Loma 11:18 - Seysyo No Tao

¹⁸ Am ji nyo ngolala o yangaw na a nimapolcing, ta kapalangayan nyo o yangaw ang. So ji nyo mapazwai so kataotao nyo, ta beken a inyo o yapwan no pamnowan no kayo. Ta o yamot na am ori na ilida.

Loma 11:18 Referans Kwoze

1 Kedinto 10:12

Am ori an, no myan so makeylamdam so nakenakem na ji Ama ta do to a makdeng rana am meytataziman ori an. Ta kalittan an.

Loma 11:20

Jyabo na kalalasan no ciring nyo a. O yada polcingan sya am sira ji manganoyong o tao do Yotay. Inyo am apya kamo, ta kamo manganoyong. Am ko ipanci jinyo am ji kamo mapahama so nakenakem an. Ta manginanawa kamo.

Loma 3:27

Am ikongo ipakazwazway ta. Jyabo a. O ko pancyan no nang am beken a ta kahap so iwawalam na ni Moyse o yata ikapya do tangain na ni Ama ta do to. Ta yaomagaz do yata kapeyhanhan ni Yeso Kizisto.

Yowani 10:16

O kagling ko a yapa ji macyamaot do jya am mangay ko kalahen sira kapakamizing da so itawag ko jira. So icyakma dey yasa a onongan ko.

Cyalatay 3:29

No kamo macilovot ji Kizisto am manoyong kamo na a macikownongan ji Apolahan a omamoon so aryarilaw na ni Ama ta do to si Apolahan.

Loma 4:16

O mina ciring na ni Ama ta do to so meyhanhan nya tao am to na palololwa do kapeyhanhan da nya. So ji na monganai do kapya no icicirawat ta. Ta o aryarilaw na ni Ama ta do to jyaten a sivosivovoong na ni Apolahan am ori o nipanci na a itoro na jyaten ni Ama ta do to. So ji ta mangozai do iwawalam na ni Moyse. Ta macyangay ta ji Apolahan a omanoyong ji Ama ta do to. Ta iya rana am akma tey ama a yameyhanhan ni Ama ta do to.

Matay 26:33

Maniring si Pite ji Yeso am, “Tana peymakarwan da imo no karwan no tao am jyabo kakaro ko jimo a.”

Yowani 4:22

Inyo rana tao do Samadiya am nyo jyatenngi o yanyo iraralay. Yamen a tao do Yotay am namen katenngan o namen iraralay. Ta o mapatazadang so tao a mangay do teyngato am apo do tao do Yotay.

Nimlivolivon 25:7

Mai rana si Pawlo am o apo do Yelosaleng aro a tao am limoten da a kapanci da no itawwen da ciring a iraherahet da sya. Am abo do dang o manoyong a ciring da.