Ivoso 5:15 - Seysyo No Tao

¹⁵ Am ori o apzatan nyo do icicirawat nyo. Ta ji nyo nginara o abo so pannaknakman a tao. Ta inarahen nyo sira o tey rako so pangasasnekan so icyatatao.

Ivoso 5:15 Referans Kwoze

Kelosi 4:5

Apzatan nyo o iwawalam nyo a kano ciriciring nyo, ta peycitacittan da inyo no ji manaralay so Tao do to. Makateteneng kamo a meylimwang no nanao ni Ama ta do to jira.

Yake 3:13

Sino jinyo o yamateneng a tao. No si myan am apyapya o kapehbo na so nakem na a mapeyvazay so apiya vazay.

Veydipi 1:27

O ahahapan nyo so onowned nyo do araraw am pehngehngain nyo do Mapasaray a Ciriciring na ni Kizisto an. Tana ji ko angay a tomita jinyo a kapakamizing ko jinyo a akmey asa so pangtoktwan a kano onowned a mowyat a meylimwang no Mapasaray a Ciriciring,

1 Kedinto 14:20

So ipeypakatkat nyo, manga kakteh so pangtoktwan an. Akman kamo so mina tazak a tao a ji nakenakem so raraten.

1 Timotay 6:9

O komakzeb so karo no nizpi da am makeykai sira kalittan, ta masanga sira no abo so angangayan a vazay a maozoz so nakenakem. O kapalit no akman sang am mangay sira do makotokotod a lila no apoy a mangay no makwa.

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.

Matay 10:16

“Amizngen nyo an, ta akma kamoy kagling a ko tovoin do kokoman so tao. Am ori o ipeytataziman nyo a makapiya so nakenakem jira.

1 Tesalonicya 5:15

Azimanen nyo an. Ji nyo patonggali o macioya jinyo a tao an. O kapasicyakarilaw nyo. O tey kakza da vazay no icyatatao nyo am peyvazain nyo.

Locya 24:25

Maniring si Yeso jira am, “Manoyong kamo a yajyateteneng a tao an. Ta ikongo nyo ji nganoyngi do ciring da no panoyonoywan na so ciring ni Ama ta do to no kakwa.

Cyalatay 3:3

Yakamo meypanngonngo a yakmey abo so nakem. No kakwa am nipeyhanhan nyo o Seyzi a tomalamozong ninyo. Am ikongo kamo a to mangozangozay do nyo ahapan sya a mapasaray si Ama ta do to sicyaikwaya.

Sipolay 12:25

Am makapzat kamo. Ji nyo to nazibwan o ciriciring na ni Ama ta do to amnanao jinyo. Sira rana ya a to nazibo no yanipeylimwang ni Moyse a ciriciring na ni Ama ta do to am abo taywan da do peyoyaoyyan na ni Ama ta do to. No si to ta nazibwan o ciriciring na ni Ama ta do to a yapo do teyngato am teywara rana o raraten ta.

Matay 27:24

Ileylamdamen na sira ni Pilato am katenngan na rana o kabo na rana no pasapahen na jira ciring, ta ikanyahey na kapeyzavozavoz da no aro a tao. Meyratateng am mangap so ranom a pangain na do tangain no aro a tao a kapavanaw na. Maniring am, “No si mawakwak ya am cyaha, ta beken a raraten ko, ta monganay jinyo.”

Ipaziman 19:10

So nipeylilitod ko do tangain na omraralay nya. Maniring jyaken am, “Ji ka akman sang an. Ta yaken rana ka nimo a kano akma moy kakteh do cinai a yamahap so nipeylimwang na ni Yeso a nanao am mamimin a lamlamsoy ni Ama ta do to. So raralayan mo ni Ama ta do to. Ta o nanao na ni Yeso Kizisto am meyyangay ori a kano nipangnanao da no panoyonoywan na ni Ama ta do to so ciring na no kakwa pa yato ngai sicyaikwaya.”

Matay 8:4

O nipakoyokoy na pa jya ni Yeso am, “Ji mo meycicicyan an. Ta yangay mo a ipacita do mapatanatanang so nakem ta si Ama ta do to a tao a kavalivaliw na so kataotao mo a kapangozay mo do iwawalam na ni Moyse a mapatanang so nakem mo ji Ama ta do to. So anoyngan da jimo no tao a nimapya rana so kataotao.”

Ivoso 5:33

So icyakman nyo sang a mahakay a marilaw no katovong nyo do vahay. To nyo peynara do karilawan nyo no kataotao nyo o karilawan nyo nira. Am panadnaden nyo a mavakes o kahanghangan nyo.

Kelosi 1:9

Mamizing namen inyo am masangib namen a meynozi ninyo. Ipeynozi namen o kapanta na ninyo no Seyzi so makakaday a teneteneng a makateneng do nisidongan na jinyo ni Ama ta do to a kano peypalanginan na ninyo.

Cyalatay 3:1

Inyo rana abwata so kapsepsekan a tao do Cyalatay am yamanoyong na kanidomket ni Yeso Kizisto do jyojika. Am sinosino yamapeykawaw jinyo. Manngwa, kamo mavota saon?

Matay 27:4

Maniring am, “Ko meyraraten a yatodey manazang no inawan no yabo so raraten a tao.” Maniring sira am, “Vazay mo saon am. Namen macivazay jimo.”

Matay 25:2

O lalima jira am ji sira patapatak. O lalima am tey mapatak sira.

Ivoso 5:2

Patwawen nyo do icicirawat nyo o pangangasyan na ni Ama ta do to, akman si Yeso Kizisto a yamarilaw nyaten a yajingbeywan do inawan na nisomidong jyaten. Ta o akman rana sang a vazay na am isaray na ni Ama ta do to.