Ivoso 4:32 - Seysyo No Tao

³² O kapya nyo so nakenakem do kadwan jinyo. To nyongbowa o oyyan nyo no kadwan jinyo, akman si Ama ta do to a yatongbo so raraten nyo, do na kanimawakwak ninyo ni Kizisto.

Ivoso 4:32 Referans Kwoze

Make 11:25

No meytatanek kamo a meynozi am manmanma o kato nyongbowan so oyaoyyan nyo no maoya ninyo a tao. Ta ori o vonasan na ni Ama ta do to so raraten nyo.

2 Kedinto 2:10

O peykabobwen nyo so marahet a vazay a tao am to ko macyanod so nakem jinyo. Ta o ikakman ko sang am peyyanowanopen ko inyo so nakem do tangain ni Yeso Kizisto.

Ivoso 5:1

No kamo manoyong a na tey kaglaw a anak na am inarahen nyo si Ama ta do to a tey yapya so nakenakem.

Locya 6:35

So karilawan nyo no macioya jinyo a tao an. Makapya kamo so nakem jira an. O nivood da jinyo am ji nyo naknakma o kapaoli da sya jinyo an. Ta arakorako rana o nakem na jinyo ni Ama ta do to. So ipeyngongyod nyo anak na no tey mazway a Tao do to. Ta ikarilaw na ni Ama ta do to o ji naray no itoro na jira. Ikarilaw na o meyraraten a tao.

Locya 6:37

“Ji kamo manraherahet so icyatatao nyo an. No si manraherahet kamo so icyatatao nyo am akman kamo sang a raheraheten da. Ji nyo mancyan o karatan no tao, ta ori o icyakman nyo sang a ji da raheraheta no tao. Peykabobwen nyo o raraten da jinyo an. So icyakman nyo so sang a peykabobwen da so raraten no tao an.

1 Kedinto 13:4

O meyngongyod a mangarilaw so icyatatao na am to nazibwan o oyaoyyan da no kataotao. Kapiya no nakenakem. Ji manginanahet. Ji mapazway. Ji mapakarakarang so nakenakem.

Locya 17:4

No ipipito a meyraraten jinyo do kasaraw a kapangday na manci nya jinyo so, ‘Cyaha, ta mamlis ko na,’ am to nyo peykabobwa o raraten na jinyo an.”

Matay 6:12

Vonasen mo o raraten namen, akman jyamen a ji mapeyyan sya do onowned so raten da jyamen no icyatatao namen.

1 Yowani 2:12

Ko ipeyteygami inyo a akma koy anak, ta o raraten nyo am yana rana nivonas ni Ama ta do to, do kanimawakwak na nyaten ni Kizisto.

Loma 12:10

Masicyakarilaw kamo an. Ta inyo rana am akmey meyketeketeh kamo do tangain na ni Kizisto. So ipasikakanig nyo.

1 Yowani 1:9

Am no si ji ta naywa o raraten ta ji Ama ta do to a yaji mapeycyakaban so tao am vonasen na o raraten ta, do kapangononong na do ciring na. So icyakma tey nikowyasan a malavang so onowned a abo rana so karatan.

2 Kedinto 2:7

Inyo rana am to nyo peykabobwa, apwapwen nyo o akman sang a tao an. Ta marahet o katey meyngen na so onowned.

Yake 5:11

Tamo ipanci sira tey masaray a tao an, do da kajya haywan no yamyan so alalaw da an. Nimamizing nyo rana si Yepo a jya nimablis so onowned no keyyan no alalaw na. So nyo ipakateneng do kato na ngavosan no alalaw na nisidong na ni Ama ta do to. Ta si Ama ta do to rana am tey rako o pangangarilawan na kano pangangasyan na.

2 Kedinto 6:6

Am keyyan no teneteneng namen a kano pangarilawan namen a omzat do nakenakem namen. Am ori o to namen nangboi sya. So kapya namen a nisidong no Seyzi a meyngongyod a marilaw no tao.

Locya 11:4

Vonasen mo o raraten namen akman jyamen a ji mapeyyan sya do onowned so raten da jyamen no icyatatao namen. Ji mo yamen amya kalittan.’ ”

Locya 1:78

ta oya rana am omaing ya do pangangarilawan na ni Ama ta do to a tomiray jyaten,

2 Pite 1:7

Makakdekdeng kamo pa omraralay ni Ama ta do to a marilaw no akma nyoy kakteh do cinai. Inarahen nyo si Ama ta do to so pangarilawan a marilaw no aro a tao.

Nimlivolivon 28:2

No kanang rana am macimoy a karekmeh na. Am apya sira dang o meyili a tao. Ta nitaotao da yamen a kapeydokdok da nyamen so apoy a panangdangan namen.