Loma 1:18 - Seysyo No Tao

¹⁸ Nipaziman na rana ni Ama ta do to o rako a oyaoyyan na no meyraraten a tao a kano ji raralay nya tao. O raraten no tao am ori o yambonbon do yamanoyong a nanao na ni Ama ta do to.

Loma 1:18 Referans Kwoze

Ivoso 5:6

Am ori o ji nyo litai do kadwan jinyo a manci no kapya no akman sang a vazay. Ta o akman rana sang so icicirawat a tao am amyan so oyaoyyan na nira ni Ama ta do to no makwa, do kaji da niomonotan do nanao na ni Ama ta do to.

Loma 1:32

Tana katenngan da si Ama ta do to a amwoya no akman so sang a vazay am da jyamamman, ta da ikeykavevek a yamanara so tao a akman sira so vazay.

Kelosi 3:6

O akman rana sang a vazay am peydednahen na jya o peyoyaoyyan ni Ama ta do to do akman sang a ji ngonot jya tao.

2 Tesalonicya 2:10

kalita na do ji manganoyong a tao no meykamadadayan a vazay, ta ji da ngahapa o manoyong a nanao na ni Ama ta do to a manta nira so to meyyonong a ikavyay no pahad da.

Loma 6:13

Ji nyo mamyapyan o peyvongvongwan nyo a peylamlamsoin no raraten. Ta itoro nyo o kataotao nyo ji Ama ta do to a mahap so vazay na. O torwan nyo no kataotao nyo ji Ama ta do to am ahapen nyo o apya vazay na. Ta iya o na yapwan no vayo a inawan ta.

Loma 5:9

No ta manoyong rana a yanimavonas so raraten no rala ni Yeso Kizisto am abneken na rana yaten ni Ama ta do to a abo so raraten do tangain na. No si akman sang am maliklik ta o peyoyaoyyan na ni Ama ta do to no makwa.

Loma 4:15

O iwawalam na ni Moyse o yapwan no peyoyaoya na ni Ama ta do to. Ta abo yasa ka tao a manoyong a makahap sya. No abo pangozayan a iwawalam am do wanjin o kapwan no raraten no tao.

Loma 1:28

Ji da ranakzan no tao o manoyong a nanao na ni Ama ta do to. Am ori o to na rana macipanadngi do onowned da a meyparahet a mapeyvazay so makararahet a vazay.

Loma 2:3

O nyo raten a vazay da no tao am ori o nyo peyvazain. Am makatayo ka do peykapyapinpinan na rana so tao ni Ama ta do to?

Loma 1:19

Pasingsingtan na sira ni Ama ta do to, ta nipaziman na rana ni Ama ta do to o vazay na do tangain da. So da ipakateneng rana jya.

Loma 5:6

No kakwa pa am abo oyowyat ta a komaro do peyraratenan ta. Am kanimangozay na jya ni Kizisto do nipamnekan ni Ama ta do to a araraw a mangay mawakwak nyaten.

Loma 3:9

Manngwa, namen apyapya pa tao do Yotay a kano karwan no tao do tangain na ni Ama ta do to? Jyabo kakman na sang a. Nipanci ko na o tao do Yotay a kano beken a tao do Yotay a yameyyangay a yameysaod pa so raraten.

2 Tesalonicya 2:6

Nyo katenngan o keyyan no amzazat do tao a irako na so raraten a italamozong na ni Satan. Am amyan so araraw no nang a ipeytotwaw na.