Loma 13:1 - Seysyo No Tao

¹ Mamimin o tao a omanod so nakenakem do amyokod no seyvo. Ta o iyan no makayokod a tao am nakenakem na ori ni Ama ta do to. Ta o oyowyat da a amyokod no seyvo am apo ji Ama ta do to.

Loma 13:1 Referans Kwoze

Tito 3:1

Pazimanen mo jira o kownot da do vazay no makayokod nira tao. Amizngen da o pipya vazay a ipanci da.

Yowani 19:11

Maniring si Yeso am, “O na iyan no oyowyat mo am si Ama ta do to. Am o yanitomoro nyaken jimo a tao am to makasi, ta tey arako o raraten na.”

Yota 1:8

O yamalas so ipangnanao a tao am akman sira so sang. Ta da to mangozangozai o aktokto da yamapasagpyan so kataotao da. Da kolalahen o oyowyat na ni Ama ta do to. Da ipeyzozominyak o tinsi do teyngato.

Ivoso 5:21

Masicyakanig kamo, akman so nakenakem nyo si Yeso Kizisto a yamanig nya.

Ipaziman 19:16

O vatvatek a domket do ayob na kado appa na am, “Kabtekan a Panirsirngen.”

Ipaziman 1:5

a kani Yeso Kizisto a ta ipeyhanhan so ciring. Iya rana am ney manma na nimirwa a mavyay. Si Yeso Kizisto rana am yatomalamozong no panipanirsirngen do karawan. Na ikarilaw yaten. Na nipahawa yaten no rala na do yata peyraratenan.

Ipaziman 17:14

Sira rana am arapen da o Kagling am haragen na sira no Kagling a kano nipamnekan na tao a omanop jya. Ta iya rana am kabtekan a Panirsirngen.”

Matay 6:13

Ji mo yamen amya kalittan. Apzatan mo yamen mo Ama do to, do kararatan do teyrahem. [Ta imo rana am ka tey mowyat a tey mazway a Tao do to a yatomalamozong nyamen a mangay do kaidan no karawan. Amin.]’

Nimlivolivon 2:41

So ikaro da no tao a mahap rana so ipangnanao na a kataktak da rana jira. No kanang rana am omanoyong ji Yeso am nikarapan sira so kakatlwan a ranaw (3000) a tao.

Loma 12:21

O marahet a vazay da jimo no tao am ji mo rata. Ta o apiya ahahapan mo sya am itovis mo do marahet a vazay da.

Loma 13:2

O mapasobna do seyvo am akmey si Ama ta do to o pasobnan da. O akman rana sang a tao am jyabo kaji na ngyanan no ipasingsingkad na sira.

1 Timotay 2:2

Ipeynozi nyo sira o kabtekan nyo a panirsirngen do teyrahem a kano aro a panipanirsirngen do peycyeylilyan na. Ipeynozi nyo sira a kateneng da tomalamozong no pongso da. Ta ori o ikapiya takamo do keymiminili ta, ji meyrahet so nakenakem.