Ivoso 6:11 - Seysyo No Tao

¹¹ Ahapen nyo o akma nyoy voovoo a na nitoro ni Ama ta do to, ta ori o ipakaharag nyo si Satan no mangay na littan inyo.

Ivoso 6:11 Referans Kwoze

2 Kedinto 10:4

Ta o voovoo namen am beken a yamonganay do oyowyat a kano teneteneng do karawan. Ta o oyowyat na ni Ama ta do to o voovoo namen a yato manbalinas so vazay ni Satan a yamangalalas so tao.

Loma 13:12

Yakomavos rana o marahet a vazay da no tao do karawan. Na kapakaranes rana no yapiya na patazadangan jyaten ni Ama ta do to. Am ori o ji ta to peyvazai so jyapsepsek a vazay ta. Ta kahap ta so apiya vazay akmey voovoo a ipakaharag ta so amlita jyaten a Satan.

1 Tesalonicya 5:8

No ta manoyong amyan do kazngangan am meytataziman ta an. O nakenakem ta ji Ama ta do to a kano pangangarilawan na am akma tey sirong. Akma tey sakop o jyagonay a onowned ta a mapanala sya mahap jyaten do teyngato. So ikabo rana no oyaoyyan na nyaten.

Ivoso 6:13

Am ori o ahapan nyo so akma nyoy voovoo a nitoro ni Ama ta do to a ipaciliman nyo ji Satan a kano kalamsoyan na a yamlita jinyo. Ta ori o ipakaharag nyo sira. So to nyo meyyonongi rana ji da rana litai.

1 Pite 5:8

Meypepzat kamo. Taosya o kakma nyoy mitkeh so onowned. Ta si Satan a kavosoyan nyo am yakmey kokoman so tao a yaji yakneng do na yanan a yameykala so tao a na kanen a na pasyain so nakem ji Ama ta do to.

2 Kedinto 2:11

Ta maraherahet o kakata na ni Satan. Ta yabo jyaten o yaji makateneng do ipanlilita ni Satan.

Ivoso 4:14

a ji rana akman so kanakan, akmey azda a kano pagpag a jyatenngi so pamnemnekan a to ngonongonot so nakem do mangalalas so ciring a tao.

Kelosi 3:10

kapalit nyo rana so vayo a onowned nyo apo ji Ama ta do to, do na kaji amtadan a yasomidong jinyo a yaomyavayo so icicirawat nyo. Am ori o ikanoyong nyo rana meypahagnat a makateneng ji Ama ta do to.

Loma 13:14

Ahapen nyo si Yeso Kizisto a Panirsirngen ta, akma nyoy voovoo a ipzat nyo do onowned nyo. Ji nyo to mamyapyan o kapeyraraten nyo. So ingtwan nyo do kataotao nyo.

2 Kedinto 11:3

Am yako ikanyahey o kapeyparahet no onowned nyo a todahamang rana ji Yeso Kizisto, akman si Iwa a nilittan no volay.

2 Kedinto 6:7

Nioyatan na yamen ni Ama ta do to a meylimwang no manoyong a nanao na a mapacitacita no kanoyong namen a lamlamsoy na ni Ama ta do to. So icyakma nameney mapeyvoovoo so apya nakenakem namen a iharag namen so amrahet jyamen a tao.

Ipaziman 2:24

“ ‘Am inyo rana tatasa ka tao do Tiyatila a jya niomonot do malas a nanao a jya nimacinanao do matayo a iwawalam ni Satan am ji ko na norwan jinyo o masalit a ji nyo a patakan a vazay.

Ivoso 4:24

Pangozayan nyo o avayo a onowned nyo a kano icicirawat nyo a mapatwaw so apiya nakenakem na ni Ama ta do to.

Sipolay 7:25

Am ori o yana ikanoyong a yamakasidong so yaomanop ji Ama ta do to a tao, do yana kato meyyonongan a mavyay a yamapasyasi nyaten ji Ama ta do to.

Yota 1:24

Apzatan na inyo ni Ama ta do to a kaji nyo meyraratenan. So ikanoyong nyo a masaray a abo so karatan a mangay do tangain na ni Ama ta do to a macikazway jya.

2 Kedinto 4:4

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

1 Kedinto 10:13

O yana ilita jinyo ni Satan am yabo dang vayo. Am katey manoyong na ni Ama ta do to a mapahawa so ikarahet nyo a ilita na jinyo ni Satan. Ta oyatan na inyo ni Ama ta do to no littan na inyo ni Satan. So ikapiya nyo a ipeypalanginan na ni Ama ta do to a mahap so apiya vazay.

Make 13:22

Ta amyan so tao no makwa a manci no ka si Kizisto da kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da do nipamnekan na ni Ama ta do to a yamraralay nya tao.

Ipaziman 12:9

kakas na sya ni Ama ta do to so rako a kamolay. Ori rana am nimeytetnga volay no kakwa. O ngaran na am si Satan a yatomirara so tao a yameyraraten. O kamolay rana am nimamispis do teyrahem. So icyakman da sang no kalamsoyan na iwalit na do teyrahem ni Ama ta do to.

Ipaziman 19:20

So nirakpan da so omalalam a kapazanod da so nimeyvazay so mapangyangyalak a makahaw a tao a rakpen. O makahaw a tao am nimeyvazay ori so mapangyangyalak a vazay a ipeykawad na so yanan no ipatotodo no omalalam a kano niomraralay no kamamagenan na tao. Omalalam rana kano makahaw a tao am niwalit na sira do akman so awa so karakorako a lila no apoy.

Yake 4:7

Am ori an, onotan nyo ji Ama ta do to. Pasobnan nyo si Satan a kakaro na rana jinyo.