Loma 1:20 - Seysyo No Tao

²⁰ Yajyacita si Ama ta do to. Am nimakalapo no kamamaog na so karawan o kaji na ablisan no ka Tao do to na. Ta apo do nyamamaog na o ipakateneng jya Tao do to arako so oyowyat. So ikabo no tao a omalalas jya.

Loma 1:20 Referans Kwoze

Loma 1:19

Pasingsingtan na sira ni Ama ta do to, ta nipaziman na rana ni Ama ta do to o vazay na do tangain da. So da ipakateneng rana jya.

Loma 2:15

O apya icicirawat da am yongkad na ori no keyyan na do onowned da no iwawalam na ni Ama ta do to. Ta katenngan da o apya kano marahet a nakenakem da.

Yowani 1:18

Abo pa o tao a nimakacita si Ama ta do to. O Anak na yamacikto ji Ama ta do to a yamlisna do katangked na am ori o nipakateneng ta ji Ama ta do to.

Yowani 15:22

No ko jya nimai do karawan a mapamizing sira no nanao ni Ama ta do to am ji da tenngi o keyyan no raraten da. Am sicyaikwaya am ji da rana tayo o raraten da. Ta ko na nipanci jira o nanao ni Ama ta do to.

1 Timotay 1:17

Inaoy no to ta meyyonong a omazwazway si Ama ta do to a Panirsirngen ta. Ta iya rana am jyawakwak a jyacita a meyngongyod a Tao do to. Amin.

Kelosi 2:9

Ta yamanoyong o nakem na ni Ama ta do to a yarana nimacimalag ji Kizisto.

Sipolay 9:14

Kakwakwan na rana no rala no kagling a kano baka a ipanci da makavoga so nikaratan da. Imanngo rana o oyowyat no rala ni Kizisto. Ta nioyatan no Seyzi a mapatanang so abo so karatan a kataotao na ji Ama ta do to. Jyabo kaji na haraharan pa makavonas so marahet do onowned ta a ombalinas so malas a icicirawat ta. No si manoyong o kakman ta sang am manoyong ta pahanhanen na ni Ama ta do to do vazay na.

Loma 2:1

Yata katenngan o kanoyong na no oyaoyyan na ni Ama ta do to no akman so sang a tao. Am no si manamwad ka so tao am raraten mo ori. Ta o peyraratenan mo so sang am mo ipanci o kataotao mo a abo so karatan.

Kelosi 1:15

Si Kizisto rana am akma ney kamamagenan ni Ama ta do to. So na ikanoyong ney manhama na do makakaday a nyamamaog na.

1 Timotay 6:16

Ta si Ama ta do to am jyawakwak. Meyvahay do ji macisngeni no tao a maniray. Abwata pa o nimakacita sya tao. So ikabo no macisazap jya. Inaoy no to meyyonong a azwazwain ta, katalamozong na nyaten. Amin.

Loma 16:26

Am sicyaikwaya am yameylimwang rana o nivatvatkan da no panoyonoywan na so ciring na no kakwa. Ori rana am ciring na do peycyamahamahatawan na no to meyyonong a Tao do to. So ikanoyong da na no tao a meyhanhan nya.

Nimlivolivon 17:29

“No manoyong ta akma ney anak am ji ta naknakma o kapehngay ta si Ama ta do to do nipariparing no tao no apya so kolit a kano kayo a kano veysen a pehngehngain da ji Ama ta do to.

Sipolay 11:27

Ji na nyaheyan o kapeyoyaoya na ni Valaw. So nikaro na do Ayci. Ta akma ney todacita no mata si Ama ta do to a yamacitovong jya. Am ori o ji na rana kei a meysinaoli, do kapeyhanhan na ni Ama ta do to.

Matay 5:45

Ta ori o ipeyngongyod nyo a akma ney anak ni Ama ta do to. Ta yameyyangay sira o apya so nakenakem a tao a kano marahet so nakenakem a tao a na cirain ni Ama ta do to no araw. So na icyakman sang no cimoy a na itoro do apya so nakenakem a kano marahet so nakenakem a tao.

Nimlivolivon 22:1

“Manga maran, manga kakteh, amizngen nyo o ko ipanci jinyo, manga keypong an.”

Make 10:6

Am no kavayo na pa ni Ama ta do to a mangamaog so karawan am nimangamaog so mahakay a kano mavakes.

1 Kedinto 1:20

No akman sang am wanjin o teneteneng da no mateneng a tao. Wanjin o teneng da no aro so nivilangan a tao. Wanjin sira o makey a macinekanekad a tao do karawan. So na nipeyolyan sya ni Ama ta do to so teneteneng no tao do karawan abo so angangayan.