Ivoso 6:23 - Seysyo No Tao

²³ Inaoy no si itoro na ni Ama ta do to a kani Yeso Kizisto o ikapiya no onowned nyo, a kazagoman nyo a yamraralay ni Ama ta do to, a kapanta na ninyo so manoyong a pangangarilawan nyo, a kakdeng nyo na so nakem a meyhanhan nya.

Ivoso 6:23 Referans Kwoze

Cyalatay 6:16

Inaoy no si ikarilaw na sira ni Ama ta do to o yamangozay do ciriciring ko, pacyangayan da no tao do Yotay a kano beken a tao do Yotay, kapanta na nira so ikapiya no onowned da.

1 Pite 5:14

Ipeyminaminasi nyo o kadwan jinyo, do kapasicyakarilaw nyo amraralay ni Ama ta do to. Inaoy no si mamimin kamo a makahap so ikapiya no onowned nyo a meyhanhan ni Kizisto.

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

1 Timotay 1:14

O Panirsirngen ta rana si Yeso Kizisto am yatey rako o pangangarilawan na a na nitoro jyaken a na kapanta pa nyaken so onowned ko a meyhanhan nya kano pangangarilawan ko so icyatatao ko, ta yako macikaop rana jya.

Ipaziman 1:4

Yaken rana am si Yowani ko. Yako ipeyteygami sira o yapito a ka kyokay do Yasiya pongso. Inaoy no si itoro na jinyo o ikapiya no onowned nyo a kano pangangarilawan a apo ji Ama ta do to a jyablis a Tao do to a nimapo no kakwa a na kato ngayyan sicyaikwaya a mangay do kaidan no karawan a kano Seyzi na ni Ama ta do to,

1 Timotay 1:3

Apyapya kato mo ngyanan do Ivoso akman so mina ciring ko jimo no kapeypangay ko do Maciton a omzazat do yameylimwang no malas a nanao.

2 Tesalonicya 3:16

Inaoy no si mangday na itoro jinyo o ikapiya no onowned nyo ni Yeso Kizisto. Ta iya rana am kapwan no ikapiya ta no onowned. Inaoy no si macitovong jinyo si Yeso Kizisto.

2 Tesalonicya 1:3

Manga kakteh, namen mangday do araraw inyo a isaray ji Ama ta do to. So ikanoyong na no akman sang an. Ta yakamo meypahagnat so nakenakem do yanyo kapeypakdeng so aryarilaw so kadwan jinyo.

1 Tesalonicya 5:8

No ta manoyong amyan do kazngangan am meytataziman ta an. O nakenakem ta ji Ama ta do to a kano pangangarilawan na am akma tey sirong. Akma tey sakop o jyagonay a onowned ta a mapanala sya mahap jyaten do teyngato. So ikabo rana no oyaoyyan na nyaten.

1 Kedinto 1:3

Inaoy no si itoro na ni Ama ta do to a kani Yeso Kizisto a Panirsirngen ta o pangangarilawan na kano ikapiya no onowned nyo.

Loma 1:7

Am ori o yako peyteygamyan ninyo a na tey karilaw ni Ama ta do to a tao do Loma a yamanoyong a na italamozong ni Ama ta do to. Inaoy si itoro na o pangangarilawan na kano ikapiya no onowned nyo ni Ama ta do to a kani Yeso Kizisto a Panirsirngen ta.

Yowani 14:27

Ko itoro jinyo o ikapiya no onowned nyo. So na ikanoyong a yapo jyaken no apiya onowned nyo. Am meytarek ori a kano ipanci da no tao do karawan ikapiya no onowned. Am ori an, ji nyo a raci so onowned. Ji kamo anyahey.

1 Timotay 5:8

No myan so tao a ji rana makanakem so zipos na kano kavavahay da am peymakarwan na o nanao ni Yeso. So ikaraherahet na pa kano ji nganoyong ji Ama ta do to.

Loma 15:33

Inaoy si macikaop jinyo si Ama ta do to a yamanta nyaten so ikapiya no onowned ta. Amin.

2 Kedinto 13:11

O ney manowji na yako ipanci jinyo manga kakteh am makowyowyat kamo pa mapeypahagnat so nakenakem nyo ji Kizisto an. So ahapan nyo so ivavaga ko jinyo, akman si Yeso so onowned a apiya so nakenakem do icyatatao na. Ta jyabo kaji na macitovongan jinyo no yatey rako so pangangarilawan na kano yamanta nyaten so ikapiya ta so onowned a Tao do to ta.

Ivoso 6:24

Inaoy no si itoro na ni Ama ta do to o pangangarilawan na jinyo a yajyahayo a yamraralay ni Yeso Kizisto a Panirsirngen ta.

3 Yowani 1:14

Inaoy si makeykai ko rana makacita jimo a kawalawalam tamo rana makacita so kadwan jyaten.