Kelosi 1:14 - Seysyo No Tao

¹⁴ Nyagag na yaten ni Yeso Kizisto do peyraratenan ta. So ta ikanoyong rana nimavonas so raraten.

Kelosi 1:14 Referans Kwoze

Ivoso 1:7

Si Kizisto yanimawakwak nyaten. Am ori o yana nikavonas no raraten ta. Tey rako o pangangarilawan na ni Ama ta do to a yana nitoro jyaten.

Sipolay 9:22

To da mangozai o iwawalam da somaboy no rala so makakaday a ipanaralay da. No abo rala am jyavonas o raraten.

Sipolay 9:12

Si Yeso Kizisto am ji rana mapalolo so rala no kagling a kano baka. Ta mina to na rana patananga o rala na ipatazadang na jyaten do teyngato. Am o akman rana sang a vazay am ipisa mapatanang nyaten a kakavos na rana a mangay do kaidan no karawan.

Ipaziman 5:9

a kapeyyanwanood da so vayo a anood. O kanwanoodan na am, “Imo o makahap so vakong a mapakaro so nipadketan a vakong. Ta imo rana am niwakwak da imo. O nimvoyog a rala mo am nimapatastas so tao do peycyeylilyan na kano meykataretarek so ciring a kano meytaretarek a tao do sinokob no hanit a yaitoro ji Ama ta do to a yaponged na.

Cyalatay 3:13

Am si Kizisto o nimalit jyaten do oyaoyyan na nyaten ni Ama ta do to a ji makataptap so iwawalam na ni Moyse. Ta o ciring pa do Seysyo am, “O nipadket da do jyojika am iya o nyangayan no peyoyaoyyan na ni Ama ta do to.”

Matay 20:28

Akman so Nipamnekan na ni Ama ta do to a tao. Ta o na nyai am beken a ilamnain no tao. Ta mapeylamnay so aro a tao a kangay na mapasansan so kataotao na yagag na sira do peyraratenan da.”

Ipaziman 1:5

a kani Yeso Kizisto a ta ipeyhanhan so ciring. Iya rana am ney manma na nimirwa a mavyay. Si Yeso Kizisto rana am yatomalamozong no panipanirsirngen do karawan. Na ikarilaw yaten. Na nipahawa yaten no rala na do yata peyraratenan.

Ivoso 5:2

Patwawen nyo do icicirawat nyo o pangangasyan na ni Ama ta do to, akman si Yeso Kizisto a yamarilaw nyaten a yajingbeywan do inawan na nisomidong jyaten. Ta o akman rana sang a vazay na am isaray na ni Ama ta do to.

1 Yowani 2:2

Nimawakwak si Kizisto a omvonas so raraten ta. Am beken a yatehen, ta kazagoman no tao do karawan.

1 Pite 3:18

Ta ipisa si Yeso Kizisto a nimawakwak no raraten ta, kapakavos na rana so vazay na a mapatazadang jyaten do teyngato. So ikanoyong na abo so raraten a nisomabway no raraten no tao, do na kapanop jyaten ji Ama ta do to. Tana niwakwak da o kataotao na am jya nimawakwak o pahad na.

1 Yowani 2:12

Ko ipeyteygami inyo a akma koy anak, ta o raraten nyo am yana rana nivonas ni Ama ta do to, do kanimawakwak na nyaten ni Kizisto.

Tito 2:14

Na nipalit ni Yeso Kizisto no kataotao na o raraten ta. So ikaro ta rana do makakaday a ta pineyraratenan. So icyakma tamoy matnaw a ranom so onowned a omanod jya, mowyat a meyvazay so apya vazay.

1 Timotay 2:6

Apyapyahen na pa o kataotao na a mawakwak, a omalit do oyaoyyan na nyaten ni Ama ta do to a meyraraten a tao. O akman rana sang a vazay am nipeyvazay na rana ni Yeso a yongkad na ni Ama ta do to a ji mamyapya no tao do karawan a mangay do kararatan.

Kelosi 2:13

No kakwa pa am abo pa jinyo o to meyyonong a ikavyay no pahad nyo, do keyyan no raraten nyo a nimacisyay ji Ama ta do to. Am kanimapazanod na jinyo ji Kizisto a avyain ni Ama ta do to, do kanimvonas na rana so raraten ta ni Ama ta do to.

Ivoso 4:32

O kapya nyo so nakenakem do kadwan jinyo. To nyongbowa o oyyan nyo no kadwan jinyo, akman si Ama ta do to a yatongbo so raraten nyo, do na kanimawakwak ninyo ni Kizisto.

Nimlivolivon 20:28

So ipeypepzat nyo an. Ahapen nyo o nitoro na jinyo no Seyzi a marilaw no kadwan jinyo. Ta sira rana am nipalit na no rala no Anak na ni Ama ta do to a yarana macikaop jya.

Nimlivolivon 10:43

Si Yeso o pakacirngan da so ciring da no panoyonoywan na so ciring ni Ama ta do to no kakwa. Ipanci da o ka si Yeso no makavonas so raraten no omanoyong jya tao.”

Kelosi 3:13

Macisidosidong kamo. No amyan so kazyakan nyo no kadwan jinyo am to nyo peykabobwa. Inarahen nyo si Yeso Kizisto a Panirsirngen ta a nimapeykabobo so raraten nyo.

Nimlivolivon 2:38

Maniring si Pite jira am, “Mamlis kamo na so nakem a komaro do raraten nyo a kataktak da jinyo no ngaran ni Yeso Kizisto. Ta ori o ikavonas na no raraten nyo a katoro na rana nya jinyo so Seyzi ni Ama ta do to.

1 Yowani 1:9

Am no si ji ta naywa o raraten ta ji Ama ta do to a yaji mapeycyakaban so tao am vonasen na o raraten ta, do kapangononong na do ciring na. So icyakma tey nikowyasan a malavang so onowned a abo rana so karatan.

Nimlivolivon 26:18

Ko tovoin imo a omiwang do mata da kapakacita da rana so kazngangan a komaro do vazay ni Satan a omanoyong rana ji Ama ta do to. So ikanoyong da rana mavonas so raraten a macikaop do amraralay nyaken a tao,’ kwan na yaken ni Yeso.

Ipaziman 14:4

Sira rana am ji nagpyan so aktokto sira a macilocilolo do angayan no Kagling. Sira rana am nipasakay na sira do kapyapyan. So ipanoma da nira patanangen ji Ama ta do to a kano Kagling.

Locya 5:20

Makazazap na ni Yeso o onowned da a omanoyong jya. Am ori o nipancyan na nya jya so, “Imo rana am yarana nimavonas o raraten mo.”

1 Kedinto 1:30

Am si Ama ta do to o yanimapanop jinyo ji Yeso Kizisto. So na ikanoyong a na yapwan no teneng ta. Iya o na niyapwan no yamvonas so raraten ta. Am ori o na abnekan jyaten ni Ama ta do to a abo so raraten do tangain na. So icyakma tey matnaw a ranom so onowned a macilovot ji Ama ta do to a ji na rana nalamozongan no raraten.