Ta akman kamo so sang a masicyakarilaw.

Loma 5:2

O ta ikakman sang sicyaikwaya am pangangarilawan na ni Ama ta do to, do ta kapeyhanhan ni Kizisto. Am ori o ikasaray ta, ta katenngan ta o kahap na jyaten ni Ama ta do to do teyngato a macikasaray do azwazway na.

Ivoso 1:18

Ko mapasyasi ji Ama ta do to a omiwang do onowned nyo a kapakateneng nyo na do peypeypangayan no na panopan jinyo a kapanta na ninyo so to meyyonong a ikavyay no pahad nyo do teyngato. So ikatey rako na no aryarilaw na so omanoyong jya tao.

Locya 9:48

Maniring jira am, “O mahap so vazay ko a tomaotao so kanakan eya am yaken an o taotawwen da an. O tomaotao jyaken am akma dey taotawwen o nitomovoy jyaken an. Sino paro jinyo o to mapownot so nakenakem na mangarilaw so icyatatao na. Ta ori o pakarakehen a tao.”

Make 9:37

“O tomaotao so kanakan eya no ngaran ko am yaken o taotawwen da. O tomaotao jyaken am beken a yakehen o taotawwen da, ta taotawwen da pa o yanimapahanhan jyaken a Tao do to.”

Locya 15:2

Am ori o nipeyyahhahes da no tao a macyagom do Vadisay a kano mangnanao no iwawalam na ni Ama ta do to. Maniring sira am, “Ikongo yana ipacihanghang do aro a meyraraten a tao.”

Ivoso 1:12

Inaoy no si mamimin namen a ney manma na makateneng ji Kizisto a somaray ni Ama ta do to a ney mazway na a Tao do to!

Loma 15:9

O ikadwa na no na peypeypangayan no na nyai ni Kizisto am sidongen na inyo a beken a tao do Yotay a somaray no pangangasyan na ni Ama ta do to. Ta maniring do Seysyo am, “Ori o anoodan ko jimo a azwazwain a isaray do yanan da no beken a tao do Yotay.”

Yowani 6:37

O pasngenen na jyaken ni Ama a tao am anoyngan da yaken a onotan. O mai jyaken a tao am ji ko likoji sira.

Kelosi 3:13

Macisidosidong kamo. No amyan so kazyakan nyo no kadwan jinyo am to nyo peykabobwa. Inarahen nyo si Yeso Kizisto a Panirsirngen ta a nimapeykabobo so raraten nyo.