Loma 11:2 - Seysyo No Tao

² Na jya nitaosya ni Ama ta do to o nipamnekan na pa tao no kakwa. Nyo jyatenngi o ciring do Seysyo? No karaherahet na so Isedi a tao ni Idiya do tangain na ni Ama ta do to am,

Loma 11:2 Referans Kwoze

1 Pite 1:2

Nakenakem na ni Ama ta do to o yana kanimapanop jinyo a omanoyong ji Yeso. So yanyo ikanoyong rana a yana nyavayo no Seyzi so onowned a yaomonot ji Yeso Kizisto, do kanimvonas na so raraten nyo no rala na. Inaoy si arakorako pa o pangangarilawan na kano apiya onowned nyo a itoro na jinyo ni Ama ta do to.

Loma 9:23

Am na kapacita nya jyaten so rako a pangangasyan na. Ta yaten rana ya am nipamnekan na yaten a macikazway jya no makwa.

Nimlivolivon 3:17

“Am inyo rana manga keypong am nyo nizakat si Yeso. Am nyo jyatenngi ori a nitovoy na ni Ama ta do to. Tana panipanirsirngen nyo am akman sira so sang a ji makateneng jya.

Loma 9:6

Beken a ko ipanci o kabo na rana no peypeypangayan no mina ciring na ni Ama ta do to jira, do da kaji nganoyngan ji Yeso Kizisto. Ta beken a todamimin sira o sivosivovoong ni Isedi a meyngongyod a Isedi a tao a italamozong na ni Ama ta do to.

Nimlivolivon 13:48

Mamizing da no beken a tao do Yotay am masaray sira. Ori o nyazwazwayan da so ciring na ni Ama ta do to. Sira rana aro a tao am nakenakem na ni Ama ta do to o kapamnek na jira a mahap so to meyyonong a ikavyay no pahad da, do kanoyong da rana ji Yeso.

Nimlivolivon 7:40

Amyan pa si Moyse do tokon am nimangay sira do kakteh na a meyngaran so Yalon a manci no, ‘Ipamaring mo pa yamen so iraralay namen an, a kapangonong na nyaten do rarahan. Ta namen jyatenngi rana o vazay ni Moyse a niomagag jyaten do Ayci.’

Yowani 4:11

Maniring o mavakes am, “Mo kahakay, yamarahem o tovong eya a yabo o tatano mo. Makongo ka mangap so to meyyonong a ikavyay a ranom.

Locya 4:1

Meysinaoli si Yeso a nimapo do Yotan a ayo am oyatan no Seyzi. So nipalolwan na sya no Seyzi a yangay do kabwan no nihakawan no tao,

Sipolay 1:1

No kakwa pa am masangib si Ama ta do to a somapasapa so pazyazimanan na so ciriciring na do ineynapo ta. O ciriciring na rana am patwawen da no panoyonoywan na so ciring ni Ama ta do to.

Veydipi 1:22

Am no si mavyay ko pa am apiya pa, ta makapeyvazay ko pa. Am ko jyatenngi sicyaikwaya o ko pamnekan.

Nimlivolivon 15:18

Ori rana am ciring na ni Ama ta do to a nipamizing na jira no kakwa pa.’ ”

1 Kedinto 6:2

Manngwa, nyo jyatenngi yaten a italamozong na ni Ama ta do to o mapacici so tao do karawan no makwa? No si inyo eya mapacici so tao eya am manngwa, ji nyo rana zavat o likta a vazay?

Make 12:26

O vazay rana ano mirwa a mavyay o nimawakwak a tao am manngwa, nyo jya nivilangan o vakong ni Moyse do jyasleb a kayo? Maniring ji Moyse si Ama ta do to am, ‘Yaken rana am Tao do to na yaken ni Apolahan a kani Isa kani Yakebo.’

Loma 6:16

No onotan nyo o ciring no tao am manoyong kamo a lamlamsoy da. Akman sang, ta no si onotan nyo o raraten am manoyong kamo a lamlamsoy no raraten a mangay do kararatan. Am no si onotan nyo si Ama ta do to am abneken na inyo a abo so raraten do tangain na.

1 Kedinto 8:3

Am o amraralay ni Ama ta do to a tao am ori o ipanci na ni Ama ta do to a anak na.