Loma 15:5 - Seysyo No Tao

⁵ Inaoy no si sidongen na inyo ni Ama ta do to a yapwan no sarasaray ta a yamapait so onowned ta. Inaoy no si inarahen nyo si Yeso Kizisto apiya so icicirawat a icyakma nyoy asa ka tao so onowned.

Loma 15:5 Referans Kwoze

1 Pite 3:8

Ko pakoyokoin jinyo am akma kamoy asa so ahahapan sya masicyakarilaw. Akman so aryarilaw nyo so kakteh nyo o karilawan nyo no akma nyoy kakteh do cinai. Makapiya kamo so nakem do kadwan jinyo. Masicyakanig kamo.

Loma 12:16

Peyyangangain nyo o tao a sidongen. Ji nyo pahama o nakenakem nyo, ta pehbowen nyo o nakem nyo. Ji kamo mapakateneteneng.

Ivoso 5:2

Patwawen nyo do icicirawat nyo o pangangasyan na ni Ama ta do to, akman si Yeso Kizisto a yamarilaw nyaten a yajingbeywan do inawan na nisomidong jyaten. Ta o akman rana sang a vazay na am isaray na ni Ama ta do to.

2 Kedinto 13:11

O ney manowji na yako ipanci jinyo manga kakteh am makowyowyat kamo pa mapeypahagnat so nakenakem nyo ji Kizisto an. So ahapan nyo so ivavaga ko jinyo, akman si Yeso so onowned a apiya so nakenakem do icyatatao na. Ta jyabo kaji na macitovongan jinyo no yatey rako so pangangarilawan na kano yamanta nyaten so ikapiya ta so onowned a Tao do to ta.

Loma 15:13

Inaoy no si itoro na jinyo o sarasaray na ni Ama ta do to. So ikanoyong nyo rana masaray so onowned a meyhanhan nya, do na kasidong jinyo no Seyzi.

1 Kedinto 1:10

Manga kakteh, ko vavagan inyo no ngaran ni Yeso Kizisto a Panirsirngen ta akmey asa so ciriciring a ji meykataretarek so nakenakem a malwalovot, akmey asa so onowned, akmey asa so pangozayan.

Veydipi 4:2

Inyo rana yararwa akma nameney kakteh do cinai a mavakes a meyngaran so Yoati a kani Sentihe am to nyo peykabobwa o raraten nyo do kadwan jinyo.

Veydipi 2:2

No kamo nimeypahagnat am ko kakzeben inyo akmey yasa so anodan a kano pangangarilawan a kano nakenakem. Ta ori o ikanoyong ko na a somaray so onowned.

Veydipi 1:27

O ahahapan nyo so onowned nyo do araraw am pehngehngain nyo do Mapasaray a Ciriciring na ni Kizisto an. Tana ji ko angay a tomita jinyo a kapakamizing ko jinyo a akmey asa so pangtoktwan a kano onowned a mowyat a meylimwang no Mapasaray a Ciriciring,

2 Pite 3:15

Naknakmen nyo o kaji na angsahan jinyo a pananalahen ni Ama ta do to. Ta ori o avyayan na jinyo, akman so mina ciring ni Pawlo a akma tey kakteh do cinai do teygami na a mangozay do teneng na ni Ama ta do to.

Veydipi 3:16

Am ji ta ablis so nakenakem a mangozay do manoyong a nanao a nimamizing ta.

Nimlivolivon 4:32

Omraralay rana ni Yeso a tao am meyyangangay o onowned da. So ikabo no asa ka tao a maveyvow do kangangay na, ta akma dey todalovoci apzapzatan.

2 Pite 3:9

O nakenakem ni Ama ta do to a kano tao am ji meyyangay. Ta si Ama ta do to am ji mapainin do mina ciring na. Ta tana inyo am akman sang a na jyahaywan a pananalahen a yamamlis. Ta ji na mamyapyan o asa ka tao do karawan a mangay do kararatan. Ta ikakza na o kamimin no tao a mamlis a komaro do raraten da.

Loma 15:3

Ta si Yeso Kizisto rana am beken a o kataotao na o manakem na. Akman so ciring do Seysyo. Maniring am, “O avavay da jimo no tao am mai jyaken.”

1 Pite 3:20

Sira rana am ji da nyanoyngan si Ama ta do to no kapamaring na ni Noya so avang na. Kakwakwan da ji manganoyong am ji na nikahayo sira ni Ama ta do to a nanalahen a mamlis. Tana wawao sira o nisomdep do avang ni Noya am nivyay na sira ni Ama ta do to do rako a henep.

2 Kedinto 7:6

Am si Ama ta do to a marilaw no makasi a tao am ori nisomidong jyamen a yanitomovoy si Tito a yamapait jyamen.