Loma 1:17 - Seysyo No Tao

¹⁷ Ta o Mapasaray a Ciriciring na ni Ama ta do to o ipakateneng ta do kabnek na jyaten ni Ama ta do to a abo so raraten do tangain na. O yapwan na no nya am amyapo do kapeyhanhan ta nya. Ta maniring do Seysyo am, “O tao rana a abneken na ni Ama ta do to a abo so raraten do tangain na am mahap da o to meyyonong a ikavyay no pahad da.”

Loma 1:17 Referans Kwoze

Cyalatay 3:11

Ori o ikanoyong no kabo no asa ka tao a abneken na ni Ama ta do to a abo so raraten do tangain na a mangozay do iwawalam ni Moyse. Ta o ciring do Seysyo am, “O meyhanhan ni Ama ta do to a tao o abneken na abo so raraten do tangain na. So ikanoyong na rana makahap so to meyyonong a ikavyay no pahad na.”

Sipolay 10:38

O tao rana a omonot do nakenakem ko am mahap da o to meyyonong a ikavyay no pahad da do kanoyong da jyaken. Am o omlikod jyaken a tao am ji ko nakzan o akman sang.’ ”

Veydipi 3:9

Ko manoyong a yamacikaop jya. So ko na peymakarwan do mina vazay ko no kakwa. So ikanoyong ko na abo so karatan do tangain na ni Ama ta do to. O yako icyakman sang am ko ipeyhanhan si Kizisto. Beken a ko kahap so iwawalam na ni Moyse. Ta yamanoyong ya nitoro ni Ama ta do to o ikapya ko do tangain na.

Loma 9:30

O makdeng do jya am sira rana beken a tao do Yotay a yaji meyhanhan no apya icicirawat da am yana sira nivonas so raraten. Na abneken rana sira apya do tangain na do yada kapeyhanhan nya.

Loma 3:21

Sicyaikwaya am na rana nipananao jyaten o na kabnek jyaten ni Ama ta do to a abo so raraten do tangain na. Ori rana am beken a iwawalam na ni Moyse, ta monganay do kapeyhanhan ni Yeso Kizisto akman so mina ciring da no panoyonoywan na so ciring ni Ama ta do to.

Loma 3:3

Tana yamyan jira so yatatasa yaji nganoyong do ciriciring na am cinakongo na. Manngwa, ablisen na pa o nakenakem na ni Ama ta do to?

Yowani 3:36

Omanoyong do Anak na am mahap na o to meyyonong a ikavyay no pahad na. O ji nganoyong do Anak na am abo jya o ikavyay no pahad na, ta meydedna jya o peyoyaoyyan na ni Ama ta do to.

Loma 3:22

Si ipeyhanhan ta si Yeso Kizisto am abneken na rana yaten ni Ama ta do to a abo so raraten do tangain na. So ipeyyangangay na no nang a itoro na do meyhanhan nya tao.

Loma 10:3

Da to mangozangozai o nakenakem da a mahap so iwawalam na ni Moyse a yaji meyhanhan ni Ama ta do to a yamvonas so raraten a manci nira abo rana so raraten do tangain na.

2 Kedinto 3:9

No manoyong o kazway no iwawalam ni Moyse a manci no raraten am arakorako pa o kazwayan na no vayo a pangozayan a ciring na ni Ama ta do to a makavonas so raraten ta, a kabo na rana no raraten ta do tangain na.

2 Kedinto 5:21

Na nikarilaw yaten ni Ama ta do to. So na nitovoyan si Kizisto abo so raraten a nimalit so raraten ta. Am ori o tanyo ipacikaop ji Kizisto a abwata rana so raraten do tangain na ni Ama ta do to.