Loma 12:12 - Seysyo No Tao

¹² Masaray kamo a omnanala so na itoro jinyo ni Ama ta do to. Tana amyan so alalaw nyo am ji kamo ahayo a meynozi ji Ama ta do to.

Loma 12:12 Referans Kwoze

Loma 15:13

Inaoy no si itoro na jinyo o sarasaray na ni Ama ta do to. So ikanoyong nyo rana masaray so onowned a meyhanhan nya, do na kasidong jinyo no Seyzi.

Sipolay 10:36

Ji kamo macimazikna do vazay na ni Ama ta do to. Ta ori o ipakahap nyo so mina ciring na jinyo ni Ama ta do to no makwa.

1 Pite 4:13

Kasaray nyo a macizanod so alalaw ji Kizisto. Ta ori o ikasaray nyo no mai rana si Kizisto.

Yake 5:7

Am ori manga kakteh an, ji nyo macimangsahi a omapananala si Yeso Kizisto a Panirsirngen ta mai. To nyo nita o omhakakaw a tao a ji macimangseh a mapanala so cimoy a mapasaod so nihakawan na.

Sipolay 6:15

Ji na macimangsahi ni Apolahan a pananalahen. Makarahan am mahap na rana o nakem na sya ni Ama ta do to.

Sipolay 6:12

Namen ji mamyapyan inyo a malma so onowned. Inarahen nyo sira o yaji macizizikna a yaomanoyong ji Ama ta do to a tao. Ta ori o ipakahap nyo so makakaday a nakem na jinyo ni Ama ta do to.

Veydipi 4:4

Mangday kamo do araraw a somaray a yamacikaop ji Yeso. So papirwan ko pa sya ipanci jinyo an. Somaray kamo an.

Sipolay 12:1

So yada ikatey yaro no tao a ta rana nimacita so kakdekdeng a meyhanhan ni Ama ta do to no kakwa. Am ori an o akasan ta na so makakaday a ikasengseng jyaten a kano raraten ta yakmey omvaod jyaten a kowyat ta so onowned a akman so malayo a ji macimaza do palaywan na angayan.

Kelosi 4:2

Makowyat kamo a meynozi. Ji kamo tongwakwan a meynozi. Ta mapo do onowned nyo o inozi nyo a kasaray nyo so onowned ji Ama ta do to.

2 Tesalonicya 3:5

Inaoy no ipeypalanginan na inyo ni Yeso a kapeypahagnat nyo so nakenakem a makateneng do karilawan na ninyo ni Ama ta do to. So ikanoyong nyo a ominara si Kizisto a tongbo so alalaw na.

1 Tesalonicya 5:8

No ta manoyong amyan do kazngangan am meytataziman ta an. O nakenakem ta ji Ama ta do to a kano pangangarilawan na am akma tey sirong. Akma tey sakop o jyagonay a onowned ta a mapanala sya mahap jyaten do teyngato. So ikabo rana no oyaoyyan na nyaten.

Nimlivolivon 1:14

Mangday sira meylovolovot a meynozi a kano mavavakes. Amyan pa jira si Madiya ina na ni Yeso a kada wari na ni Yeso a mahakay.

1 Timotay 6:11

Am imo rana am na nipamnekan ni Ama ta do to a yamahap so vazay na. So peymakarwan mo na do akman sang a marahet a kahap mo so meysominogat a onowned. Macilolo ka do apyahen na ni Ama ta do to a kapeyhanhan mo nya. Ji mo a haywan o kapangarilaw mo. Ji ka hayohayowen. Ji ka oyaoyahen.

Sipolay 10:32

Manakem nyo no kakwa. Tana aro o alalaw nyo no kavayo nyo pa a omanoyong ji Yeso am jyabo kanimaharag nyo no alalaw nyo a.

Kelosi 4:12

Si Ipava rana a keylyan nyo am yakman sang a yameyminaminasi ninyo. Iya rana am lamlamsoy ni Yeso Kizisto a masangib a meynozi ninyo. Ipeynozi na o kakdeng nyo so nakem ji Ama ta do to a meypahagnat so nakem a manoyong a omonot do nakem na ni Ama ta do to.

Kelosi 1:11

Ta iya rana am tey mowyat. So namen peyhanhanan nya a makasidong jinyo a jyamama no makakaday a alalaw a masaray rana so onowned.

Sipolay 5:7

No keyyan na pa ni Yeso do karawan am nimlolos a mapasyasi ji Ama ta do to a mapatastas sya do kawakwakan na. So niiteng no kaoo na mapasyasi ji Ama ta do to. Ikongo do nipehbo na o kataotao na, am ori o nyamizngan na sya ni Ama ta do to so ciring na.

Ipaziman 13:10

O ipanci a vaoden am mangay kavaod sira an. O ipanci a mahap so inawan no ipangan am mangay kangay no inawan da no ipangan. So ikamimin da no amraralay ni Ama ta do to a ji macizizikna do kapeyhanhan da nya.

2 Pite 1:6

Apzatan nyo o onowned nyo do icyatatao nyo. Meypahagnat kamo so onowned a ji mapeyyan do onowned nyo so makakaday a alalaw. Ta ori o ikakdeng nyo rana so nakem a amraralay ni Ama ta do to.

