Kelosi 1:13 - Seysyo No Tao

¹³ Na nyagag yaten do kasarisaryan a na kaparapong jyaten do italamozong no Anak na ni Ama ta do to.

Kelosi 1:13 Referans Kwoze

Nimlivolivon 26:18

Ko tovoin imo a omiwang do mata da kapakacita da rana so kazngangan a komaro do vazay ni Satan a omanoyong rana ji Ama ta do to. So ikanoyong da rana mavonas so raraten a macikaop do amraralay nyaken a tao,’ kwan na yaken ni Yeso.

Ivoso 5:8

Ta no kakwa am nimyan kamo do kasarisaryan a ji makateneng ji Ama ta do to. Am sicyaikwaya am kamo na macikaop ji Yeso Kizisto a Panirsirngen ta. So yanyo iyan rana do kazngangan. Am ori o inaran nyo so icicirawat da no tao a yamakateneng rana do ciriciring na ni Ama ta do to.

1 Pite 2:9

Am inyo am na nipamnekan inyo a yasa so inawan a mapatanatanang so nakem ji Ama ta do to a Panirsirngen ta. So ikanoyong nyo a abo so karatan a asa ka mahataw a italamozong ni Ama ta do to, a na nipamnekan a meylimwang no yamapeyzokab a vazay na. Ta inyo am na nyagag inyo do kasarisaryan a yameyraratenen. So nyo rana iyan do kazngangan.

Ivoso 6:12

Ta yaten rana am beken a ta macililiman do tao. Ta tamo macililiman ji Satan a kano aro a kalamsoyan na yatomalamozong no meyraraten a tao do karawan.

1 Tesalonicya 2:12

a yajimtad a yamnanao jinyo a yamapait so onowned nyo a yamapadnadna so nakem nyo. So ikanoyong nyo a isaray na ni Ama ta do to. Na nipamnekan inyo a macizanod do oyowyat na kano azwazway na.

Ivoso 4:18

Onowned da am yakmey kasarisaryan. Yabo da kasngesngenan do vayo a onowned a yapo ji Ama ta do to. So da ikanoyong a yaji macipayok so nakenakem ji Ama ta do to.

Loma 14:17

Ta o ney makdeng na do italamozong na ni Ama ta do to am beken a monganay do kanen a kano yopen. Ta monganay do apya vazay a kano kapyapya no onowned kano sarasaray a itoro na jyaten no Seyzi.

1 Yowani 3:14

Yata rana katenngan o yata kanimablis rana so onowned. O ta ipakateneng dang am ta ikarilaw o akma tey kakteh do cinai. O abo so pangarilawan na am mavaod pa ori no raraten.

2 Kedinto 4:4

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

1 Yowani 3:8

O meyraraten pa tao am macibedbed pa ori ji Satan. Ta nimeycicinda no kakwa o kapeyraraten na ni Satan. Ori na nyai no Anak ni Ama ta do to a ombalinas so vazay ni Satan.

Yowani 5:24

To ko na macitangayan jinyo am omamizing so ciring ko a tao a omanoyong do yanitomovoy jyaken am mahap na o to meyyonong a ikavyay no pahad na. So ikanoyong na ji na meydednai no peyoyaoyyan na ni Ama ta do to. Ta nimaliklik na rana o apwa kawakwakan no pahad na.

1 Yowani 2:8

Am o yako vatvatkan a ciring jinyo am akmey yavayo ori an. Ta o nanao am yana nipacita jyaten ni Kizisto o manoyong a pangangarilawan na. So nyo ikakman sang a yamapatwaw sya. So yana rana ikaslin no masari a yana cirain no kazngangan.

2 Pite 1:11

a macikaop rana do to meyyonong a italamozong na ni Yeso Kizisto a Panirsirngen ta a mapatazadang jyaten do teyngato.

Locya 13:24

“Makowyat kamo a omyavayo so macicya onowned nyo. Ko pa ciring jinyo am aro tao a makza no kasdep da macikaop do italamozong na ni Ama ta do to. Am ji sira makasdep a macikaop jira.

Sipolay 2:14

Yaten rana akma ney anak ni Ama ta do to am tao ta do karawan. So nicyakman na jyaten ni Yeso a yamyan so kataotao. Am mawakwak rana o kataotao na ni Yeso am haragen na o oyowyat ni Satan a omwakwak so tao.

Yowani 17:24

“Mo Ama, o mo nitoro jyaken a tao am inaoy si amyan sira do angayan ko. So ikanoyong da makacita so azwazway ko a nitoro mo jyaken. Ta nimanoma rana o aglaglaw mo jyaken no kaji na pa amaogan no karawan.

Locya 22:53

Ko mangday so araraw a yamacitovong jinyo do rako a panaralayan am yanyo ji ngapa yaken. Am na karateng rana no araraw a yanyo yahap jyaken do na katalamozong ninyo ni Satan.”

Matay 3:17

Meyratateng am amyan so ciring a apo do teyngato. Maniring am, “Iya rana ya am Anak ko a ko tey kaglaw. So yako sarayan nya.”

Matay 25:34

Karahan am maniring o panirsirngen do amyan do wanan na tao am, ‘Inyo rana yana nipanlanlag ni Ama am sijya kamo do italamozong na ni Ama ta do to, ta amoonen nyo o nakem na jinyo no kapangamaog na pa so karawan.

Ivoso 1:6

So ikanoyong ta somaray no akman sang a pangangarilawan na ni Ama ta do to, do na kabo no ngina na no Anak na, na to norwan jyaten.

Matay 17:5

Ji na pa teyka ni Pite o ciring na am to ngyan so cinalab a ombengbeng sira a keyyan no ciring a maciralay do cinalab ang. Maniring am, “Iya rana am ney kaglaw ko Anak ko. So sarayan ko nya. Amizngan nyo sya.”

Yowani 3:35

O Ama na am marilaw no Anak na. So na nitorwan no makakaday jya a italamozong na.

2 Kedinto 11:14

Am jyabo kazyak no akman sang a. Ta kakwakwan ni Satan a mapatpetpeh akmey maniray a tinsi ni Ama ta do to.

Ivoso 5:5

Ta o mangzakza kano mangagom a tao am ji na nalamozongan o akman sang ni Yeso Kizisto a kani Ama ta do to. Ta akma ney pahamahamahen pa o pangagoman na kani Ama ta do to.