Loma 14:3 - Seysyo No Tao

³ O makakakan a tao am ji na zyakan sira o ji makakakan a tao. O voovoong so yakan am ji na namwada sira o makakakan a tao. Ta meyyangay sira akma ney anak ni Ama ta do to.

Loma 14:3 Referans Kwoze

Loma 14:10

Am sino ka paro amraherahet so akma moy kakteh do cinai. Ikeykongo ka yajyaninig no akma moy kakteh do cinai. Ta yaten rana am mamimin ta tomnek do tangain na ni Ama ta do to no pacicin na yaten.

Locya 18:9

Ipangamaog na sira o mapakazwazway a ji mapanadnad a tao so payyaingen na sya ni Yeso.

Loma 14:13

Am ori o ji ta macitamtamwaji an. Ta naknakmen ta kaji ta mapeyvazayan so pacikzan da meyraraten no akma tey kakteh do cinai.

Nimlivolivon 10:34

Maniring si Pite am, “Ko katenngan si Ama ta do to a mapeyyangangay so tao.

Loma 14:21

Apyapya pa o kajyanganan so vinyay, ji ngyop so saki a ji mapeyvazay so makakaday a vazay a pacikzan da meyraraten no akma tey kakteh do cinai.

Loma 14:15

No si kanen mo o ikarahet no nakenakem no akma moy kakteh do cinai am manoyong kabwata no pangangarilawan mo. Ta tey marahet o koman so ikarahet da no onowned no nikawakwak na ni Yeso Kizisto a tao.

Matay 18:10

“Makapzat kamo. Ji nyo ngolala sira o pakananaken da tao. To ko na macitangayan jinyo am o tinsi a yasomidong sira am yamyan sira do tangain ni Ama ta do to do teyngato.

Nimlivolivon 10:44

Mangononong si Pite am oyatan no Seyzi o omamizing so ciring na tao.

Matay 9:14

Ipisa am mangay sira o macinanao ji Yowani do tangain ni Yeso. Maniring sira am, “Yamen rana kano tao a macyagom do Vadisay am namen masangib a yaji mangakaday a meynozi. Am o yamacinanao jimo am yabo yakman sang a vazay da.”

Nimlivolivon 28:2

No kanang rana am macimoy a karekmeh na. Am apya sira dang o meyili a tao. Ta nitaotao da yamen a kapeydokdok da nyamen so apoy a panangdangan namen.

Loma 11:15

Ta peymakarwan na sira o tao do Yotay a kahap na so beken a tao do Yotay. Am si ahapen na sira o tao do Yotay am jyabo kaji da narayan a makahap rana so to meyyonong a ikavyay no pahad da.

Loma 14:1

O malma pa so onowned ji Ama ta do to a tao am makapya kamo jya so nakenakem an. Tana macitarek o ahahapan na sya am ji nyo a zyakan.

Loma 15:7

Makapya kamo so nakenakem do kadwan jinyo. Ta yakman sang si Yeso Kizisto a apya so nakenakem jyaten. Ta ori sarayan da ni Ama ta do to no tao.