Ivoso 4:29 - Seysyo No Tao

²⁹ Taosya o marahet a ciring a makowbot jinyo. Ta o makasidong so tao a kano ikapya no tao a ciring o patwawen nyo. Ta ori o ipakasidong nyo so omamizing so ciring nyo a tao.

Ivoso 4:29 Referans Kwoze

Kelosi 4:6

No meyzezyak kamo am pasaklangen nyo o apiya gamogamo nyo, kapiya da omamizing nya a kateneng nyo a mapasapa do mapacici jinyo a tao.

1 Tesalonicya 5:11

Am ori o ipasipapait nyo a mapamizing so kadwan jinyo, akman so yapiya nyo ahahapan sya sicyaikwaya.

Matay 5:16

Akman kamo so zezak ang a peycitacittan da no tao. So inaran nyo si Ama ta do to a tey yapya. Ta no si macita da inyo no tao a tey yapiya so ahahapan sya am admadmain da rana si Ama ta do to.

1 Pite 2:12

Ji nyo nginara o icicirawat da no ji nganoyong ji Ama ta do to a tao, ta arako o kapyapyan no iwawalam nyo a ka nira. Ta no si macita da inyo apiya so icicirawat no yatomamwad jinyo a kano yamazyak ninyo a tao am azwazwain da na si Ama ta do to no mai si Yeso Kizisto.

Locya 4:22

Abo tao a ji ngyak no tey yapya ciring na. So pancyan da no, “Beken a oya asyo o anak ni Yoseyvo an?”

1 Pite 3:1

Inyo rana mavakes am onotan nyo o kahanghangan nyo. Ta no si amyan jira ori so ji nganoyong do Ciriciring na ni Ama ta do to am anoyngan da rana, do pakacittan da so apiya icicirawat nyo. So ikapyapya no apya icicirawat nyo a kano aro a ciring nyo a inanao nyo sira.

Ivoso 4:16

Yaten rana yamraralay nya tao am akma ney kataotao yaten. Iya am yatomalamozong nyaten. Ori ta icyakmey yasa so nakenakem yamarilaw no kadwan jyaten. Ta yaten rana akmey meyketeketeh do cinai am cinamaog no kataotao na. No si akma tey yasa mapanod so nakenakem ta ji Kizisto am tey rako o oyowyat ta, do kapeyyanowanop na jyaten no pangangarilawan na ni Kizisto.

Ivoso 4:12

O ikakman na sang am ipakasidong da so aro a omanod ji Ama ta do to a tao a meypahagnat so nakenakem ji Ama ta do to. Ta yaten rana am akma ney kataotao ni Kizisto.

2 Pite 2:18

Sira rana am sya mapatwaw so rako a ciring a tomirara so vayo pa niomtad no peyraratenan da tao.

1 Kedinto 14:19

Am no malwalovot a meynozi am apyapyahen ko pa o alima ka ciring a katenngan da amizngen no tao a makananao sira a kano meykazivozivo a ciring a ji da tenngi amizngen no tao.

Loma 14:19

Am ori o ikasangib ta mapeyvazay so ikapya no tao a vazay a kano ipeypakdeng no tao so nakenakem ji Ama ta do to a vazay.

Loma 15:2

Manakem ta o kapasaray ta so akma tey kakteh do cinai. Ta ori o ikarapa do onowned da amraralay ni Ama ta do to.

Yowani 1:37

Mamizing da o ciring eya no rarwa ka macinanao ji Yowani am to sira na macihza ji Yeso.