Loma 1:21 - Seysyo No Tao

²¹ Am tana da katenngan si Ama ta do to am da ji raralayan, da ji narayan o aryarilaw na sira. So da icyakmey yamavota so onowned a yaji makateneng ji Ama ta do to.

Loma 1:21 Referans Kwoze

2 Timotay 3:2

Ta o kataotao da o manakem da. O kapangamkam da so nizpi. O kapahama da so nakem da. O kapanraherahet da. O kapasala da do inyapwan da. Ji da narayan o nisidongan da sira no tao. Jyanoyong o nakenakem da ji Ama ta do to.

Ipaziman 14:7

Maniring a amlololos am, “Anooden nyo si Ama ta do to a iraralay. Ta yana marateng o araraw na no ipacici na a mapeykapyapinpin so tao do karawan. So raralayan nyo no yanimangamaog so hanit a kano teyrahem a kano awa kano tozongan no makakaday a atbod a ranom.”

Yowani 3:19

O Anak ni Ama ta do to am akmey zezak a nimai do teyrahem a amzezak so tao do karawan. Am ji dakzan no tao o kazngangan, ta ikeykakza da pa o kasarisaryan. Ta meyraraten pa sira. Ori o peypeypangayan no na pancyan nira a meyraraten.

Ipaziman 15:4

Mo Panirsirngen, sino makadket jimo a ji raralayan. Sino ji nganood so ngaran mo. Imo saon o ji meylimoteng so onowned a Tao do to am. So ikamimin no tao do peycyamahamahatawan na a mangay do tangain mo a omraralay nimo. Ta yarana nimamimin o tao a yarana nimeymatamata do iwawalam mo a yaji mapeycyakaban so tao.”

1 Pite 2:9

Am inyo am na nipamnekan inyo a yasa so inawan a mapatanatanang so nakem ji Ama ta do to a Panirsirngen ta. So ikanoyong nyo a abo so karatan a asa ka mahataw a italamozong ni Ama ta do to, a na nipamnekan a meylimwang no yamapeyzokab a vazay na. Ta inyo am na nyagag inyo do kasarisaryan a yameyraratenen. So nyo rana iyan do kazngangan.

Loma 11:10

Inaoy no si masari o citahen da kaji da rana makacittan, kaji da rana makatankan a alpiden no alalaw da a mangay no makwa.”

Loma 1:28

Ji da ranakzan no tao o manoyong a nanao na ni Ama ta do to. Am ori o to na rana macipanadngi do onowned da a meyparahet a mapeyvazay so makararahet a vazay.

Loma 1:19

Pasingsingtan na sira ni Ama ta do to, ta nipaziman na rana ni Ama ta do to o vazay na do tangain da. So da ipakateneng rana jya.

Loma 15:9

O ikadwa na no na peypeypangayan no na nyai ni Kizisto am sidongen na inyo a beken a tao do Yotay a somaray no pangangasyan na ni Ama ta do to. Ta maniring do Seysyo am, “Ori o anoodan ko jimo a azwazwain a isaray do yanan da no beken a tao do Yotay.”

Nimlivolivon 26:18

Ko tovoin imo a omiwang do mata da kapakacita da rana so kazngangan a komaro do vazay ni Satan a omanoyong rana ji Ama ta do to. So ikanoyong da rana mavonas so raraten a macikaop do amraralay nyaken a tao,’ kwan na yaken ni Yeso.

1 Pite 1:18

Naknakmen nyo o kaji na nitombosan jinyo ni Ama ta do to no monganay jinyo a ovay, do nyamoon nyo a malas a icicirawat no ineynapo nyo no kakwa.