Ivoso 6:18 - Seysyo No Tao

¹⁸ Miminen nyo ori a ipeynozi ji Ama ta do to a kasidong na jinyo. Abo ji nyo meynozyan a tomala so Seyzi a meypalanginan ninyo. Ori o ipeytataziman nyo. Ji nyo amtadan o kapeynozi nyo no akma nyoy kakteh do cinai.

Ivoso 6:18 Referans Kwoze

1 Tesalonicya 5:17

Ji kamo amtad a meynozi.

Kelosi 4:2

Makowyat kamo a meynozi. Ji kamo tongwakwan a meynozi. Ta mapo do onowned nyo o inozi nyo a kasaray nyo so onowned ji Ama ta do to.

Veydipi 4:6

Ji nyo a ratan o makakaday a vazay nyo an. Ta ipanci nyo do inozi nyo o kakzeben nyo ji Ama ta do to a kasaray nyo so onowned a mapasyasi jya an.

1 Timotay 2:1

O yamanma pa yako inanao jinyo am ipeynozi nyo o tao do karawan ji Ama ta do to. Ipasyasi nyo ji Ama ta do to a kasidong na sira. So ji ta hamangi no kasaray ta no aryarilaw na jyaten.

Yota 1:20

Am inyo rana manga keypong am makowyat kamo so nakenakem ji Ama ta do to a mangozay do manoyong a nanao na. Ipeyhanhan nyo o Seyzi no meynozi kamo.

Make 14:38

Maniring pa jira am, “Meytataziman kamo a meynozi. Ta kalittan kamo an. Tana nyo apyahen do onowned nyo am nyo jyapakongo o nyo kapeynozi.”

Locya 21:36

Ori o ikakdekdeng nyo pa meynozi an. Ta ori o ipakahatas nyo so yaomanam a alalaw. So ikabo no ikeykarahet nyo do tangain ko.”

Matay 26:41

Meytataziman kamo a meynozi an, ta kalittan kamo an. Tana nyo apyahen do onowned nyo am nyo jyapakongo o nyo kapeynozi.”

Ivoso 1:16

ji ko ranamtad a somaray ninyo ji Ama ta do to. So ikasangib ko a makalavat jinyo do inozi ko.

Loma 12:12

Masaray kamo a omnanala so na itoro jinyo ni Ama ta do to. Tana amyan so alalaw nyo am ji kamo ahayo a meynozi ji Ama ta do to.

Make 13:33

Azimanen nyo. Yokain nyo o onowned nyo. Ta ji nyo a tenngi o ipakaranes no araraw ang.

1 Pite 4:7

Yarana masngen o ikavos no karawan. Makowyowyat kamo pa omzat do onowned no kataotao nyo. Ta ori o ikabo no raraten a makazazat do inozi nyo.

Nimlivolivon 1:14

Mangday sira meylovolovot a meynozi a kano mavavakes. Amyan pa jira si Madiya ina na ni Yeso a kada wari na ni Yeso a mahakay.

Locya 22:46

Maniring jira am, “Ikongo nyo ipeykaititkeh. Kayokay kamo na kapeynozi nyo, ta kalittan kamo.”

Sipolay 5:7

No keyyan na pa ni Yeso do karawan am nimlolos a mapasyasi ji Ama ta do to a mapatastas sya do kawakwakan na. So niiteng no kaoo na mapasyasi ji Ama ta do to. Ikongo do nipehbo na o kataotao na, am ori o nyamizngan na sya ni Ama ta do to so ciring na.

2 Timotay 1:3

Yako isaray ji Ama ta do to o namen kapeyyangay a kano ineynapo namen a yaji meylimoteng so nakem a yamraralay nya. Yamangday no ko meynozi do mahep a kado maraw o yako kapakanakem jimo.

Veydipi 1:4

Yako masaray so onowned a meynozi ninyo.

Ivoso 6:19

Ipeynozi nyo yaken an, katoro na nya jyaken ni Ama ta do to so ciriciring na ipangnanao ko. Ta ori o ji ko a mamai no ji da pa nipatwaw no kakwa a Mapasaray a Ciriciring na ni Ama ta do to a ipeylimwang ko.

Nimlivolivon 12:5

Am ori o to na peyyani pa si Pite do pamemtengan. So ikakdeng da no omraralay ni Yeso a meynozi nya.

Veydimeng 1:5

Ta ko mamizing o pangasyan mo so akma tey kakteh do cinai a yamraralay ni Ama ta do to a kano nakenakem mo ji Yeso Kizisto a Panirsirngen ta.

Nimlivolivon 10:2

Tana beken a tao do Yotay ori am manoyong o nakenakem na ji Ama ta do to a ka nira asa ka vahay. Rako o sidongan na so ji makahakaw a tao do Yotay a kasangib na meynozi ji Ama ta do to.

Nimlivolivon 6:4

Am yamen rana am kasazap namen so kapeynozi a meylimwang no ciriciring na ni Ama ta do to.”

Ivoso 3:18

Ta ori o ipeyyangangay nyo a kano aro a akma nyoy kakteh do cinai a makateneng do mapeyzokab a pangangarilawan na ni Kizisto.

Ivoso 3:8

Tana mina saod na so kabo no kapsepsekan ko am na manket yaken a pahanhanen a meylimwang nya jinyo a beken a tao do Yotay so aglaglaw na jyaten ni Kizisto.

Loma 8:15

Ta o itoro na ni Ama ta do to a Seyzi am beken a mapeylamlamsoy jinyo a omanyanyahey jinyo, ta peyvaliwen na inyo a akma ney anak ni Ama ta do to. So oyatan na jyaten no Seyzi a tomawag ji Ama ta do to a manci no, “Mo Ama.”

Ivoso 2:22

Am ori o nyo ipeyyangangay rana kano tao do Yotay a na rana yanan no Seyzi na ni Ama ta do to.

Locya 3:37

Si Lamay am anak ni Matosela. Si Matosela am anak ni Inok. Si Inok am anak ni Yacin. Si Yacin am anak ni Maledi. Si Maledi am anak ni Kaynan.

Kelosi 1:4

Ta namen rana nimamizing o nakenakem nyo si Yeso Kizisto a kano aryarilaw nyo so aro a sinjya.

Cyalatay 4:6

O nitovoyan na sya jinyo ni Ama ta do to so Seyzi ni Kizisto am kamo meyngongyod rana akma ney anak. Am ori o nyo jyanigi a yatomawag ji Ama ta do to a Ama nyo.

Locya 3:26

Si Nakay am anak ni Maat. Si Maat am anak ni Matatiya. Si Matatiya am anak ni Simey. Si Simey am anak ni Yoseke. Si Yoseke am anak ni Yeta.

Kelosi 1:3

No namen ipeynozi inyo am namen masangib a isaray ninyo ji Ama ta do to a Ama na ni Yeso Kizisto a Panirsirngen ta.

Matay 17:21

[To nyo peykakasa o onowned nyo a meynozi a ji mangakaday. Ta ori o ikavozwaw no akman so sang a kalamsoyan ni Satan.”]