Ivoso 5:25 - Seysyo No Tao

²⁵ Inyo rana mahakay am ikarilaw nyo o katovong nyo do vahay an, akman si Kizisto a marilaw nyaten a nimawakwak nyaten.

Ivoso 5:25 Referans Kwoze

1 Pite 3:7

Inyo rana mahakay a katovong da am panadnaden nyo sira o katovong nyo do vahay a mavakes, do kaji da macingayan jinyo so kolit. Ori an, kanigan nyo nira. Ta meyyangay kamo a makahap so to meyyonong a ikavyay no pahad nyo. No si mahap nyo o akman sang am abo ji na ngamizing a inozi nyo ni Ama ta do to.

Kelosi 3:19

Inyo rana mahakay am ikaglaw nyo sira o kataned nyo do vahay a mavakes. Taosya o kangamo nyo sira.

Ivoso 5:28

O mahakay rana am ikarilaw na o katovong na do vahay. To na peynara o aryarilaw na so kataotao na a marilaw no mavakes na. Ta o marilaw no mavakes na am marilaw no kataotao na.

Ivoso 5:33

So icyakman nyo sang a mahakay a marilaw no katovong nyo do vahay. To nyo peynara do karilawan nyo no kataotao nyo o karilawan nyo nira. Am panadnaden nyo a mavakes o kahanghangan nyo.

Ivoso 5:2

Patwawen nyo do icicirawat nyo o pangangasyan na ni Ama ta do to, akman si Yeso Kizisto a yamarilaw nyaten a yajingbeywan do inawan na nisomidong jyaten. Ta o akman rana sang a vazay na am isaray na ni Ama ta do to.

Cyalatay 1:4

Si Yeso Kizisto am na pahawahen yaten do raraten do karawan. Am ori o na pangozayan do nakenakem na ni Ama ta do to a mawakwak no raraten ta.

Ipaziman 1:5

a kani Yeso Kizisto a ta ipeyhanhan so ciring. Iya rana am ney manma na nimirwa a mavyay. Si Yeso Kizisto rana am yatomalamozong no panipanirsirngen do karawan. Na ikarilaw yaten. Na nipahawa yaten no rala na do yata peyraratenan.

Cyalatay 2:20

Am ori an, ikabeken a yaken rana no yamavyay sicyaikwaya. Ta si Kizisto rana o yamavyay do onowned ko. O yako ikavyay sicyaikwaya am yako ipeyhanhan o Anak na ni Ama ta do to. Na nikarilaw yaken a na nyangay no inawan.

Ipaziman 5:9

a kapeyyanwanood da so vayo a anood. O kanwanoodan na am, “Imo o makahap so vakong a mapakaro so nipadketan a vakong. Ta imo rana am niwakwak da imo. O nimvoyog a rala mo am nimapatastas so tao do peycyeylilyan na kano meykataretarek so ciring a kano meytaretarek a tao do sinokob no hanit a yaitoro ji Ama ta do to a yaponged na.

Matay 20:28

Akman so Nipamnekan na ni Ama ta do to a tao. Ta o na nyai am beken a ilamnain no tao. Ta mapeylamnay so aro a tao a kangay na mapasansan so kataotao na yagag na sira do peyraratenan da.”

Nimlivolivon 20:28

So ipeypepzat nyo an. Ahapen nyo o nitoro na jinyo no Seyzi a marilaw no kadwan jinyo. Ta sira rana am nipalit na no rala no Anak na ni Ama ta do to a yarana macikaop jya.

Yowani 6:51

Yaken rana am akma koy kanen a apo do teyngato a yapwan no to meyyonong a ikavyay no pahad nyo. O koman so kanen eya a tao am mahap da o to meyyonong a ikavyay no pahad da do teyngato. O itoro ko do tao a kanen da am kataotao ko, ta yangay ko inyo no inawan. Ori rana am ipakahap no tao so to meyyonong a ikavyay no pahad da.”

1 Timotay 2:6

Apyapyahen na pa o kataotao na a mawakwak, a omalit do oyaoyyan na nyaten ni Ama ta do to a meyraraten a tao. O akman rana sang a vazay am nipeyvazay na rana ni Yeso a yongkad na ni Ama ta do to a ji mamyapya no tao do karawan a mangay do kararatan.

Ivoso 5:24

Am ori o onotan nyo do kahanghangan nyo a mahakay an, akman jyaten a yaomonot ji Kizisto.