Loma 14:1 - Seysyo No Tao

¹ O malma pa so onowned ji Ama ta do to a tao am makapya kamo jya so nakenakem an. Tana macitarek o ahahapan na sya am ji nyo a zyakan.

Loma 14:1 Referans Kwoze

Loma 15:1

Yaten rana yamakdeng so onowned ji Ama ta do to am sidongen ta sira o yapa malma so onowned ji Ama ta do to, kabo rana no ikarahet da do vazay ta. Ta beken a kataotao ta o naknakmen ta.

1 Kedinto 9:22

No macikaop ko do malelma so nakenakem a tao am panadnaden ko sira do kahap ko sira panopen. Am ori o panadnadan ko so iwawalam da no pacikaopan ko a tao, ta ori o ipanop ko sira a omanoyong ji Yeso.

Loma 15:7

Makapya kamo so nakenakem do kadwan jinyo. Ta yakman sang si Yeso Kizisto a apya so nakenakem jyaten. Ta ori sarayan da ni Ama ta do to no tao.

Loma 14:21

Apyapya pa o kajyanganan so vinyay, ji ngyop so saki a ji mapeyvazay so makakaday a vazay a pacikzan da meyraraten no akma tey kakteh do cinai.

2 Yowani 1:10

No amyan so tao a omnanao jinyo a katarek no ipangnanao na am ji nyo amya mangay do vahay nyo. Ji nyo nirsirnga.

Loma 4:19

Toda ji makapoo (100) o kakawakawan na am naknakmen na rana o kararakeh na ni Apolahan. O mavakes na meyngaran si Salay am ji rana makapeytaodtod ori. Am ji na haywan ni Apolahan o kapeyhanhan na ni Ama ta do to.

Locya 17:2

Ta o akman rana sang a tao am apyapya rana o kapila jya mangay itbong do awa. Ta maraherahet o kapeypalanginan na no ji makapatak nya a tao do peyraratenan da.

Matay 14:31

Makarahan am jya nimeyyahahay si Yeso a mangay komatkat sya. Maniring am, “Yatey likey pa o onowned mo, ta mo ji meyhanhan nyaken. Ikongo o mo peykarwan so onowned mo a yaji meyhanhan nyaken.”

Matay 12:20

Ikarilaw na sira o ji rana teneng a tomala sya a tey arako so alalaw a tao. So icyakman na sang a somidong so ji rana teneng a meyvevyay a tao. Ji na lilis o nakem na mapeyvazay so manoyong a vazay, mangay do ipangononong no ahahapan na sya.

Veydipi 2:29

Am ori an, isaray nyo a tomaotao sya, do nyo kakmey meyketeketeh do cinai. So kanigan nyo no akman sang a tao an.

Yowani 13:20

To ko na macitangayan jinyo am o tomaotao so nitovoy ko am yaken o taotawwen da. O tomaotao jyaken am si Ama ta do to o taotawwen da, ta iya o yanitomovoy jyaken.”

Matay 18:10

“Makapzat kamo. Ji nyo ngolala sira o pakananaken da tao. To ko na macitangayan jinyo am o tinsi a yasomidong sira am yamyan sira do tangain ni Ama ta do to do teyngato.

Make 7:19

Ta o isovo a kanen am jyangay do onowned na. Ta mangay do velek na a kapeywadwad na rana nya.” O peypeypangayan no ciring ni Yeso am ipanci na o kaji na mapeyraratenan so tao no isovo a kanen.

Nimlivolivon 28:2

No kanang rana am macimoy a karekmeh na. Am apya sira dang o meyili a tao. Ta nitaotao da yamen a kapeydokdok da nyamen so apoy a panangdangan namen.

Loma 11:15

Ta peymakarwan na sira o tao do Yotay a kahap na so beken a tao do Yotay. Am si ahapen na sira o tao do Yotay am jyabo kaji da narayan a makahap rana so to meyyonong a ikavyay no pahad da.

Loma 14:2

O makdeng so onowned ji Ama ta do to a tao am abo ji da ngangana. Am o malma pa so onowned a tao am o voovoong o yakan da.

Loma 14:3

O makakakan a tao am ji na zyakan sira o ji makakakan a tao. O voovoong so yakan am ji na namwada sira o makakakan a tao. Ta meyyangay sira akma ney anak ni Ama ta do to.

1 Tesalonicya 5:14

Yanamen ipanci pa jinyo manga keypong am pazimanen nyo sira o malelma a tao an, a kapait nyo so mahayo so onowned a tao, kasidong nyo so jyakdeng so nakem ji Ama ta do to. Tana apiya so ahahapan sya, tana marahet so ahahapan sya tao am to nyo peyyangaya o nakenakem nyo sira.

Sipolay 5:14

O asa ka ciring dang am o makaveyvow o koman so cinvevekeh, ta mapeyneynara da rana. Akman so sang o makaveyvow a tao a makateneng do apya kano marahet.