Ivoso 4:9 - Seysyo No Tao

⁹ O peypeypangayan no kanimeycyakavat na do teyngato am nimanmanma mai do karawan.

Ivoso 4:9 Referans Kwoze

Yowani 3:13

Abo pa o tao a nimangay do teyngato. O Nipamnekan na ni Ama ta do to a tao am ori o nimapo do teyngato.”

Matay 12:40

Mina katlo araw a kano katlo ahep si Yena nimyan do velek no rako a among. Akman ko sang a Nipamnekan na ni Ama ta do to a tao a amyan do oned no tana so makatlo araw a kano katlo ahep.

Yowani 6:33

O kanen rana yana nipakas ni Ama ta do to a yapo do teyngato am yapwan no to meyyonong a ikavyay no pahad no tao do karawan.”

Sipolay 2:9

Am o akman sang a vazay am nimangononong rana do mina katazak na tao ni Yeso a yamaveveveh pa kano tinsi. Am jya nimeyyonownay. Na pangozain ni Yeso o pangangasyan ni Ama ta do to so tao do karawan a mawakwak no raraten ta. So nipantan na nya ni Ama ta do to so azwazway na.

Yowani 20:17

Maniring si Yeso am, “Ji mo minani yaken, ta yako pa jya nimangay ji Ama. Angay da kakteh ko do cinai a kapanci mo nya jira so ko kapeysinaoli a mangay ji Ama a Tao do to ta. Ta iya rana am ta kalovotan a Tao do to.”

Sipolay 2:7

No kamaog mo sira am maveveveh pa sira kano tinsi. Am kanisomakop mo jira no azwazway mo,

Yowani 8:14

Maniring si Yeso am, “Tana ipeylimwang ko o kataotao ko am ikongo na kalasan no ciring ko. Ko katenngan o ko kapwan. Ko katenngan o ko angayan. Am inyo am nyo jyatenngi o ko kapwan a kano ko angayan.

Yowani 6:62

Mangay kapeyzokab nyo nyaken si macita nyo yaken a Nipamnekan na ni Ama ta do to a tao a meysinaoli do teyngato.

Yowani 6:58

O ko ipanci a kanen a apo do teyngato am ji meyyangay a kano nyakan da no ineynapo nyo a mana. Ta nimawakwak sira a yanikoman so sang. Am o koman so kanen a apo do teyngato am mahap da o to meyyonong a ikavyay no pahad da.”

Yowani 6:51

Yaken rana am akma koy kanen a apo do teyngato a yapwan no to meyyonong a ikavyay no pahad nyo. O koman so kanen eya a tao am mahap da o to meyyonong a ikavyay no pahad da do teyngato. O itoro ko do tao a kanen da am kataotao ko, ta yangay ko inyo no inawan. Ori rana am ipakahap no tao so to meyyonong a ikavyay no pahad da.”

Yowani 6:41

Ikazyak da si Yeso no tao do Yotay do kapeyciring na so kakma ney kanen a apo do teyngato.

Yowani 6:38

Ta yaken rana am ko apo do teyngato. So ko ji to mangozai do nakenakem ko. Ta ko pangozayan o nakenakem no yanitomovoy jyaken.