Sipolay 3:6

Akman sang si Yeso Kizisto a ji mapasala do vazay ni Ama ta do to a tomalamozong no amraralay ni Ama ta do to a tao. Am iya am Anak na ni Ama ta do to. No ji ta hayo a meyhanhan nya a omapanala so nakem na jyaten no makwa am manoyong ta macikaop ji Ama ta do to.

2 Tesalonicya 1:4

Am ori o namen azwazwayan jinyo do peycyakyokyokayan na a namen angayan. Tana yarako o alalaw nyo a da peyrarehten no tao do nyo kanod ji Yeso am yajyablis o nakenakem nyo an. Am ori o namen azwazwayan jinyo.

1 Kedinto 13:13

Am o panganoyngan ta kano sarasaray ta no makwa kano pangangarilawan am to meyyonong. Am ney makdeng na pa am pangangarilawan do yameykatlo ang.

Loma 15:4

O ciriciring do Seysyo a yadomket am yamamimin a yana inanao jyaten ni Ama ta do to. O peypeypangayan no nang am ikait jyaten a meyhanhan ni Ama ta do to, kasaray ta amnanala so itoro na jyaten ni Ama ta do to.

Locya 21:19

Ipakowyowyat nyo pa a meyhanhan nyaken. Ta ori o ipakahap nyo so to meyyonong a ikavyay no pahad nyo.

Locya 8:15

O nimakas do apya so tanatana am akman so tao a omamizing so ciring na ni Ama ta do to a meyngongyod a meyhanhan nya do onowned da.

1 Pite 4:7

Yarana masngen o ikavos no karawan. Makowyowyat kamo pa omzat do onowned no kataotao nyo. Ta ori o ikabo no raraten a makazazat do inozi nyo.

Tito 2:13

So ikanoyong ta mapananala so ipeygegcin na no Tao do to ta si Yeso Kizisto a kapacizanod ta somaray do azwazway na. Ta iya o mapatazadang jyaten do teyngato.

Kelosi 1:27

O nakenakem na ni Ama ta do to am ikakza na o kapakateneng da no tao do karawan so mapeyzokab a nanao na. Ori rana am si Yeso Kizisto a yarana macikaop jyaten. So yata ikanoyong a macizanod do azwazway na ni Ama ta do to no makwa.

Loma 8:25

Am no ipeyhanhan ta o yaji macimatai am manoyong kaji ta maciziziknan a omnanala sya.

Tito 3:7

O pangangarilawan na ni Ama ta do to am ori o ikapya ta na so nakenakem jya, ta abwata rana o raraten ta do tangain na. So ikanoyong ta mapananala so kapakahap ta rana so to meyyonong a ikavyay no pahad ta.

2 Timotay 3:10

Imo rana mo Timotay am mo na nyahap o nanao ko a kano icicirawat ko a kano ahapan ko so vazay do karawan a kano onowned ko ji Ama ta do to. Mo katenngan yaken a ji macimaza do vazay ko ji Ama ta do to a kano pangangarilawan ko so icyatatao ko.

1 Tesalonicya 1:3

No namen meynozi am namen isaray ji Ama ta do to o apiya vazay nyo a yongkad no nyo kapeyhanhan ni Yeso Kizisto a Panirsirngen ta, kano nyo kazikna yamangarilaw so tao, do nyo raralayan ni Ama ta do to a yatongbo so alalaw nyo a yaomapanala si Yeso Kizisto a Panirsirngen ta a yameygegcin.

Veydipi 3:1

O ney manowji a ciring ko jinyo akma koy kakteh do cinai am somaray kamo, ta kamo macikaop rana ji Kizisto. So yako papirwan pa so mina ciring ko jinyo no kakwa pa. Ta beken a ikarahet nyo, ta ipeypapya nyo ori.

2 Kedinto 12:8

Yako ipitlo a yamapasyasi ji Yeso a Panirsirngen ta a mapakaro so akman sang a ingingnen ko.

Loma 2:7

Yamyan so tao a yajimtad no da kapanidong so tao a yakomala so azwazway na ni Ama ta do to a kano to meyyonong a ikavyay no pahad da. O akman rana sang a tao am itoro na jira ni Ama ta do to o to meyyonong a ikavyay no pahad da do teyngato.

Nimlivolivon 12:5

Am ori o to na peyyani pa si Pite do pamemtengan. So ikakdeng da no omraralay ni Yeso a meynozi nya.

Nimlivolivon 6:4

Am yamen rana am kasazap namen so kapeynozi a meylimwang no ciriciring na ni Ama ta do to.”

Nimlivolivon 2:42

So nikowyat da macinanao do nipamnekan ni Yeso a omlivolivon no ciriciring na kalwalovot da rana meynozi a kakan da so pang a makanakem si Yeso a nimawakwak.

Locya 10:20

Am ji nyo narayan o kamizing da jinyo no kalamsoyan ni Satan an. Ta isaray nyo o na kapadket rana so ngaran nyo do teyngato ni Ama ta do to.”

Matay 5:12

Somaray kamo an. Ta yamyan do teyngato o makdeng a azaw nyo a ipasaray na jinyo ni Ama ta do to. Nimakalapo no kakwa o kakman da sang no panoyonoywan na so ciring ni Ama ta do to a nipakakasi da no tao.