Loma 1:13 - Seysyo No Tao

¹³ Yako masangib a yamnakenakem so yako kangay jinyo manga kakteh. Am na katey aro no yamzazat jyaken. Am ori o ko jyangai jinyo do dang. Ta ko ikakza inyo a nanawen a kapeyparo da no tao a omanoyong ji Yeso Kizisto do dang, akman so niomanod a beken a tao do Yotay no keyyan ko pa do ili da no beken a tao do Yotay.

Loma 1:13 Referans Kwoze

Nimlivolivon 19:21

Komavos o aro a vazay am ipanci na ni Pawlo o kapangonong na do Maciton a kado Akayya a mangay do Yelosaleng. Maniring am, “Si makaranes ko do dang am mangay ko pa do Loma.”

Veydipi 4:17

Ji ko ngakzeba o kazaw nyo jyaken. Ta tey kakza ko ji Ama ta do to o karwaro na pa no isidong na jinyo do kapiya no nakenakem nyo jyaken.

2 Timotay 4:17

Am si Ama ta do to o yamyan do katangked ko a somidong jyaken a manta nyaken so oyowyat ko a meylimwang no ciriciring na do beken a tao do Yotay a kavyay na pa jyaken no kavovo da jyaken a wakwaken.

1 Tesalonicya 4:13

Manga kakteh, o nimawakwak rana tao am inaoy no si katenngan nyo o peypeypangayan na a kaji nyo na zababan so onowned. Ji nyo nginarai o yaji manaralay a tao a yaji makateneng do peypeypangayan na.

1 Tesalonicya 2:18

Namen ikakza o namen kangay pa jinyo do dang. Ko masangib a yamnakenakem so yako kangay jinyo do dang am na kazazat jyamen ni Satan.

2 Kedinto 1:8

Manga kakteh, ko kakzeben inyo a makateneng do alalaw namen no keyyan namen pa do Yasiya pongso. Ta teywara o mina alalaw namen. Ori o ji namen ngatatai do kavyay namen.

1 Kedinto 12:1

Manga kakteh, inaoy si mamimin kamo a makateneng do oyowyat a kano teneteneng a nitoro na jinyo no Seyzi.

1 Kedinto 10:1

Manga kakteh, ko pazimanen jinyo o mina vazay no ineynapo ta a nimacihza ji Moyse. Nimamimin sira nyapzatan ni Ama ta do to a nimangonong do ngaranan da Mabazangbang awa. Tana do onotan da do cinalab a tana no kapangonong da do awa am nimamimin sira niomonot ji Moyse do palolwan na sira.

Kelosi 1:6

Beken a inyoo o na peylimwangan no Mapasaray a Ciriciring na ni Ama ta do to, ta yarana nimeylimwang do peycyamahamahatawan na. So da rana ipamlis no tao. So da icyakman jinyo a yarana makateneng do pangangarilawan na ni Ama ta do to.

Loma 11:25

Manga kakteh, inaoy no si katenngan nyo na o vazay na ni Ama ta do to a ji nipatwaw no kakwa. So ji nyo mapakarangi so nakem nyo. Ta beken a todamimin o Isedi a tao a ji mamlis, ta yana pananalahen ni Ama ta do to o karwan no beken a tao do Yotay a omanod jya.

Yowani 15:16

Beken a inyo o yanimamnek jyaken, ta yaken o yanimamnek jinyo. So ko tovoyan jinyo a mangay meyvazay so makasidong so tao a vazay. Ta o akman rana sang a vazay am tey saray na ni Ama ta do to a mangay no makwa. Si akman kamo sang am no mapasyasi kamo ji Ama am itoro na jinyo.

Yowani 4:36

O mapanop so tao a omanoyong do nanao ko am arako o nakem ko jya. Sira rana omonot do nanao ko am mahap da o to meyyonong a ikavyay no pahad da. Katonodan no nang o amhakakaw a tao. Ta o pamowahen no asa ka tao am macivonong sira o karwan tao. So ikanoyong da tey masaray a tomaham do nihakawan da. Akman so meylimwang no ciriciring na ni Ama ta do to a kano omanop so tao a omanoyong jya an, ta tey masaray sira an.

