Ivoso 5:21 - Seysyo No Tao

²¹ Masicyakanig kamo, akman so nakenakem nyo si Yeso Kizisto a yamanig nya.

Ivoso 5:21 Referans Kwoze

Veydipi 2:3

Ji nyo pakaranga o nakenakem nyo an. Ji nyo akzan o keynakem nyo a tao an. Ikanig nyo o kadwan jinyo an. Naknakmen nyo o keyyan no tao a apyapya pa ka ninyo an.

Ivoso 5:24

Am ori o onotan nyo do kahanghangan nyo a mahakay an, akman jyaten a yaomonot ji Kizisto.

Ivoso 5:22

Inyo rana a mavakes am amizngen nyo o kahanghangan nyo akman si Yeso Kizisto a yanyo amizngen a Panirsirngen ta.

1 Pite 5:5

Inyo rana a malalavayo a tao am onotan nyo o apya ciring da jinyo no rarakeh. So ko to zagomi jinyo a yapancyan no kapaveveh nyo so aktokto nyo a somidong so vazay no kadwan jinyo. Ta maniring do Seysyo am, “Ji na nidonga ni Ama ta do to o mapahama so nakem na tao. Apyapyahen na pa sidongen sira o mapaveveh so nakem da tao.”

Sipolay 13:17

Onotan nyo o makayokod ninyo a tao do kyokay. Amizngen nyo o ciring da. Ta sira rana am da peyveyveknen o pahad nyo, do da kahap so vazay ni Ama ta do to. No si amizngen nyo sira am masasaray sira mahap so vazay ni Ama ta do to. Am no si ji nyo ngamiznga sira am meyngen o onowned da. No si akman sang am jyabo kapya nyo a.

1 Pite 2:17

Ikanig nyo o kadwan jinyo. Ikarilaw nyo sira o akma nyoy kakteh do cinai. Panadnaden nyo si Ama ta do to. Ikanig nyo sira o makayokod ninyo a tao.

1 Timotay 3:4

O vazay na rana do vahay da am pakapyahen na a makatalamozong no katovong na do vahay a kananao na so minapodpod jya. Ta ori o amizngen da so nanao na no minapodpod jya.

Cyalatay 5:13

Manga kakteh, o na nipamnekan jinyo ni Ama ta do to am na ovayan inyo a yamvaod no iwawalam ni Moyse. Am ori o ji nyo to mamyapyai no kataotao nyo a italamozong no marahet a nakenakem nyo. Apyapya pa o pangarilawan a isidong nyo so kadwan jinyo.

1 Timotay 2:11

O mavakes rana am ji sira meyzezyak, ta kapangamizing da so inanao da sira.

1 Kedinto 16:16

Am ori o amizngen nyo so akman sang a tao a kano kararay da mahap so vazay na ni Ama ta do to. Amizngen nyo o yokodan da ninyo.

1 Pite 2:13

Am ori an, onotan nyo do makayokod ninyo a tao do karawan, do kapanadnad nyo si Ama ta do to. Akman sang sira o nipamnekan no panirsirngen a omzat do apiya so nakenakem a tao a kano oyyan da no marahet so vazay a tao. Ta onotan nyo sira.

2 Kedinto 7:1

Am ori an manga kakteh an, no yamanoyong o akman sang a nakem na jyaten ni Ama ta do to am apzatan ta o onowned ta an. Ji ta mamyapyan o kataotao ta kano nakenakem ta a macizavoz do raraten. Ta naknakmen ta o kaji tamo meylimotngan so onowned a omraralay ni Ama ta do to.

2 Kedinto 5:11

Namen katenngan o kapeypanam no kapacici na jyaten ni Ama ta do to. Am ori o namen vavagan do tao a amraralay ni Ama ta do to. Ta yana katenngan o onowned namen ni Ama ta do to. Inaoy si akman kamo sang a makateneng do onowned namen.