Loma 1:9 - Seysyo No Tao

⁹ Na katenngan ni Ama ta do to o ko kasangib a yameynozi ninyo, do yako ikowyat a yamahap so vazay na yameylimwang no Mapasaray a Ciriciring no Anak na.

Loma 1:9 Referans Kwoze

Ivoso 6:18

Miminen nyo ori a ipeynozi ji Ama ta do to a kasidong na jinyo. Abo ji nyo meynozyan a tomala so Seyzi a meypalanginan ninyo. Ori o ipeytataziman nyo. Ji nyo amtadan o kapeynozi nyo no akma nyoy kakteh do cinai.

2 Timotay 1:3

Yako isaray ji Ama ta do to o namen kapeyyangay a kano ineynapo namen a yaji meylimoteng so nakem a yamraralay nya. Yamangday no ko meynozi do mahep a kado maraw o yako kapakanakem jimo.

Loma 9:1

Sicyaikwa rana ya am yamanoyong ko ipanci jinyo. Ji ko palasa o ciring ko, ta ko macikaop ji Kizisto. Yako katenngan o ko ipanci, ta o Seyzi am ori o tomalamozong no onowned ko.

1 Tesalonicya 5:17

Ji kamo amtad a meynozi.

2 Kedinto 1:23

Ko tawagan si Ama ta do to a macingosongoso nyaken. No si mangalalas ko am cyaha, ta pasingsingkadan na yaken. Ori o to ko na manci no kaji ko nangayan do Kedinto a omwoya ninyo. Ta manakem ko o kapamlis nyo pa.

1 Tesalonicya 3:10

Tana maraw a tana mahep am yabo o namen ji meynozii ji Ama ta do to a amya jyamen a mangay tomita jinyo a mapait so onowned nyo.

1 Tesalonicya 1:2

Namen masangib a somaray ninyo ji Ama ta do to. Namen masangib a yamakalavat jinyo do inozi namen.

Veydipi 3:3

Ta yaten rana am manoyong a niyongkadan na rana ni Ama ta do to, do kasidong na jyaten no Seyzi a yamraralay ni Ama ta do to. So ta ji mangozai do makakaday a iwawalam da no tao do Yotay a mapeypapya jyaten do tangain na ni Ama ta do to, ta si Yeso Kizisto o ozain ta. Am ori o yata ikasaray rana a yamacikaop jya.

Veydipi 1:4

Yako masaray so onowned a meynozi ninyo.

Nimlivolivon 27:23

Ta si Ama ta do to rana a yako iraralay am nimanovoy so tinsi na no kamahep a yamanci nya jyaken. Yamaniring jyaken am,

Nimlivolivon 19:21

Komavos o aro a vazay am ipanci na ni Pawlo o kapangonong na do Maciton a kado Akayya a mangay do Yelosaleng. Maniring am, “Si makaranes ko do dang am mangay ko pa do Loma.”

1 Timotay 2:7

O nipamnekan na jyaken a omlivolivon no ciriciring na do beken a tao do Yotay am nanawen ko sira a kapakateneng da rana jya a meyhanhan no manoyong a nanao. So ko ji mangononongi so malas. Ta yamanoyong o ko ipanci.

Veydipi 2:22

Nyo katenngan o mina vazay na ni Timotay. Ta yanamen akmey meyyama a yamazikna a yameylimwang no Mapasaray a Ciriciring.

Cyalatay 1:20

Yabo o yamalas do teygami ko ya a ciring ko. Pacyanoyngan na yaken ni Ama ta do to.

2 Kedinto 11:31

Si Ama ta do to a Ama na ni Yeso a Panirsirngen ta o makateneng jyaken a ji mangalalas. Iya o manoyong a azwazwain ta so ngaran mangay do kaidan no karawan.

Nimlivolivon 24:14

Am yasa ka vazay pa o ko ji naywa jimo. Ori rana am ko anoyngan o da iraralay no ineynapo namen. Ko anoyngan o iwawalam ni Moyse a kano nivatvatkan da no panoyonoywan na so ciring ni Ama ta do to. So na ikanoyong no ko kahap so yada ipanci a malas a nanao.

Nimlivolivon 12:5

Am ori o to na peyyani pa si Pite do pamemtengan. So ikakdeng da no omraralay ni Yeso a meynozi nya.

Nimlivolivon 3:26

Am ori o panmanman na jyaten a tao do Yotay a tovoyan na si Yeso a somidong jyaten a ikaro ta do marahet a icicirawat ta.”

Locya 18:1

Ipanci na jira ni Yeso o payyaingen na sya ipait na sira a meynozi.

Make 1:1

O Mapasaray a Ciriciring na ni Yeso Kizisto a Anak na ni Ama ta do to am oya o niyapoyapwan na.

Veydimeng 1:4

Imo rana akma nameney kakteh do cinai mo Veydimeng am no ko ipeynozi imo am yako isaray imo ji Ama ta do to.

Veydipi 1:3

No ko manakem inyo am ko isaray inyo ji Ama ta do to.