2 Tesalonicya 2:7

Ta yana papwen o na kapeyvazay no irako na so raraten a italamozong na ni Satan a tao. Am ji pa meyngongyod o vazay na, ta zazazzatan no mowyowyat pa ka nya. Am no si peylisen na rana o lima no yamzazat do vazay eya am,

2 Kedinto 2:14

Am yako isaray ji Ama ta do to, ta yata na macikaop ji Yeso Kizisto. Ta na niharag rana ni Yeso Kizisto o raraten. So ta ikanoyong rana a macizanod ji Kizisto a nimakata. So da ipakateneng rana ji Yeso no tao, do ta kalivolivon no Mapasaray a Ciriciring na ni Kizisto.

1 Kedinto 9:2

Tana ji da panadnada yaken a nipamnekan ni Kizisto am cyaha, ta nyo panadnaden yaken a nipamnekan ni Kizisto. Ta inyo o yongkad na no kanimamnek na jyaken ni Kizisto a Panirsirngen ta.

Nimlivolivon 21:19

So nipeyminaminasyan na nira ni Pawlo a kapanci na no vazay na ni Ama ta do to jya do beken a tao do Yotay, do mina kapeylimwang na no ciriciring na ni Ama ta do to jira.

Nimlivolivon 15:12

So ikabo no meykazyazyak a tao a omamizing so ononongan ni Parnapo a kani Pawlo, do kapeyzokab da no vazay da do beken a tao do Yotay, ta nisidong na sira ni Ama ta do to.

Nimlivolivon 14:27

Makaranes rana sira do Antia am lovoten da sira o sinjya a kapanci da nya jira so nisidongan na sira ni Ama ta do to do vazay da. Ta o ipeylimwang da do tao a ciriciring na ni Ama ta do to am nyanoyngan da no beken a tao do Yotay.

Yowani 12:24

To ko na macitangayan jinyo am no ji pamowa do tana o mowahen am jyablis ori a asaha. Am no si pamowahen do tana am amlida rana kapalasi na rana.

Nimlivolivon 1:15

Kadadayan na so araraw am meylovolovot sira omanoyong ji Yeso. Adwa ngarnan sira so ikakarwan a poo (120) o karwaro da. Meytatanek si Pite a kapanci na no,

Nimlivolivon 28:14

Makarahan am makasazi namen do dang so akma nameney kakteh do cinai. Nipeyseysan da yamen so kapito araw a kalam namen mangay rana do Loma.

Loma 1:12

Ala apyapya o kapanci ko no kapasipayyait ta so onowned ji Ama ta do to.

Loma 7:1

Nyo jyatenngi, manga kakteh, o yokoyokod rana no tao do karawan eya am o mavyay a tao o kapyan na. Am no mawakwak rana tao am abo rana peypeypangayan na no yokoyokod do karawan.

1 Kedinto 1:10

Manga kakteh, ko vavagan inyo no ngaran ni Yeso Kizisto a Panirsirngen ta akmey asa so ciriciring a ji meykataretarek so nakenakem a malwalovot, akmey asa so onowned, akmey asa so pangozayan.

1 Kedinto 14:20

So ipeypakatkat nyo, manga kakteh so pangtoktwan an. Akman kamo so mina tazak a tao a ji nakenakem so raraten.

1 Kedinto 14:26

Manga kakteh, akman so wanjin o pangozayan nyo. No malovot kamo a meynozi am amyan so meyyanwanood. Amyan so mangnanao. Amyan so mangononong so ciriciring na ni Ama ta do to. Amyan so macitarek so ciring. Amyan so mapeyvaliw sya. Naknakmen nyo o kapeypahagnat da so nakenakem no makakaday a vazay no sinjya. Ta ori o manoyong an.

Cyalatay 3:15

Manga kakteh, o ahahapan sya no tao am no meysirisiring o rarwa ka tao do vazay da am to da na mamneki o apyahen da. So ikabo rana no mapasobna do nipamnekan da vazay, do kabo rana no nipeyras da vazay.

Cyalatay 6:18

Manga kakteh, inaoy si itoro na jinyo o pangangarilawan na ni Yeso Kizisto a Panirsirngen ta. Amin.

Veydipi 1:22

Am no si mavyay ko pa am apiya pa, ta makapeyvazay ko pa. Am ko jyatenngi sicyaikwaya o ko pamnekan.

Kelosi 1:10

No si akman sang am manoyong kamo na macipayok so vazay ji Yeso Kizisto a Panirsirngen ta, do kahap nyo so vazay na a meypahagnat rana so onowned a makateneng rana ji Ama ta do to.