Ivoso 6:10 - Seysyo No Tao

¹⁰ Manga kakteh, oya rana am imanowji rana yako inanao jinyo. Inyo rana am ipeyhanhan nyo o rako a oyowyat no Panirsirngen ta a omzat jinyo.

Ivoso 6:10 Referans Kwoze

Veydipi 4:13

Ta si Yeso Kizisto a yaomoyat jyaken am ori o ko ipakownong do ko ahahapan sya, do yameycyataretarek a ko masapa.

1 Kedinto 16:13

Meytataziman kamo an. Makahadpet kamo so nakenakem a omraralay ni Ama ta do to. Ji kamo a nyahey.

1 Pite 5:10

Si Ama ta do to am yana yapwan no rako a pangangarilawan, do na kapazanod jinyo do azwazway na. Ta inyo rana am kamo rana macikaop ji Kizisto. Am ori an, no si mavitos rana o yaji meyyonownay a alalaw nyo am manoyong kamo na oyatan ni Ama ta do to, kahadpet nyo na so nakem.

Kelosi 1:11

Ta iya rana am tey mowyat. So namen peyhanhanan nya a makasidong jinyo a jyamama no makakaday a alalaw a masaray rana so onowned.

Ivoso 1:19

Yamapeyzokab o na vazay no oyowyat na do yaomanoyong jya tao. Oyowyat rana ori am

Ivoso 3:16

Ko ipeynozi ji Ama ta do to o kowyat na jinyo no Seyzi a meypakdeng so nakem ji Ama ta do to. Ta iya rana am yatey mowyat a yatey mazway a Tao do to.

2 Timotay 4:17

Am si Ama ta do to o yamyan do katangked ko a somidong jyaken a manta nyaken so oyowyat ko a meylimwang no ciriciring na do beken a tao do Yotay a kavyay na pa jyaken no kavovo da jyaken a wakwaken.

2 Timotay 2:1

Imo rana manganako am ahapen mo o na nitoro jimo ni Yeso Kizisto a pangangarilawan na, ta ori o ikowyat no onowned mo.

Veydipi 4:8

Am ori manga keypong an, ahapan nyo so apipiya vazay a isaray na ni Ama ta do to a kano ji meypareki so onowned a kano tey mazway a vazay. O akman rana sang am peyyanen nyo do onowned nyo a patwawen do icicirawat nyo.

2 Kedinto 13:11

O ney manowji na yako ipanci jinyo manga kakteh am makowyowyat kamo pa mapeypahagnat so nakenakem nyo ji Kizisto an. So ahapan nyo so ivavaga ko jinyo, akman si Yeso so onowned a apiya so nakenakem do icyatatao na. Ta jyabo kaji na macitovongan jinyo no yatey rako so pangangarilawan na kano yamanta nyaten so ikapiya ta so onowned a Tao do to ta.

1 Pite 3:8

Ko pakoyokoin jinyo am akma kamoy asa so ahahapan sya masicyakarilaw. Akman so aryarilaw nyo so kakteh nyo o karilawan nyo no akma nyoy kakteh do cinai. Makapiya kamo so nakem do kadwan jinyo. Masicyakanig kamo.

Veydipi 3:1

O ney manowji a ciring ko jinyo akma koy kakteh do cinai am somaray kamo, ta kamo macikaop rana ji Kizisto. So yako papirwan pa so mina ciring ko jinyo no kakwa pa. Ta beken a ikarahet nyo, ta ipeypapya nyo ori.

1 Pite 4:11

O meylimwang no Ciriciring ni Ama ta do to am Ciriciring na ni Ama ta do to o malavat da. No manidong ta so icyatatao ta am ipeyhanhan ta si Ama ta do to a tomoro no oyowyat na jyaten. Ta no si macita da no tao o vazay ta a sidongen ni Yeso Kizisto am azwazwain da si Ama ta do to no aro a tao. Inaoy si mangay ji Ama ta do to o azwazway a kano oyowyat a mangay do kaidan no karawan! Amin.

1 Yowani 2:14

Yako ipeyteygami inyo akma koy anak, ta nyo anoyngan si Ama ta do to. Ko ipeyteygami inyo a akma koy inyapwan, ta nyo anoyngan si Yeso Kizisto a nimeycicinda amyan no kakwa. Ko inyo ipeyteygami a mowva tao, ta kamo tey makdeng so nakenakem a meyhanhan ni Ama ta do to, do nyo kapeyyan sya do onowned nyo so ciring na ni Ama ta do to, a yarana nimharag si Satan.