Ivoso 6:8 - Seysyo No Tao

⁸ Manakem nyo o na kato mapeyyangangayan so tao ni Ama ta do to. Tana peylamsoin da am tana beken a lamlamsoy am na to palololwa do kapyapya no vazay na o yazaw na sya.

Ivoso 6:8 Referans Kwoze

Kelosi 3:24

Manakem nyo o keyyan no nakem na jinyo ni Kizisto, do kanoyong nyo a makahap rana so nakem na so omanop jya tao. So ikanoyong ni Kizisto a ahapen nyo so vazay.

Locya 14:14

Ta ori o ikapya mo, ta sira rana ori am abo patoplis da jimo. No mirwa a mavyay o pipya so nakenakem am patoplisan na ni Ama ta do to.”

Kelosi 3:11

No manoyong kakman ta sang am abo rana peytartarkan ta do tangain na ni Ama ta do to. Tana tao do Yotay a kano beken a tao do Yotay a tana jyapsek a kano mapsek a tao a tana peylamsoin da kano ji da peylamsoya a pacyangayan ta am ta meyyangangay a yarana vayo so onowned ji Kizisto. So ika iya no azwazwain ta.

2 Kedinto 5:10

Ta mamimin tamo eya a mangay do tangain ni Yeso Kizisto a pacicin na. To na palololwa do mina vazay ta do karawan o itoro na jyaten.

Matay 16:27

Yaken rana a Nipamnekan na ni Ama ta do to a tao am maciralay ko do azwazway na ni Ama kano aro a tinsi a meygegcin. To ko palololwa o yazaw ko so mina vazay da jyaken no tao.

Matay 6:4

Ta si Ama ta do to a makacita jinyo a mapowzowzib so kapangazaw nyo am amyan so yazaw na jinyo.

Sipolay 10:35

Am ori o ji nyo ablisi no onowned. Ta no si akman kamo sang so onowned am mahap nyo o rako a nakem na jinyo ni Ama ta do to.

Sipolay 11:26

Apyapyahen na pa o kapeyrarahet na mahap so vazay no Misayya. So nilikodan na do aro a peymeymasaodan da no tao do Ayci a pamoonen da jya. Ta anoyngan na o kapyapya na pa no peymeymasaodan ni Ama ta do to a itoro na jya.

Cyalatay 3:28

Am ori o ikabo rana no matarek do amraralay ni Yeso Kizisto a tao. Ta meyyangangay sira do tangain na. Tana tao do Yotay a tana beken a tao do Yotay, tana lamlamsoy a kano beken a lamlamsoy, tana mahakay a tana mavakes am kamo mamimin a akmey asa rana a yamacikaop ji Yeso Kizisto.

Matay 6:1

“Makapzat kamo. Ji nyo mapacitacittan o kakdekdeng nyo a manaralay do tangain no tao. Ta no si makman kamo so sang am ji nyo ngakzeba o keyyan no yazaw na jinyo ni Ama ta do to.

Matay 5:12

Somaray kamo an. Ta yamyan do teyngato o makdeng a azaw nyo a ipasaray na jinyo ni Ama ta do to. Nimakalapo no kakwa o kakman da sang no panoyonoywan na so ciring ni Ama ta do to a nipakakasi da no tao.

Locya 6:35

So karilawan nyo no macioya jinyo a tao an. Makapya kamo so nakem jira an. O nivood da jinyo am ji nyo naknakma o kapaoli da sya jinyo an. Ta arakorako rana o nakem na jinyo ni Ama ta do to. So ipeyngongyod nyo anak na no tey mazway a Tao do to. Ta ikarilaw na ni Ama ta do to o ji naray no itoro na jira. Ikarilaw na o meyraraten a tao.

1 Kedinto 12:13

Am ori o tana tao do Yotay ta, tana beken a tao do Yotay ta am tana lamlamsoy da yaten am tana to ta ngonongonongi o vazay ta am cyaha. Ta tamo na nimamimin a nitaktakan no Seyzi. So ta icyakmey yasa ka tao so kataotao a yana italamozong no yasa ka Seyzi.

Kelosi 3:25

O meyraraten a tao am mamimin sira angayan no peyoyaoyyan na ni Ama ta do to. Ta meyyangangay o ahahapan na so tao do karawan.

Matay 20:7

Maniring sira am, ‘Yabo yamanci nyamen a yameyvazay.’ Maniring jira am, ‘No komwan am to kamo nangai a meyvazay do nihakawan ko.’